دخلنا البيت وجرينا علي الاوضه انا و محمد و ماسكين جومانا، فتحنا باب الاوضه و قفلناه ورانا و بدأنا نفوق جومانا.
جومانا : ايه... ده.... ايه.. اللي حصل ؟
انا **و انا بضحك** : لا مفيش ابو ناصر لبسك بس، هههههه.
جومانا : انت بتهزر؟
انا : لا والله حتي اسئلي محمد.
محمد : فعلا ،ده حصل، بس الجانب الايجابي من تلك المغامره ان احنا اخدنا الكتاب و الملح، مكتوب في الكتاب ان الملح ده مقدس و مش بتاع اكل و خلاص.
انا : بصي انا بعد ما لقيت الملح، لقيت محمد و جرينا علي السطح، هدف ابو ناصر انه ينتقم مننا، من اهل القريه كلهم.
جومانا : هو بيقتل بلا هدف، عادي؟
انا : اه، المهم لقيناكي واقفه بتضحكي زي ما حصل ما سليم و ابو ناصر كان هيرميكي من فوق السطح بس احنا لحقناك و رشينا الملح عليكي فخرج من جسمك.
محمد : يعني تعويذه طرد الروح محتاجه الملح ده.
جومانا : تمام بس احنا فعلا محتاجين نكون مستعدين.
انا : تم...
سمعنا باب الاوضه بيخبط و رحت فتحت الباب.
ماما : مروان ، احنا لازم نرجع القاهره بكره.
انا : ده ازاي يعني؟؟
ماما : انا و باباك عندنا مشاكل في الشغل.
انا **بتوتر** : روحوا لوحديكوا.
ماما : مينفعش.
انا **بخوف** : هو ايه اللي مينفعش، هيخطفوني مثلا، دول اخواتك يا ماما.
ماما : احنا لازم نرجع القاهره، ده قرار نهائي.
قفلت ماما الباب و بدأت ابرق لهم زي المجنون و نزلت دمعه من عيني
محمد : ايه في ايه؟
انا : احنا هنروح القاهره.
جومانا : و بتعيط ليه؟
انا **منهار** : خايف عليكواا.
محمد : خلاص اهدي، احنا هنتصرف.
كل واحد دخل نام علي سريره و انا مقدرتش انام، صحيوا الصبح لقوا ان وشي مسود و مقدرتش انام
جومانا : ايه ده، هو ابو ناصر رجع عاش تاني هههه.
محمد : معاكي حق، هههه.
انا : دا بدل اني خايف عليكوا.
جومانا : طب انت هتعمل ايه؟
انا : هقعد مع ماما اسبوع.
جومانا : اسبوع، دا ممكن ابو ناصر يموت كل الناس اللي في القريه.
انا : لا ، اوعي تنسي ان خالي جاي القاهره بعد بكره.
محمد : يعني كده انت هتقعد يومين؟
انا : اه، بصوا اسمعوني كويس
محمد و جومانا : سامعينك
انا : مبدأيا كل يوم هتبخروا البيت، ثانيا القرأن ميطفيش حتي لو هتنامو، ثالثا محدش هيخرج من البيت في اليومين دول.
جومانا : طب امهاتنا؟
انا : خليهم يعملوا اكله انهارده تكفي 3 ايام و اقنعوها انها حلوه و بكده محدش هيخرج.
محمد : و انا همشي معاك حبه اجيب لبن بالمره.
انا : تمام ، هتوحشوني.
محمد و جومانا : و انت كمان.
مر اليومين ابطأ من السلحفه لغايه اما جه خالي
انا : ماما، انا لازم اروح البلد انهارده.
ماما : تمام، روح مع خالك.
بالفعل ركبت العربيه مع خالي و كنت مستني و انا احر من الجمر.
