كل كسر بعدهُ جبر

البارت العاشر

#كل_كسر_بعدهُ_جبر
#للكاتبة ضوء القمر
Zahraa Hussain
............
مساء العافية ،بالنسبة للي يكولون ليش تتأخرين وداننسه الأحداث، اولا مو بقصد التأخير هذا ثانيا اني نوهت انو كل يومين ومرات داانشر بين يوم ويوم اذا كانت عندي فرصة ،شغلة بعد اني عندي دوام ومحاضرات ويحتاجن وقت مني وايضا تحصلي ظروف بس رغم هذا جاي انشرلكم نفس الموعد ،واكو بعد يكولون يتأخر وقصير لا مو قصير بس البارت ينشر على حسب الاحداث ،ان شاءلله ماكو تأخير ،اما موعد ثابت للنشر ماكو اي وكت اكمل كتابة انزل البارت،
........................

ان تقسو على من تحب يكون اقسى عليكم منه ،
،،،
مظفر،كاعد بالغرفة اباوع عليها وجها اصفر ايدها مخيطه كلش معصب من الي سوته،
تذكرت الرسالة
،،فتحت الرسالة وانصدمت
،،إذا فعلا رايدت السعادة الها تعال وخلصها من داتسوي بروحها، احنه بالمستشفى، لين حاولت تنتحر للمرة الثانية وهالمرة اقوى

مظفر،تعصبت كلش الف مرة حاجي وياها هالسوالف تبطلها، سقت مباشرتا للمستشفى، اول مادخلت تلكتني بنيه

،،العفو مو انت المقدم مظفر اسعد

مظفر :اي نعم اختي منو حضرتج
..اني بنت عمها ل لين

مظفر،رفعت حاجبي ماحجتلي احد يعرف :انتي الي خابرتي ودزيتي الرسالة

..اي نعم اني عفيه ولو الموضوع مو سهل بس رجاء منك اريدك تسمعني

مظفر :اسمع شنو
..تفضل وياي حتى بعدها تشوفها

مظفر،طلعت وراها اريد اشوف وين توصل كعدت اول شي بقت ساكته
،،احجي شنو عندج

..اعتذر منك لان راح اخذ من وقتك ،لين حاولت تنتحر بس تلاحكناها على الأخير والله ستر جنت موجودة والدكتور كال ان مرة ثانيه حاولت احتمال تموت بمكانها

مظفر :وهذا تصرف انسان عاقل برايج
..لا تصرف غلط بس

مظفر :بس شنو بنت عمج اكيد حجتلج عن علاقتنه

..لا مااعرف كلشي بس الي اعرفه هو انت الي تحبه وتريده بس صارت مشاكل بينكم او بالأحرى بين العشيرتين اكو مشاكل

مظفر :تعرفين ملخص السالفة شنو تريدين مني

..اذا تكدر اقنعها تعوفك وتنتبه لحياتها

مظفر،وكفت :اني جاي لحل السالفة كلها

..لحظة ماكملت كلامي
مظفر :ميحتاج تكملين بس اي غرفة

..مراح تكدر تدخل هيج خوف من أهلها راح انطيك صدرية البسها وتكدر تدخل

مظفر،جنت طول الوكت لازم اعصابي، مشيت وراها رغم اني مخايف من شي بس علمودها، صعدنه لردهة الي موجوده بيها ،دخلت ،وهي طلعت ،بالبداية الف مرة فكرت بالي احجي ،ورحت كعدت يمها ،الى ان صحت