كل كسر بعدهُ جبر

البارت الاول

#كل كسر بعدهُ جبر
#للكاتبة ضوء القمر
Zahraa hussain

،،،،

بكل مرة أكول يتغير الوضع ويصير للأحسن بس يخيب ظني مااعرف منو الي غلط بينه اني باختياري لو حظي عكس لو الدنيه رايده هيج .بس الي اعرفه محد خسر الحرب غيري

..مثل كل مرة اتجاهل صياحه وكلامه الي يكون جارح بعض المرات
مو قصة ضعف مني اكدر ارد عليه .بس اعرف ان رديت عليه راح ازيد النار حطب واني مو راعيه مشاكل ..صيح عليه ورايد بس حرف مني مابدر مني شي .رغم الموقف اهواي زعجني واني ممسويه شي حتى الحفلة طلعت من عيني توهمت لبست فستان مكشوف لو جبت العيد ..

مظفر، ،لاشوكت حضرتج راح تظلين ساااكته ولسانج هذا ليش ماايطلع كدامي ولج انتي هم بشر معقولة اكو وحدة تتحمل كل هذا وتبقى ساااكته جاااوبي

رزان،ماحجيت شي لان اخاف على روحي الي ماباقي منها غير اشلاه بس شفته عصب وعله صوته وناس يمنه :ممكن تهدأ الناس جوة مو حلوة بحقكم .ولا بحق أمنية
..يمكن كلامي هذا خلاه يثور اكثر اخذ سترته وطلع بعد ماطبك الباب حيل

،هنا دموعي جانن يتسابقن على خدي الي رسمن طريق الهن، لو يفيد الدمع بشي جان من اول لحظة نزلن استفاديت
..واكفه كدام المرأة اعدل روحي الي تعودت دوم اعدلها بس داخلها رماد .بعد مارددت الايه بكلبي حتى ارتاح
..واصبروا ان الله مع الصابرين.

الإنسان اشكد مايكون قوي نهايته وحدة والظلم والكره لازم يجي يوم وينتهي ،غيرت ملابسي مااريد احد يشك بشي ونزلت ورسمت على وجهي ملامح الفرح
،أمنية حماتي الصغيرة ومدللة البيت حبابة ونسمه ماشفت منها شي من يوم مادخلت هالبيت اصلا اهل البيت كلهم يحبوني وهالشي الي مصبرني ومتحمله ومنتظرة الوقت المناسب ...

أمنية :رزان هاي ليش بدلتي اكو شي
رزان :حسيت نفسي متضايقه غيرت ليش محلو
أمنية :كلشي عليج حلو يحلو متأكدة ماكو شي
رزان :عروستنه الحلوة ماكو شي اطمني بس ضايجة لان راح ترحين وتعوفيني
أمنية :ههه بعدني يالله توني انخطبت

رزان :تدرين من هسه احس بوحشه ماادري اشلون راح يكون البيت عليه بدونج
أمنية :اني الي ماادري اشلون اعوف هالوجه الحلو ولج جنت وحدي وانتي مليتي عليه البيت رزان،ادري احنه مقصرين وياج وحقج علينه وادري اي كلام مني مراح يفيد بشي بس ان شاء الله يتغير الوضع وتكونين انتي وبس

رزان،ابتسمت على حجيها ونفس الوقت مقهورة على روحي. جانت لازمه ايدي نزلت راسي وطبطبت على اديها
:ياريت يتغير بس اتوقع مراح يتغير واذا صار اتمنى الي ببالي المهم لا تفكرين بشي واني بخير ماعليه شي لا تخافين عليه بعدين شنو مناسبة هالحجي هسه

امنية :اووف ياكلبج هذا اشكد حنين اخوي الخسران والله

رزان :الله كريم
،كمت من يمها واني اداوي جرح جديد ياريتني اعوف كلشي واشرد من هالعالم الي مانصفني،ماادري اشوكت اكدر ارتاح ولو مستحيل ارتاح