نوفيلا "زواج بالإجبار " ✓

الفصل السادس و الأخير 💖

@Rahma_Reda ( جميع الحقوق محفوظة للكاتبة  )

عدى سنه على ابطالنا...
حصلت حاجات كتير، محمد مات و هو مطمن على بنته، اروى اكتشفت ان والدها مات بالكانسر، كانت صدمة عمرها... بعدها اكتشفت انها حامل..
يوسف اخد حكم 18 سنه مشدد...
خالد و هدى كانوا اسعد ما يكون لما عرفوا بخبر حمل اروى..
اروى الحمل نوعا ما تعبها و كانت بتتنطط على كريم و مطلعه عينه و المفروض انها فى شهرها التاسع بينها و بين الولاده ايااام ...
سيف اتعرف على بنوته رقيقه اسمها نرمين و خطبها و فرحهم انهارده..
@Rahma_Reda ( جميع الحقوق محفوظة للكاتبة  )

فى القاعه....
قاعده مكشره من ساعة ما العرسان دخلوا و محدش عارف مالها...
هدى قعدت جنب ابنها:- ايه يا كريم مالها؟!
كريم بص لأروى باستنكار:- جعاانه، لسه واكله قبل ما تيجى و طول الطريق تاكل شيبسى و شيكولاتات و اتعشت و بردو جعانه
هدى بصتلهم بحيره:- معلش يا حبيبي ما انت عارف انها فى الاواخر و حملها صعب
كريم بصلها بذهول:- يا امى دى بتاكل فى اليوم عشر مرات
اروى بصتله بحده و غضب:- انت بتعدلى الأكل يا كريم؟! شايفه يا ماما بيقول ايه؟! ده على اساس ان اللى فى بطنى ده مش ابنه؟!
هدى ضحكت عليهم و فجأه اروى صرخت بشده...
كريم اتفزع و بصلها:- ايه فى ايه؟! اوعى تكونى بتولدى سيف هيقتلنا ده فرحه
اروى الوجع زاد مره واحده و معرفتش تسكت، صرخت:- الحقنى يا كريم، انا بولد
كريم فضل واقف متنح شويه و خالد زعق:- مراتك بتولد وانت واقف تتفرج؟!
كريم بصله بتوهان:- يعنى اعمل ايه مش فاهم
خالد زعق فيه:- شيل مراتك بسرعه و حصلنى على العربيه
كريم اخدها بسرعه و طبعا الفرح اتقلب و سيف اضطر يفض الليله و يروح وراهم هو و نرمين..
وصلوا المستشفى و هى بتصرخ و تضرب فى كريم:- اااااااه منك لله يا ابن الدخيلى
كريم بصلها بذهول:- انا!! و انا عملتلك ايه دلوقتي؟!
اروى بتصرخ و الكل بيضحك عليهم:- انت السبب، ابنك ده و لا مش ابنك
كريم بص للسقف بتعب:- انا فعلا استاهل ضرب الجذمه انى فكرت اتجوز
اروى باستنكار:- انت ايه؟! اه فعلا تصدق، طلقنى يا كريم... طلقناااااااااااااااي
كريم بص لامه و ابوه اللى بيضحكوا على منظرهم و رجع بصلها تانى:- اهدى يا حبيبي، اهدى يا قلبي علشان البيبى ميطلعش عصبي
اروى بصتله شويه و بعدها بدأت تعيط و كريم بيبصلها بذهول من تغيرات حالتها النفسيه كل ثانيه:- مالك بس يا قلبي بتعيطى ليه دلوقتي؟!
اروى بعياط:- انا لو مت انت هتتجوز علياا
كريم بذهول:- اتجوز عليكى؟!
اروى بعياط:- ايوه و تجيب لابنى مرات اب تطلع عينه
كريم:- يااارب الصبررر لانى خلاااص،( قرب منها ) حبيبتي انتى ان شاء الله هتقومى بالسلامه انتى و ابننا يا اروى و هنربيه سوا يا قلبي..
اروى مدت ايده شدته من ياقة قميصه قربته منها اووى لدرجة ان مكانش بيفصل بينهم الا سنتى مترات:- انت بتحبنى يا كريم؟!
كريم بصلها شويه، عيونها اللى بلون البحر.. شفايفها اللى بحمرة الدم، شعرها البنى الناعم.. بشرتها اللى فى بياض التلج...