كل كسر بعدهُ جبر

البارت الخامس

##كل_كسر_بعدهُ_جبر
#للكاتبة ضوء القمر
Zahraa Hussain
اسفه على التأخير بس صارلي شغل .
،،،،،،،،،،،،،،
بعض الأخطاء تبقى ملازمه لنا مهما اصلحنا ماافسدته تظل تلاحقنا.

رزان : نعم بشنو اكدر اساعدك

،،للاسف يمكن متأخر

رزان،للحظة باوعت بعيونه كلشي تذكرت والي صار قبل أربع سنوات ،نزلت راسي
،،عن شنو

حسان :ناخذ من وقتج

رزان،رغم اعرف ميصير بس طلعت رحنه على الحديقة كعد واني كعدت بعيد عنه اثنينه بقينه ساكتين كان مثل الي يحاول يجمع كلامه بس ميعرف اشلون يبدي

حسان :متوقعت اشوفج بعد ذلك اليوم
رزان :ولا اني
حسان :رزان شنو صار ليش تصرفتي هيج

رزان،كلامه خلاني ارجع لذلك اليوم
،قبل سنوات جنت طالبة مرحلة ثالثه صديقتي فرح جانت مقربة مني مجان عندي علاقة ويه اي احد مكان هامني غير دراستي بيوم كاعدين واشوف فرح مو على بعضها

،،خيرج فروحه اشبيج
فرح :هاا اا اريد اكلج شي بس مااعرف اشلون ابدي
رزان :خير كولي ترا مابينه هالخجل
فرح :هو مو قصة خجل بس مااريد تفهمنيني غلط
رزان :ماتوقعتها منج اني افهمج غلط وليش هيج تخافين كولي شكو
فرح :اكو شخص معجب
رزان :الي يريدج يجي لبيت اهلج
فرح :خلي احجي بعدين كولي هيج
رزان :ميحتاج تحجين ان خوش هو راح يعرف الأصول وان لا والله يريد علاقه لا تخلي يشوف طولج

فرح :بس
رزان :بس شنو انتي هم تريدين
فرح :لا رزان شوفي هو لسه مااعترف وجه لوجه بس وصلني رسائل واني بصراحة من فترة مخليه عيني عليه

رزان :فرح انتي تعرفين شنو دااتحجين من اشوكت انتي هيج بعدين ليش تخاطرين بنفسج
فرح :اني مسويت شي وهم كتلج اكو مبادرة منه

رزان :مراح اكلج الله يسعدج ولا يوفقج بس راح اكلج الله يدزلج ابن الحلال الي يخاف الله بيج

،من حد ذلك اليوم فرح متغيرة مرة فرحانه ومرة لا مرات احاول افتح وياها موضوع انو هالشي غير صحيح ومرات ابعد وماادخل بس لاحظت شغلة وهي اكو شخص مو من قسمنه  ولا شايفته ومرات اشوفه بالكافتريتا عينه علينه متوقعت هو نفسه لان فرح كان تصرفها عادي

،،فرح

فرح :نعم
رزان :من قسمنه هو
فرح :هاا منو
رزان :فرح ترا كمت اضوج من بداية هالمرحلة وانتي متغيرة ان الولد رايدج يجي بيتكم وثانيا لا يكعد هنا وعينه علينه كوليله منريد يصير حجي علينه

فرح :ومنو كلج هو موجود هنا وبعدين ليش معصبة لو متعرفلج هم تسوين هيج
رزان :اشبيج فرح اني وين احجي وانتي وين بس ميخالف اجاوبج اي نفس الشي
،عفت المكان وطلعت من صدك صرت اضوج رغم ماشفت منه شي ومبين مثقف ورزن بس شنو قضيته، مااهتميت للسالفة وتصرف فرح ماخليته ببالي والايام جانت تمشي ببرود، رغم تضوجني بصرفاتها فرح بس مالي دخل بيها هي حرة مرة ،كاعدة وياي ومبينه زعلانه مني بس ليش ماادري