The book is not edited. So please excuse any mistakes I'll be sure to fix them when editing
A Jamaican Love Story between Badz and Dee❤
Read to find out🙏❗
Started:- May 13, 2022
Completed:- September 21, 2022
Highest Ranks:-
#1 Jamaica
#1 Jamaica...
Mi drive up inna di town and mi see couple people deh pon di road and some juss a check out di car.
Mi parents live ina di heart a di town right a waa crossroad. We house weh we did live inna was a four bedroom house wid one bathroom, kitchen, and waa living room.
Waa bar did deh right cross di road from mi house and di likkle waste bwoy dem deh everyday. Me, Nana, Tae and di young boy dem did a fren wen we a guh school but as we get older mi see seh dem nuh waa nutten fi duh inna life so we start distance wiself.
Mi drive up and park Badz car right beside mi father own and then shut it off. Badz come outa di car and everybody start look pon him, then mi come out wid the car keys and mi matey bag inna mi hand.
Mi walk go roun a di trunk and see Badz tek out di both a we bag.
Him did look good today.
My girl. Everyday yuh man look good. Yuh tell we dat everytime yuh see him. Mi subconcious seh and roll har eyes.
Whatever. Mi cyaa appreciate mi man sexiness? Mi ask her mentally.
Me neva seh dat but every damn day yuh see him yuh seh him look good. We muss know yah now man. She continue.
Kiss mi teeth. Mi think.
Him did have on waa navy blue Nautica shirt and waa navy blue Nautica shorts wid waa white socks and navy blue Nautica slippers.
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Him shut the trunk and mi press the button fi lock up the car. Him take up di bag dem and mi walk weh wid him a follow mi.
Mi see Daddy a di gate stand up a chat to him bredda and mi start smile.
"Daddy." Mi call out and him look pon mi.
"Dacia." Him say and start smile.
Mi walk guh up to him and hug him up.
"Wahm Davian?" Mi greet mi youngest uncle. Him did a twenty five so him never much older than mi and him never waa mi call him uncle.
