إختطاف| TbxB.

شخصيات.

مرحبا، أشكركم على تفعالكم فالبدايه ما انحرم..

حيكون وصف بسيط لشخصيات موجوده حاليا، وشخصيات مستقبليه عشان نكون واضحين..

بحط صورهم في النهايه للي حاب يتخيل براحته بعيد عن الصور♥️..

شخصيات أساسيه حاليه:

أصيل:
تومبوي - بنت بتصرفات ذكوريه- ، عمره ٢٨ طوله ١٧٢ هادي جدا ومن النوع الجاد دايما ماعنده وقت للمزح ويعتبر اخر شخص ودك تقابله، اجبرته مشاكله مع اهله وتشكيكهم فيه بسبب شكله بانه يترك البيت وجلس هايم بالشوارع رافض رجعته لين تعرف على احمد بالصدفه وعرض ياخذه عنده.

لؤي:
ولد، عمره ٢٢، طوله١٦٦ كان طفل مفعم بالحياه ومشاغب مع اخوانه من عمر صغير كونه اخر العنقود بين اهله لكن بعد ما خطفه احمد بعمر ال ١٠ سنين حوله اضطراب ما بعد الصدمه لشخص خايف دايم لين ما جا أصيل وبدا يحببه فيه فصار هو مصدر الامان الوحيد له، اقنعه احمد ان اهله ماتوا وماله غيره فانجبر يبقى معه دون م يدور اهله.

أحمد:
ولد،  عمره ٣٥ ، طوله١٨٠ متسرع بقرارته دايم ومتهور، عايش على ان الحياه مره وحده ولازم تخربها قد ما تقدر، دخل عالم الجريمه من عمر صغير بسبب البيئه اللي كبر فيها وبدا ينفذ عمليات سرقه وخطف ويطلع بنتايج مرضيه له لان محد مسكه بسبب نباهته، ويشوف خطف لؤي كغلطته الوحيده بسبب عايلة لؤي اللي له ماضي معاها.

كرم:
ولد، عمره ٣٤ طوله١٧٥.ولد عم احمد ومعاه من لما كانوا صغار، باله طويل وهو اللي ينبه احمد دايم ويحاول يصحيه لما يحسه بيتهور، لطيف وينحب بسرعه لكن خطورته تشابه خطورة احمد لان كلهم لهم نفس الماضي، يعامل لؤي وأصيل كانهم اخوانه ولا يرضى عليهم بحكم انهم " العايله اللي اتمنى يكون فيها" لان ابوه تبرا منه بسبب مشاكله
الكثيره هو واحمد.

ماجد:
ولد، عمره٢٩ طوله ١٧٨، كلامه ما يثمنه ودايم افكاره تاخذه لمجرى مُتدنى ، يشارك احمد وكرم ببعض الجرايم لكن مو كلها، عنيد لابعد حد ومستحيل يتوافق مع اي احد لكن بتلقاه ورى مصلحته دايم ولا همه احد غير نفسه.

شخصيات أساسيه فالاحداث القادمه.
- تقدر تتجاهل وتشوفها بعد ما تتعرف عليهم-

صقر:
ولد ،عمره ٢٦ طوله ١٧٧، اخو لؤي وكان اكثر واحد يتهاوش معه وبنفس الوقت يدافع عنه بسبب فرق العمر القليل اللي بينهم ، شخصيه عصبيه ومتسرعه لذا اللي فعقله دايم بيده ومستعد يدخل باي مشكله لو دافعها يهمه.
بعد ما انخطف لؤي صار حريص جدا على اخوانه ويتوتر لو احد غاب لمده دقيقه عن عيونه، خصوصا بعد ما شاف تاثير اللي صار للؤي على امه وابوه.

جُمان:
بنت، عمرها ٣١ طولها ١٦٥ ، ملامحها هاديه وعلى وجهها ابتسامه بشوشه اخت لؤي وكانت مصدر الحنان دايم له واكثر وحده تهدي بين اخوانها ، هي البنت الوحيده بينهم فصارت مثل امهم بالذات للؤي وصقر، لطيفه لابعد حد لكن تبقى حازمه وقت يحتاج الموضوع،متزوجه وعندها ولد بعمر الثلاث سنين وسمته على اسم لؤي.