تحت رداء التحقيق جرائم من الترهيب

البارت الاول

يرن الهاتف رنات متتالية مزعجة ليرد عليها ذلك النائم وهو يسب لمن ايقظه من نومه ليرى رئيسه في العمل هو المتصل
على عليوة: ايوة يافندم خير؟
حازم الدسوقي: كل ده عقبال ما ترد يا استاذ
على بحنق: يافندم الساعة تلاتة ونص طبيعي هكون نايم
حازم الدسوقي بملل: دلوقتى هتلبس وهتنزل هبعتلك اللوكيشن اللي فيه مسرح الجريمة
علي: دلوقتي يافندم!!
حازم بمقاطعة: ايوة دلوقتي متنساش انك محقق و دي شغلانتك
على: تحت امرك يافندم
.......................
مكنتش متخيل اني هشوف منظر فظيع زي ده
دخلت لمسرح الجريمة اللي في بيت من بيوت شارع الهرم
فوضى في كل مكان في الشقة غالبا القاتل كان بيبحث عن شيء في الشقة واللي متأكد منه بنسبة ١٠٠٪ هو ان اللي
عين قاتل بمهارة القتل دي اكيد ايده طايلة ومهم في البلد
جثة البت مكنتش باينة من التشوهه
وفي اللحظة دي قاطع تفكيري الظابط حسام الصاوي
حسام الصاوي: زي ما معروف عنك ياحضرة المحقق منتظم في المواعيد
علي : انا مش عارف ليه بيقع حظي دايما معاك في اي قضية
حسام الصاوي: معلش بقى استحملني غالبا القضية دي هتطول شوية القاتل مش سايب اي دليل ضده والضحية دكتورة مشهورة الكل بيحبها لا ليها اعداء نشك فيهم ولا ماضي نلتمس منه الحقايق.
مبحبش الضابط حسام من اول قضية مسكها معايا
هو ذكي وده اعتراف لكنه مش مريح ابدا في التعامل.

تركه علي ليطل على ارجاء الشقة لم يكذب حسام في كلامه فرغم الفوضى التي في البيت لم يترك أثر او بصمه
القاتل ذكي ولكن بالتأكيد المحقق اذكى بكثير
عاد علي لحسام
علي: حسام معاك الملف اللي فيه كل المعلومات عن الضحية؟
حسام: ايوة يافندم
علي وهو ذاهب: بكرة ابقى ابعتهوملي وصورلي كل شبر في الشقة وتحط الصور في ملف مع المعلومات
حسام: تمام يافندك.
انا مشيت وانا عارف ان القضية معقدة جدا ضحية
ملهاش ولا اي اعداء دكتورة مخ واعصاب ساعدت كتير من الناس وقاتل محترف وآدلة معدومة مفيش طرف خيط فيها
دخلت بيتي وتفكيري مشوش لكني اتفاجئت بحركة في البيت
انا متآكد اني قفلت باب الشقة والشبابيك كويس
ده غير اني اعزب عايش لوحدي
الصوت كان في الحمام
قربت من مصدر الصوت واحدة واحدة ومسدسي في ايدي مستعد للدفاع عن نفسي
ولقيت اغرب حاجة ممكن اتوقعها ك محقق!!

يتبع..
........................................................................
استنوني في الجزء التاني بكرة انشاء ♥
متنسوش يا حلوين تقولوا رآيكم في البارت!!