كل كسر بعدهُ جبر

البارت الثالث

#كل_كسر_بعدهُ_جبر
#للكاتبة ضوء القمر
Zahraa Hussain

،،،،،،،،
بعض الذكريات احيانا نحتاج إلى محوها نهائيا من ذاكرتنا.

رزان،بيوم راجعه من الدوام ضايجه وتعبانه بحيث مالي خلك لشي توني دخلت غرفتي ابدل ماحسيت الا مظفر داخل بكل قوته ،جان معصب كلش مبين جاي من المركز وجه احمر من العصبية
،،مظفر

مظفر :انتيي شمسويه من وووراي احجي

رزان،خفت من تصرفه ابد ماشفته بيوم هيج حاله خفت يسويلي شي رجعت ليوره وهو يتقدم شنو ممكن يصير مثلا يكتل لا ميكدر بس ليش هيج معصب لازم صاير شي ،،

،مظفرررر

،،نرجع اشويه ،

مظفر،بعد ماتعاركت ذلك اليوم ويه رزان ماحجيت وياها ونادر اشوفها عرفت بيها مريضه ضجت لان اني السبب بس مستحيل ابين التهيت بالشغل وعقد أمنية ووليد، جانت حياتي شبه استقرت ولو للايام قليلة ،بيوم كاعد عندي كم قضية ووصلتي رسالة

،،تعال شوف مرتك

،استغربت من الرسالة دخلته كاشف ماطلع اسم ،بقيت افكر اشبيها مرتي وليش احد اكو مراقبها ،بقيت صافن اكو شي صاير من وراي الي اعرفه رزان مستحيل تسوي شي ياذيها
،مكدرت اكعد بمكاني رحت لمكان دوامها ،من وصلت بقيت بسيارتي
،لمحتها من بعيد واكفه بس كدامه واحد هنا الشياطين تربعت براسي ،شعدها واكفه ومنو هذا

،،هين يا رزان اني اراويج، بس هالعار وينه
انتظرتها تكمل دوامها ورجعو شفتها دخلت البيت واني طرت وراها، من دخلت الغرفة خافت بشوفتي وكأن صاير شي ،

سراج :مظفرر
مظفر :سراج اطلع برا
سراج :لا مااطلع
رزان :سراج شكو
مظفر :انتي اسكتتي
سراج :ماكو رزان لا تشلين بال مظفر خلي نطلع
مظفر :اخر مرة احجي اطلع منا اني ومرتي لا تتدخل
سراج :مظفر انت فاهم الموضوع غلط
مظفر :لا ماكو شي أفهمه غلط

رزان،جانو يحجون بس مافهمت شنو يقصدون اصلا شنو السالفة بس من كال اني ومرتي هنا تعصبت
:لحظة لحظة ممكن افهم صاير وشنو يخليك هسه تعرف اني مرتك مظفر شكوو لا سراج انت احجي شصاير

مظفر :شوفي يابنت الناس تحجين الي صار لا اشوفج وجهي الثاني

سراج :مظفر كتلك انت فاهم الموضوع غلط
مظفر،نترت ايده :شفاهم غلط هاا حااجيني وين الغلط الي جانت واكفه ويااااه منووو

رزان،ربطت واكفه وشصاير معقولة شافه واكف :انت شتحجي 
،التف عليه وعيونه كلها شرار اول مرة هيج اشوفه

مظفر :سمعتي الي حجيته الي واكفه وياه منووو منين تعرفي

سراج :مظفر تخبلت اكلك فاهم الموضوع غلط امشيي وياي

رزان ،فوك التعب جاي يحاسب على شي مو فاهمه واصلا اشلون عرف ،شفت سراج يحاول يهدي ويطلعه بس مظفر صاحب جسم وسراج ميكدرله وخاصه اذا عصب  :لحظة سراج مابيها شي هو يسأل ولازم ياخذ جواب