DI SCAMMA BWOY: A Jamaican Love Story

CHAPTER 42

Three weeks later...

DEE'S POV

"Come nuh babes." Mi beg Badz.

We did uppa him house a Santa. We a go out likkle lata go eat a waa new restaurant and mi did waa have sex before we go but him a play hard.

Yuh addicted to sex eno girl. Mi subconcious seh.

Leave mi alone girl. Mi feel fi it and mi want it. Mi roll mi eye.

Mrrrr.

"Dacia mi nuh done tell yuh a thing already." Badz laugh as him siddun pon di edge a di bed.

"Babes. Mi naa laugh." Mi seh and hold on pon him hand. "Mi want it cause mi horny."

"But babes mi nuh waa none right now." Him laugh and mi kiss mi teeth.

"Suck yuh self ugly bwoy." Mi seh and roll mi eye.

"Suck back fi yuh self." Him seh and start laugh louder.

Mi fold mi hand dem ova mi chest and long up mi mouth.

"Yuh mouth long like." Badz seh as him look pon mi and laugh.

"Fuck you." Mi seh and cut mi eye afta him.

"A fi yuh job dat." Him seh and kiss afta mi.

Mi tek mi time get offa di bed.

"A weh yaa guh mam." Badz ask as him eyes mi.

"Suck yuh self and nuh ask mi nutten." Mi cuss and him start laugh out loud.

Mi walk guh a him closet and start scan through mi clothes dem and buck up inna waa likkle blue, white, orange and black tie dye dress wid some cut out inna it. Mi have one just like it but mine a blue, white, green and black.

Dis anuh mine. Mi think to miself.

Rass now goodie. Mi subconcious laugh.

Mi tek up di dress and march right outa di closet and to him room and go stand up infront him.

My girl why yaa behave suh strong. Mi subconcious seh.

My girl nuh seh nutten to mi.

"A who fah dis?" Mi ask Badz who did lay down a chat pon him phone.

"Wait deh mi soon talk to yuh bro." Him seh inna di phone and press di screen, most likely a mute di call. Him rest di phone pon di bed den turn to mi.

"Nuh yours babes. Nuh you lef yuh clothes dem up yah?" Him seh.

"A nuh mine this Badz." Mi seh and kiss mi teeth.

"Mi sure a u mi see wear dah dress deh Dacia." Him seh.

"Anuh mine this yah one yah Badz. This have orange pon it and mine nuh have orange pon it."

"Well mi nuh know a who fah Dee." Him seh and turn back to him phone and unmute di call.

"Yes bro, wah yuh did a seh?" Him seh inna di phone and mi juss look pon him.

Mi feel the tears dem a build up. Mi neva waa cry but dem mood swings yah juss work offa dem own.

Him pause fi a second and then mi hear him seh, "Yow, lata mi link yuh yaa man."

"Yuh know yuh is a disrespectful piece a shit." Mi seh to him a waa tear drop down mi jaw.

"Wid wah now Dacia?" Him seh wid a sigh.

"Bredda, mi juss seh mi aguh spen time uppa mi madda until mi have baby and yuh have odda gyal up inna yuh house?" Mi cuss him.