صافيناز والشيخ

مشهد من المستقبل ❤️

من تشوفني تعرفني؟؟ لاوالله
موذاك الغشيم  المن كبل شفته
كبالك غير واحد بي شبه من ذاك
مايشبه هذاك البي جرح عفته
.
.ايهاب المالكي♥️

طبيت بكل هيبتي والانضار عليه الزغير والجبير
كلها تباوع باعجاب وصدمه امي لمن شافتني لطمت
ع صدرها ولج صافيناز كصيتي شعرج ولج ليش يمه هيج خربتي شكلج، جنج ولد صرتي ولج يمه تحركين كلبي ليش ليش..
باوعت لامه الواكفه تواسي امي بمصيبتها شعري الي جان لحد جعب رجلي تخليت عنه كصيته لحد ركبتي
هو وتخلى عني مافادني لاجمالي ولاشعري الي جان يتغزل بي ولاكلشي ربحت بي حور واكفه ولابين علي اي ردة فعل وأذا اني جيت على عرسه البارحه ملخت روحي وفضحت نفسي بصياحي علي خليت المايدري يدري والشامت شمت بكل قوتة!! ❤️🙂
وهسه واكفه كأن بعرس الغريب ولاكأن عرس محبوبي