كل كسر بعدهُ جبر

مشهد

#كل  كسر بعدهُ جبر
#للكاتبة ضوء القمر
Zahraa hussain

،،،،،،،،،،،
، مرات نتخذ خطوة لتغير مصيرنه بس للاسف تكون خطوة لدمارنه مستقبلا.

،
، لا عبالكم تضغطون عليه واتغير لا تحلمون

،، اهواي سكتت وكلت يتغير ويحس على روحه بس لهنا وكافي

،، وشتسوي حجي تغير تفكيري لو تغير هذا الي رافض غيرها تدخله

،، مظفر اهواي تجاوزت حدودك وتحلم ازوجك الها تعرفني كلشي اكدر اسوي خليك آدمي وحافظ على زواجك

،، لا حجي ميفيد هالزواج من اساسه غلط

، لانك مو كفو ولك تعرف الجوهرة الي بين اديك بس انت عار وغبي ولك الي گاتل روحك عليها تروح فدوة الها

،، ليش تعصبوني ليش تخلوني اتصرف غير تصرف من هيج تريدوها ليش زوجتها الي عندك غيري مو تعرف راح تنظلم

،، ردتك تعقل وتفكر زين مو تركض ويه گلبك وناس متسوه

، كعدت واهز براسي باستهزاء،، هاي الناس الي تكول عنها متسوه اني مرتاح وياها وانتو تشوفوها هيج لان كل حقدكم خالها گتل اخوك

،، لك عاار لا عبالك نجمات على متونك وصاحب رتبة مااكدر اسيطر عليك لا تنسه روحك بكلمة وحدة مني اخليك تتنازل عن كل حجيك فصير خوش آدمي وتجنب المشاكل

، يمه مظفر فدوة اروحلك لا تسوي مشاكل وعوف البنيه ماتناسبك مرتك بنيه معدلة وبت اصول شجاك مضروب على راسك.

، باوع بغضب مااريد افقد السيطر مااريد اخسر اهلي مو علمود شي بس ادري بنفسي، مااكدر بدونهم، عفتهم وطلعت تعبت اهواي منين التفت الكاها مسدودة شنو الحل ماادري.
.................
،، ليش مستعجلة
،، وليش ابقى
،، رزان بطلي هالسوالف عندج فرصه
،، لا سراج فرصتي ضاعت من اول ليلة بعدين هالفرصه مااكو استغلال الها غير ننفصل
،، وبعدها اشلون تكملين اني متأكد مراح تقبلين باترباط ثاني
،، اي صح الغلطة مرة وحدة
،،وهيج ترتاحين
،،لا تخاف اني حاسبة حساب ماابقى هنا وحتى لو بقيت ميهمني احد صح راح اتعب بس ميخالف المهم مااظل هيج

،،اشكد تمنيت تغيري بس انتي مقبلتي
،،الي ميغير روحه مستحيل احد يغيره وهو مو صغير الي ميشوفني من اول لحظة مستحيل يشوفني بعدين ،سراج انت اكثر واحد تعرف اشكد تعبت ويه اخوك ،بس اريد منك شي لا توكف ضده ان فعلا شفتو البنيه الي يريدها خوش بنيه وتستاهل التعب لا تبعدوهم

،،لو طالبة عيوني ولا طلبج هذا وتعرفين شنو الي بينه مراح اوعدج بشي بس أمانة الدوام لا تعوفي ترا مخبل ومتعرفين شسوي

،ابتسمت على كلامه صح ماحصلت زوج يخاف الله بس حصلت حمه اخو خيته من صدك وكفلي وكفات ماانساها ،،الله كريم بس محتاجه وقت

،،اشو تحجين وكأن اطلكتو ترا بعد كلشي مصار

،،لا تستعجل الامور تجي وحدها .

،،،،،،،،،،
مساء الورد والياسمين على متابعيني الغوالي التصويت كان من نصيب قصة
#كل كسر بعدهُ جبر
طبعا هذا مشهد وانتو تعرفون اسلوبي مااحب اعرف الشخصيات من اول بارت احب الغموض بالبداية المهم القصة احداث حصلت لأشخاص من الواقع واني مااتناول احداث غير واقعية ،نظام النشر راح يكون على نسبة التفاعل للمشهد واول بارت الي راح ينزل بليل من بعدها اشوف كل اشكد ينزل بارت لا تنسون صوتو للقصة وعلقو وشاركوها، كثيرو تعليقات😒😁