نوفيلا "زواج بالإجبار " ✓

الفصل الخامس 💖

@Rahma_Reda ( جميع الحقوق محفوظة للكاتبة  )

كريم وصل ولقى عم عمار مستنيه، كريم كان هيدخل بس سيف وقفه:- استنى لما عمى يوصل و معاه الشرطه
كريم بصله بحده:- مراتى جوه الله اعلم بيعملوا فيها ايه و انت عايزنى استنى؟!
سيف كان هيتكلم بس سمعوا صرخة اروى اللى فزعتهم:- كرييييييييييييييييييييم، ااااااااااااااااه سيبنى، ابعد عنى، يااا الله كريييييم
كريم حس ان قلبه بيتخلع، و بدون تفكير زق الباب كسره و دخلوا بسرعه و اتفاجأ بيوسف اللى مكتف اروى بيحاول يقرب منها...
اروى بصتله بدموع:- كريم
يوسف وقف و ابتسم بشر:- جيت فى وقتك
بص لأروى لقاها لابسه قميص نوم قصير جداا لونه احمر و مبين جزء كبير من رقبتها و صدرها، الدم غلى فى عروقه، ده هو جوزها مشافهاش كده ازاى الحيوان ده يشوفها؟!
هجم عليه بكل غل و كره و يوسف زعق لرجالته اللى دخلوا:- انتوا بتتفرجوا؟! وقفوه بسرعه
سيف كان بيضربهم و كريم ضرب يوسف لحد ما وقع منه فى الارض و سمع صوت سارينة الشرطه..
سابه وراح لأروى اللى عم عمار كان بيحاول يفكها..
بسرعه قلع الجاكيت بتاعه لبسهولها و حضنها جامد...
اروى كلبشت فيه جاامد و كانت بتعيط بانهيار و تردد:- كريم.. انت جيت.. كنت عارفه انك هتيجى
كريم ابتسم بوجع و دفن وشها فى صدره:- ششششش بس يا حبيبي، كفايه يا قلبي انا معاكى
يوسف استغل انشغالهم و طلع مسدس و وجهه على كريم..
اروى صرخت برعب:- كرييييييم
الشرطه طلعت بسرعه بس كانوا اتأخروا، يوسف ضرب الرصاصه و جت فى صدر كريم..
الصمت سيطر على المكان و مفيش غير شهقاتها بترن فى الاوضه...

@Rahma_Reda ( جميع الحقوق محفوظة للكاتبة  )

سيف اتحرك بهدوء و جه من ورا سيف و ضربه و اخد منه السلاح و الشرطه قبضت عليهم كلهم و يوسف بتهمة اختطاف و اغتصاب..
عم عمار جاب لأروى هدومها و لبست و خرجت..
بصت لكريم برعب لقته بينزف جاامد.....
سيف و خالد اخدوه بسرعه على المستشفى..
طول الطريق بتحاول تخليه يفوق و مينامش...
اروى بانهيار قاعده فى الكنبه اللى ورا و هو نايم على رجلها بتعب و الم و سيف سايق العربيه و جنبه خالد و عم عمار وراهم بعربيته...
حطت ايده على خده بانهيار:- حبيبي مخليك معايا، متغمضش يا كريم
كريم ابتسم بضعف و مد ايده على خدها قربها منه و همس:- انا سمعت صح؟! انتى قولتى حبيبي؟!
اروى ضحكت بوجع و سيف و خالد ابتسموا و هى كملت:- انت فى ايه ولا ايه يا كريم؟! سيبت كله و مسكت فى دى؟!
هز دماغه بضعف و الم و هى كملت:- ايوه قلت حبيبي
بصلها بنظره غريبه و حرك شفايفه بضعف:- ده بجد يا اروى؟!
ابتسمت بحب و هزت راسها و همست فى ودنه:- بحبك
هنا كريم كان جاب اخره و مقدرش يفضل فايق اكتر من كده.. اول ما غمض صرخت:- بسرعه يا سييف
سيف زود السرعه و فى خلال دقايق كانوا وصلوا و دخل العمليات و هى منهاره على الارض قدام اوضة العمليات و مهما خالد او سيف يكلموها الا انها مبتسمعش، بس بتعيط بحرقه...
هدى اول ما عرفت اخدت هدوم ليهم و جريت على المستشفى و هناك قابلت محمد اللى راح يطمن على بنته و جوزها....
@Rahma_Reda ( جميع الحقوق محفوظة للكاتبة  )