البارت الثاني...
الكاتبة گمر الـ محمد...
كانت كالحِجارة حتىٰ و إن كُسرت ،
تبقى أجزائها ، كما هيَ صَلبة 🐺🪐✨.
.
.
.
اليوم الماضي ناوي يرجعلي وبكل قوته هم
.
.
.
تقدمت داسلم وجانت الصدمة....
بـ محمد وعائلته ...
طبعا ابو محمد جان اقاربنه وابن عم بابا الله يرحمه بس ماجان بيناتنه علاقة قوية لذلك انصدمت من دخلت وشفتهم ومجنت اعرفهم زين ومن جنه كاعدين ب اربيل يمهم ماجان اكو علاقة اهل قريبة بيناتنه
ام محمد:هلا ملوكة يمة كبرانه شحلاتها صايرة
ابو محمد: ماتوقعتها هيج كبرانه وصايرة مرة
محمد:ضل يباوع ومصدوم
ملاك:شكرا هذا ذوقكم
محمد:اهلا وسهلا ملاك
ملاك:ماباوعت عليه وكتله هلا بيك
ترخصت منهم داصعد ابدل
ملاك:اني اترخص اصعد ابدل بسبب المطر تبللت
الكل:مرخوصه
صعدت فوك اول مافتحت باب غرفتي حسيت اكو شي ضربني عل راسي واحس شي ثكيل عل صدري
دخلت كبل للحمام رغم برودة الجو بس الي بداخلي نار هسه اكيد عرفني وعرف انُ اني الي جنت واكفه يمهم من جان ازدحام
بعدت الافكار من راسي واني اكول....
ملاك:اصحي ملاك اصحي هو عافج وراح بدون سبب هو خانج هو سببب بدمارج بلماضي انسي ولاتبينين لحد هسه مأثر الماضي عليج اصحييي
صحيت عل روحي من نزل المي البارد عل وجهي من الدوش
احسس المي البارد جان ينزل علية نار ويزيد حرقة صدري...
شوي شوي حسيت البرودة بجسمي
كملت استحمام وطلعت شفت روحي متأخره نصف ساعه
بدلت لبست تراك اسود عريض ونص ردان
بطبعي اني مالبس شتوي لان اتحسس
وشسورت شعري ورفعته اليفوك مثل كعكه
حطيت مرطب بشرة ومرطب شفة وعطر
ونزلت....
اول مانزلت صارت عيونه علية لان جان كاعد كدام الدرج
اول ماشافني ضل صافن وبعدين دنك راسه
جانو كاعدين هو والدة والدته
وامي واخوية وزوجته
اول مانزلت اخر درجه حسيت بشخص يجي يحضني من رجلي
ازل :ماما شيليني
ازولة بنت اخوية عمرها ٤ سنوات اني ربيتها لذلك تصيحلي ماما
ملاك:يروح ماما شلتها وضليت ابوس بيها
واشتم عطرها عطر الاطفال احسه بي عطر من عطر الجنه
شلتها ورحت كعدت يمهم صرت مقابيل اله
ام ملاك: شلون بيج يمة هم سابحه وهم لابسة صيفي لاتتمرضين
أنت تقرأ
المتمردة {باللهجة العراقية}
Romanceبين الحاظر والماضي !! هل ستتمكن ملاك من تجاوز الصعاب وياترى هل هي ملاك ام شيطان متنكر!؟ وما الاسرار التي ستكشف!!
