ليتنا نستطيع

part (33)

شلونكم يحلوياتي 🥺♥️..
نشالله ينال اعجابكم
ولتنسونه بل تصويت والتعليق والمتابعه احبكم 🥺🤎......
#ليتنا_نستطيع
للكاتبه: ســاره محمود

--------------------

اجتي رهف عليه حسيت بيهه تضرب على وجهي فتحت عيوني بس مدلاحض شي كلشي مغوش ركضت ماعرف وين راحت شويه واجتي خلت راسي بحضنهه وشربتني مي بقيت بحضنهه دافنه راسي وابجي لحد ممر وقت حسيت صرت احسن وسمعنه صوت ابنهه يبجي جوى " رهف نزلي شوفيه اني احسن هسه

رهف : لا ما اعوفج ولله

اجيان : رهف حبابه عوفيني مبيه شي ولله

رهف : تمام واذا صار اي شي تصلي بيه اني جوى

اجيان : ماشي هيه طلعت واني رجعت لنقطه الصفر بس دموعي تصب ماعرف شبيه بس الي اعرفه اني بعد ماتحمل ولله لان حسيت طاقة التحمل مالتي خلصت صرت مااتحمل حته ابسط الاشياء
كمت لميت ملابسي وملابس جهالي وشغلاتي  واتصلت على فهد واحجي وابجي حاسه اكو جبل على صدري من القهر

فهد : بس كافي تبجين اجيان يلا مسافه الطريق جايج

اجيان : بقيت كاعده منتضرته اجه وسمعته يحجي جوه مهتميت بعدين هو صعد وسمع مني السالفه ونزلنه هي من شافتني سويتها صدك بقت تبجي

سندس : والله حجي ممسويه شي هي وحدها رادت تسوي مشكله

اجيان : عمو والله كل شويه مخابره وحده تشكيلها مني أشياء اني ممسويتها هسه لو صدك مسويه هالشي جان سكتت بس القهرني اني ممسويه شي وفوك هذا كله غسلت كل الزوالي ومن اجيتو تكول اني غسلتهن هسه على شنو تكول شراح يتغير هي غسلتهن او اني هو بيتنا والشغل راجع النا قابل اذا كالت الك او لغيرك اني اشتغل راح تنطيها جائزه ترا ميصير هيج اني مليت من هالوضع

سندس : حجي والله جاي اغسل بالزوالي ووگعت تروح هي تصيح احمد تعال اخذ امك تجذب وتسوي نفسهه وگعت وهيه ماوگعت

اجيان : هاي شنوو اني هيج كلت لـ احمد

سندس : اي انتي

اجيان : زين لنفترض اني وحده حقيره وسويت هيج معقوله احمد يسكتلي من اكله امك جذابه وتعال اخذها وخرها عني بقت تبجي حته تخلي الحق وياها وطلعني غلطانه كعدت بل كاع وبقت تمثل ودك على راسهه

ابو فهد : كافي حبيبتي لتبجين البيت بيتج والكل كاعد جواج وهاي

اجيان : يحجي و يأشر عليه

ابو فهد : اذا معاجبها وتريد تروح خلي تروح

اجيان : اي معاجبني واروح

ابو فهد : الله ومحمد وعلي وياج

اجيان : عفتهم وطلعت صعدت بالسياره انهاريت بجي وفهد موداني لاهلي " وين رايح بينه انته