صافيناز والشيخ

الحلقه(7)

               رواية صافيناز والشيخ

:لسـت مـلاك من السمـاء ، لـكني ؏ يقـين بــ أنني لسـت كـ الباقيـن شيـاطيـن بـوجهـين🖤..

صافيناز
جانت الحفله العرس كولش بسيطه ميساء مبينه صغيره لابسه فستان طويل ستن ابيض بي أكمام ستن وبي تفاصيل بسيطه من ناحيه الصدر  بس ذوقها يخبل طلتها كلاسيكيه حمره حمرا وايلاينر عريض ،وشعرها اسود ويجي لنص ظهرها وجه ضعيف بس طويله واطول مني وجسمها مليان .،،غرت منها ومن نزاكتها وجمالها

اخ يا ازل موووبنيه ضيم دخلت كلبي من اوسع ابوابه الشعر اشكر العيون خظر والشفايف حمر صفنت بيها وباوعت لهشام الي صافن بيه وبنظراتي رحت ليمه
هشام ازل

هشام
شبيها

صافيناز
كولش تشبهني عيوني شفايفي بس عيونها خظر مو عسليه نزاكتها وشعرها وكلشي بيها اني ييي اني لمن جنت بكبرها،

هشام
تدرين لمن شفت ازل ماصدكت عيوني عبالك انتي، كلبي عتلك علك عليها حرامات تدمر لاعمام يردوها ولا خوالها يكدرون يامنون الها الشي اللازم ازل بنت كلبي هاي صح مو من صلبي بس اكو شي يربطها بكلبي

صافيناز
بنت كلبك وابتسمت اله الله يخليها الك رحت ليمها
هلوو

ازل
بصوت ناعم كولش أهلا خاله

صافيناز
ههههه كل هذا مبين علي جبيره تصيحيني خاله

ازل
بصوت طفولي وناعم، لاماقصدي بس لان ماعرف اسمج وكلت خاف عيب منا متقبل اصيحلها باسمها

صافيناز
لاحبيبي ازوله اسمي صافيناز مديت الها ايدي

ازل
اني ازل  وسلمت علي

صافيناز
عاشت الاسامي حبيبتي، ازل تمنيتها بنتي احس تربطني بيها رابطه قويه تعرفنا وحبيتها وحبتني كلت الها لو ضجتي خل يجيبج هشام نتونس اني وياج واني اعتبريني اختج الجبيره وسميني باسمي
ازل بنيه حساسه ومبين جانت ببيئه كولش قاسيه، تخاف تقترب من احد لابسه بنطرون كابوي وتيشيرت وردي وشعرها مثل شعري اخ يهلبنيه مالوم هشام لمن يكول بنت كلبي
كملت الحفله بس الموقف الهز روحي ماعرف شصار بيه لمن زفوهم للغرفه وازل راحت وي بنات خالها لان متعوده عليهم، صعبه كولش ام وبنتها يفترقون بس موهذا الهزني كد ما كلبي نمرد مرد هشام صار الها هشام كله الها، شعلي هسه اني ليش مقهوره الله يسعده ويحفضهم لبعض رحت لبيتنا اني وزعاطيطي واني كلبي محروك اذكر أيامنا وضحكنا وسوالفنا، ماكدرت غصه بزردومي وكفت وبجيت بجيت لحد الصبح واني خايفه لايتغير خايفه لا فديوم احتاجه وما الكا اخاف ميساء تمنعه اخاف تغار علي وتكله يا اني يا هي وتمنعه مني ياربي ارحمني من هالنار البكلبي هشام فدواا لاتتغير علي اخ ليش اني اغار ع المو أليه، ليش اغار وكلبي محروك واني طول عمري اعتبره اخ استغفرالله العظيم، اذن فجر وسوالف توديني وسوالف تجيبني كمت صليت ودعيت الله يحفضه ويريح باله ويكون اله عيله تحبه الله يحفضهم لبعض،
صار الصبح وكعدت من وكت اليوم نضفت البيت وكعدو زعاطيطي وبدلت الهم شهلاء صافي الثاني تشبه بتصرفاته بس بياضهم وخشومهم وشفايفهم علي شكارهم هم، بس شهلا عنيده ولو جاعت تكلب الدنيا عكس هشام الي بس ساكت ويباوع للكل هي تلعب وتناغي مهيمن يمووت بيها وشيخ لمن يجي ويكعد ويا مهمين يكول يحجي ع هشام يكله من هسه انت وي حزب امك واني وشهلاء بحزب مع انو يحبهم ثنينهم بس جان بنفسه عكاب واني بنفسي هشام واكيد رغبتي انتصرت،
بدلنا جه ع بالي اليوم اتأنق يمكن لان غرت من ميساء لبست فستان ابيض وبي ورد احمر شيفون واغصان رصاصيه وشيله رصاصيه حذاء رصاصي وحمرا حمره ومسكاره وتنت احمر فقط هذا مكياج واقوا مكياج يمي شلت زعاطيطي ورحنا لبيت هشام
اول مفتت سلمت وانطيت الزعاطيط لام الشيخ لهسه ماحجي وياهم بس مامنعهم من جهالي
ضلو يمها تلاعب بيهم وتغنيلهم اغاني الكبار بلسن
هش وهش وهش
شهوله راح تحش
ضيعت منجلها
من تيجي الا اكتلها
وعلى هشام تغنيله
هشومي يعيوني
لابس غاط زيتوني
لابس ساعه لامعه
تسوا كل الجماعه
وهواي اغاني اسمعها تحجيلهم بس حفضت هذولي
وهم لمن نكعد اغنيها الهم
كاعده بلمطبخ. فات الشيخ سلم وصوفر يااابه مريتي كسرررت عالكل