إختطاف| TbxB.

١٢

دخل المجلس وشافه جالس قدامه ، ابتسم وراح له على طول: سلام عليكم.

وقف بسرعه : هلا حسن تكفى طمني.

سلم على راسه وجلس جنبه: ما عليك والله ولدك بخير ولا فيه شي حمدالله ، وعنده احد يحميه هناك.

عقد حواجبه : كيف احد يحميه؟

ابتسم حسن: ٢ من اللي فالمكان مهتمين فيه ولا راضين يخلون احد يقربه من خوفهم عليه.

: بس هذول خاطفين وانا عمك بالنهايه ما تدري وش سووا فيه .

حسن: واحد منهم بغت تروح روحه عشان يحمي ولدك ، ما اضن سووا فيه شي.

بدا يتوتر وقال بسرعه: يعني ولدي مهو بأمان.

سحب جواله وطلعه وهو يوري عمه المقاطع اللي صورها للؤي دون محد ينتبه.

سحب الجوال بسرعه وتجمعت دموعه بعينه : لؤي! يا حبيب ابوك انت صرت رجال.

بدت ايده ترجف وسحب طرف شماغه يمسح دموعه، اكتفى حسن بانه يربت عليه: اذكر الله حمدالله انه بصحه وعافيه.

وقف بسرعه وسجد لربه: يا الله لك الحمد والمنه يالله لك الحمد.

قام بعدها ولف على حسن: ما بتحمل يوم زياده وهو بعيد عني تكفى يا حسن خلينا نروح له.

حسن: والله العظيم لو اقدر كان جبته معي بنفسي بس اصبر علي وانا اجيبه لك والعن خير اللي اخذوه منك.

جلس وبدا يتحسب عليهم: يالله لا تسلم فيهم احد يالله انك تحرق قلوبهم.

انفتح الباب وابتسم يوم شاف ولد عمه: يا هلا يا هلا حسن عندنا.

وقف حسن بسرعه قدام عمه عشان م ينتبه ولده: هلا صقر.

سلم عليه صقر: وين الناس ما تنشاف ؟

حسن: تعرف مشاغل المستشفى وحوستها.

صقر : الله يكون بعونك يارب

لف على ابوه و استغرب : ابوي فيك شي؟

: لا يا وليدي معليك.

تنهد صقر لانه عارف ابوه الفتره ذي عليه ضغوط فسكت وابتسم لحسن: وحي الله حسن.

____________________

كانوا جالسين يتابعون لهم فلم بما انه مافيه شغل الفتره ذي بسبب اصابه اصيل.

لؤي بانزعاج: فلم مستفز كله اكشن ودراما.

احمد: انطم لؤي.