𝐍𝐞𝐞𝐝 𝐓𝐨 𝐁𝐞 𝐂𝐥𝐨𝐬𝐞.. [Completed]

NC- 6

Uni..

"ရှောင်းကောကော! "

"လုလု!! အခန်းထဲကို တံခါးခေါက်ပြီးမှဝင်ဖို့ ကောကောပြောထားတယ်လေ.."

သရဲမျက်နှာဖုံးတုကြီးကို ကိုင်ပြီးခြောက်လှန့်နေတဲ့ လုလုကိုကိုယ်အော်လိုက်မိတယ်။ လုလုက ကိုယ့်ရဲ့အဖေတူအမေကွဲ ညီမလေး ။

"ကောကောကို စချင်လို့လေ..။ ဒီမှာကြည့် ကောကောမကြောက်ဘူးလား "

လက်ထဲကမျက်နှာဖုံးကို နောက်တစ်ခါကပ်ပြရင်း လုလုကရှေ့တိုးလာတယ်။

"သွားသွား.. အခန်းပြင်ကိုသွားတော့ ကောကောအဝတ်လဲမလို့ "

"ကောကောကဘယ်သွားမလို့လဲ.. လုလုလည်းလိုက်မှာ.. "

တံခါးဝမှာ ရပ်နေတဲ့လုလုကို အခန်းအပြင်ကို တွန်းထုတ်လိုက်ရင်း..

"မရဘူး..။ ကောကောက ဝမ်ရိပေါ်ဆီသွားမလို့ "

"ဝမ်ရိပေါ်ဆီလား.. "

လုလု့အသံကြောင့် တံခါးပိတ်တော့မယ့် ကိုယ့်လက်တွေက ရပ်တန့်သွားတယ်။

"အင်.. ဝမ်ရိပေါ်ကို သိလို့လား "

"သိတာပေါ့.. ဝမ်ရိပေါ်က ကျောင်းမှာ နာမည်ကြီးလေ.. ။ ဒါပေမဲ့ ဝမ်ရိပေါ်က တစ်မျိုးကြီးပဲနော်.."

"ဘာကိုတစ်မျိုးကြီးလဲ "

"ကောကောဆီကို လုလုလာရင် သူ့မျက်လုံးတွေက.. .. ဘယ်လိုပြောပြရမလဲ.."

"....."

လုလုက သူ့ခေါင်းကိုလက်နဲ့ကုတ်လိုက်ရင်း...

"လုလုလည်းမသိတော့ဘူး.. ဟီး.. "

ဒုန်း !

ရှေ့တိဆံပင်တွေအောက်မှာ မျက်လုံးကို မှေးနေအောင်ရယ်ပြနေတဲ့ လုလုကို တံခါးပိတ်ထားလိုက်တယ်။

ဒီကလေးမက အချိန်တွေကို အလဟဿဖြစ်စေတယ်။

.
.

မြို့စွန်က gay barမှာ ဝမ်ရိပေါ်က မှောက်နေခဲ့တယ်။

အနက်ရောင်တွေအစား အပြာရောင်တွေကို ပြောင်းလဲခြယ်လှယ်ထားတဲ့ ဂုတ်ထောက်ဆံပင်တွေကို လက်တစ်ဖက်က ပွတ်သပ်နေတယ်။ ဝမ်ရိပေါ်ရဲ့ နားရွက်တွေ၊ ပါးတွေကိုလည်း အဲ့ဒီ့လက်တစ်ဖက်ကပဲ ပွတ်သပ်နေတယ်။