ليتنا نستطيع

part (30)

شلونكم يحلوياتي 🥺♥️..
نشالله ينال اعجابكم
ولتنسونه بل تصويت والتعليق والمتابعه احبكم 🥺🤎......
#ليتنا_نستطيع
للكاتبه: ســاره محمود

--------------------

راح تموت بنتي ولكم

فهد : يابه بس فهمنه شنو

الو فهد : بيها ايدز

اجيان : كلنه انصدمنه من هالخبر النزل علينه مثل الصاعقه والكل بقه مصدوم من هالخبر لان هالمرض مايصير بمجتمعنه صح سامعين بي بس ماصاير لان مرض ينتقل من العلاقات الجنسيه المحرمه ومن الدم وهم ماجان عدها لمن تزوجت يلا صار عدها هالشي يعني اكيد من زوجها اباوع لوجهه مكرفصه نفسهه وكاعده تبجي ركضت عليهه خالتي حضنتهه وبقت تبجي وياهه واني واكفه مصدومه مستحيل رهف كلشي تعنيلي ماصدك مرت فتره كلش هادئة والبيت كله ضايج على رهف اليوم راح يرحون يسوون تحاليل وراحو يسوون واني كمت نضفت وداسوي عشه دخلو بس الوجوه ابد متبشر بل خير ركضت رهف لغرفتهه وفهد اجه يمي " فهد حجيلي شصار

فهد : اجيان طلع زوجها هو المصاب وناقل المرض الها

اجيان : عزا وهسه شلون

فهد : الله كريم

اجيان : طلع هوه واني بقيت ابجي على حالتهه واخذو رهف للمستشفى وخلوها بغرفة العزل لان هالمرض معدي وخطير واهلها حالتهم يرثى لها يردون يموتون من القهر عليها اجاهم هالخبر مثل الصدمه مثل الصاعقه الوكعت على روسهم وحيل انقهرت على رهف صح اني دعيت عليهم بحرگة كلب بس ماردت برهف لان متستاهل حبابه واكيد هم يرجع كل هذا الصار بيها بسببهم لان جانو يعرفون بي موخوش ولد وانطوها اله غرتهم فلوسه كتلو نفسهم على الفلوس وبتهم ممرتاحه بقت فتره بالمستشفى لحد ماجابت وهي بغرفة العزل واني كل يوم ادخل لغرفتهه ابقى ابجي مكانهه لحد ما اتعب لان جانت كلشي بالنسبه الي اخت وصديقه وجانت ادافعلي من امها تحجي عليه وتتحمل رزايل امها عليها نعم الصديقه والاخت وكلشي طلعت من غرفتهه ورحت لغرفتي تصلت بيه خالتي " الو

سندس : حضري كلشي ورتبي الغرفه باجر تطلع رهف من المستشفى

اجيان : صدكك فرحت لان راح اشوفهه من بعد كل هل ايام نمت وكعدت من الصبح نضفت البيت كله وحضرت الغرفه الهه وتصلت بفهد " ها الو فهد

فهد : ها اجيان اكو شي

اجيان : لا ماكو شي شوكت تجون تاخرتو

فهد : اي حبيبي جايين بل طريق تونه طلعنه من المستشفى

اجيان : سديته منه شويه ودخلو سلمت عليهه ودخلت بس كلش متغيره مو رهف الاوليه تعبانه حيل وكلش ضعفانه

سندس : من هسه اني ماكدر اداريج رهف

اجيان : عادي اني اداريهه خاله بتسمتلي هيه