شلونكم يحلوياتي 🥺♥️..
نشالله ينال اعجابكم
ولتنسونه بل تصويت والتعليق والمتابعه احبكم 🥺🤎......
#ليتنا_نستطيع
للكاتبه: ســاره محمود
--------------------
طلعت امشي والدنيا تفتر بيه وجهي شاحب وكلبي يدك لان التفكير دمرني صرت مثل المخبله احجي ويه نفسي واسألها واجاوبها كعدت يمهم واكيد هم يحجون بنفس الموضوع الصار حديث الساعه دخلت وكعدت
سوسن : ها يمه شكلتي والله المره خبلتني كل شويه تخابرني فدوه قنعي بنتج وصار فتره كلش هواي طولنه نردلهم خبر
اجيان : كليلها بنتي تريد تشوف الولد
سوسن : صدك يمه يعني قبلتي معقوله 😮
اجيان : منو كلج قبلت كلت اريد اشوف الولد وبس
سوسن : تمام هسه اخابرها واكلها خلي يتشاوفون
اجيان : اشوف امي فرحانه ممصدكه اعرفهه دسوي كل هاذه حتىانسى شي اسمه عمر واول مره اني وياهه نتفق على شغله ضحكت وطلعت راحت امي خابرت ع المره وكفت اتسمع اخاف شو شتسوي امي اعرفهه واعرف سوالفهه
سوسن : شلونج داده اكلج حاجيت البنيه وكالت اريد اشوف الولد خلي واحد يشوف الثاني حته همه يقتنعون ببعض
- هسه اجيب ابني واجي
سوسن : ها يلا اهلا وسهلا بيكم
اجيان : رحت اركض دخلت للغرفه
سوسن : اجيان اجيان ولج كومي بدلي يمه المره تكول راح اجيب ابني واجي
اجيان : تفاجىت وباوعتلهه باستغراب حتى لتشك بيه جنت اتسمع " شنو هسه
سوسن : اي
اجيان : شدعوه مستعجله
سوسن : هي المره مستعجله لو تشوفين يوميه تخابرني ميته عليج
اجيان : جذابه والله هنه العمات كلهن بالبدايه هيج وبعدين ينجلبن
سوسن : دكومي يمه عدلي نفسج قبل لايجون
اجيان : رحت لبست قميص ازرق وبنطرون ولبست حجاب وخليت شويه كريم ومرطب وردي خفيف وكفت يم باب المطبخ اباوع من الجام حته اشوفه قبل لايدخل لان اكيد مراح اركز عليه جوى زين وكلنه متكومين على الباب علمود نشوفه ومنضرنه يموت ضحك دخل هو وامه
اجيان : واني كمزت ورجعت ليوره ووووييع صدك تحجون والله ولاادخل باع شكله هذا هو منا اسود ولابس جوزي صاير عبالك نسكافيه ماريده وييع اجتي امي تركض والضحكه شاكه حلكهه
سوسن : ها جيوني يلا يمه حبيبتي تعالي
اجيان : يربي شهل ثقه الي عنج يمه رحت لغرفتي وهيه تركض وراي " لو شيصير مادخل ماريده
سوسن : ولج لاتفشليني وي الناس امشي دخلي اخذي العصير
اجيان : لاوالله ماكو مادخل
أنت تقرأ
ليتنا نستطيع
Mystery / Thrillerيحجي وكأنو كلامه مثل الصاعقه بلنسبة الي اني سمعت الي گاله لو حسيت الوقت وگف بوقتهه حسيت شي جبير بداخلي انهار ردت اگوم ماريد اسمع شي بس مگدرت بقيت جامده بمكاني اي حركه مدتصدر مني رجعت سالت بابا اتأكد اكثر اريد اجذب الخبرر تمنيت بلحضتهه اني بحلم رجع و...
