ذاكرة الماء

الجزء الاول

الملائكة اصلها بالسماء فاليبتعد كل من يصطنع الملائكيه!!
قبل انت تُبحر بين اسطر روايتي
صارح نفسك بخطاياك
واغفرلها ولابطال الرواية
فجميعنا سيئون لولا ستر الله علينا
فمن منا بلا خطايا؟

ذاكرة الماء

الفصل الاول

هذيان الذكريات

وهل للماء ذاكرة...
اسئلة كثيرة تدور في مخيلتي..
هل يتذكر الماء وجوهنا اجسادنا..
دموعنا ضحكاتنا
اسرارنا التي نبوح بها تحته ..

هل يتذكر الماء ما جرى.. في الساعه الثامنة صباحاً
من يوم الاحد..

في تلك المدينه الهادئة سكنت.. وودعت فيها ما مر من عمري..

تلك الافكار تداهمني يومياً تحت الماء
سؤال ضج في عقلي
لماذا تحت الماء اتذكر ما حدث لي..

أغمض عيني واعود الى تلك الايام.. الحزينه و السعيدة في نفس الوقت..
تلك المشاعر المتناقضة اتعبتني
اتفحص ملامحي اجد رجل عجوز مر عليه ١٠٠ عام وحيداً
تلك خطوط تحت العين والابتسامة الزائفه
ورجفه يدي تخونني لأسطر
ما حدث نحن لا نعلم اي يوم نستيقظ وسوف تتغير حياتنا..
تمر الايام متكررة وبطيئة مملة
بتفاصيلها
وفجاءة تتغير الموازين
وتمر بسرعة تخطف الانفاس.. وتتعب كل شيئ..
كل التفاصيل تمر علي باردة.
تجمد كل شيئ واتمنى ان يعود الزمان الى الوراء
لاخرج وأنقذ الموقف...
صباح يوم الاحد
هذا يوم العطله عدنا ودائما اكعد من وقت بحكم شغلي اتعلمت على النهوض من وكت
اسكن بمنطقه يحيطها الغابات
لهذا اطلع صباح العطلة اركض وانشط الدورة الدمويه
كعدت ب ٧ الصبح.. وشفت رهف نايمة
اكيد تعبانه لان الليل كله تسهر وهي ترسم اللوحات
زوجتي فنانه في الرسم
وفنانه في الطبخ و تدبير البيت.. وتربية الاطفال
انسانه متكاملة من كل شيئ.
هالسنين الي مرت بيني وبينها ثبتت الي اني متزوج ملاك
من حب وإخلاص ووفاء
اخذت شاور سريع
ورجعت لغرفتي بدلت كلت ارجع واكعد رهف من النوم
اليوم نبقى بالبيت نسهر على فلم اي شي المهم منطلع
اغلب العطل نطلع بيها
هالمرة محتاج ابقى بلبيت..
واخليها تسوي النا دولمة وله تشريب هيج اكلات احتاجه
اغلب وقتي دوام اطلع من ٧ الصبح ارجع ب ١٠بليل
يعني اغلب اليوم دوام متعب ويحتاج تركيز
ارجع اكل اي شي موجود مو مهم شنو
لهذا يوم الاحد اعوض..
من البارحه الاولاد طلعو يم اختي
يكضون العطله
يعني ماكو احد بالبيت بس اني و رهف
يمكن محتاجين لهاي الاجواء الهادئة....

اني مروان متزوج وعندي ٢ اولاد..
يوسف عمره ١٤ سنه
وسنا عمرها ١٠
اكتفينا بيهم..
التربية بالخارج متعبه رغم كل شي متاح..
عمري ٤٠
وزوجتي ٣٣
تزوجنا بلدنا العراق..
زواجنا صدفه واجمل صدفة مرت بحياتي
شفت رهف بحفله. تخرج اختي وانعجبت بيها
واتزوجتها
هاجرنا من العراق.. بعد السقوط
بعد ما اتهددت وطلعت وكدرت احصل لجوء
لان كنت اشتغل بتجهيز الشركات الامريكيه
وبفترة الي يتعاون مع الأجنبي بعتبر
كافر
هاجرت وودعت وطن واهل و وذكريات واحلام
لعل الغربه تحقق جزء منها
وقبلنا هاجرت اختي وامي. ..
واحنا بعدهم
كنا نتأمل وطن لكن مشافنا شي
احنا اغراب بوطنا
وبالغرب شفنا وطن
طلعت من بيتي اركض.. احاول اركض ٤ الاف خطوة
اركض حسيت بتعب
اخذت فوني شفت تعديت الفين خطوة ومضت ١٥ دقيقه..
ارتاحيت شويه وارتشفت القليل من الماء
ورجعت للبيت اركض..
وصلت قريب على بيتي.. بدات امشي بهدوء