المتمردة {باللهجة العراقية}

البارت الثامن(8)

هلو هلو بسامير گلبي 💙
شلونكم ان شاء الله بخير💙💙
اسفة عل انقطاع والتأخير💙
.
.
.
.
الكاتبة گـمـر الـ مـحـمـد 🐆🔥
.
.
ملاك: اتصلت بااسد اكثر من مرا بس جان تلفونه مغلق
جنت اتمنى مايصيرر الي دافكر بي واسد يخوني ويتخلى عني مثل البقية...
فكرت بكلامه بليلة البارحه جان واضح عل كلامه اكو شي مضموم علية...

قطع سلسلة افكاري اتصال ..

ملاك: نعم

محمد: هلا ست ملاك اني جهزت اوراق البيت ويحتاج بس توقيعج واكو اشياء بلشركة محتاجه توقيعج اذا فارغة ممكن تجين للشركه

ملاك: تمام مسافة الطريق

سديت الخط قبل ماينطق بحرف...
ماريد ارجعه الحياتي هو مجرد محامي وبس...

الساعه ال١٠ الصبح الجو بارد كلش وريحة الشوارع بسبب المطر جانت كلش حلوة...

انتبهت من بعيد الطفلة يطلع عمرها بل١٠ سنوات
جانت واكفة وتبيع علكة بلتقاطعات ...
وجانت تبجي من شدة البرد وهيه لابسة صيفي....

ركنت سيارتي عل صفحة ونزلت متجهه الها...

ملاك: تعاي حبيبتي شبيج تبجين

-: اني بردانه وومحد يشتري مني واذا رجعت للبيت بدون فلوس بابا يكتلني

جانت تحجي وهيه تبجي

ملاك: جنت لابسة سترة شتوية نزعتها ونطيتها الها

-: شكرا خالة
ابتسمت من لبستها السترة واردفت بفرح
تشترين علج والله طيب

ابتسمت عل برائتها
طلعت مبلغ وانطيتيها

ملاك: روحي ارجعي للبيت

-: بس بابا يكتلني لان مابايعه العلج

ملاك: وبابا ليش مايطلع يشتغل هو

-: بابا مريض وماما ميته وبس اني واخوية نطلع نشتغل

ملاك: روحي حبيبتي وانطي الفلوس الابوج وروحي للبيت الجو بارد هنا

-: انتي شنو اسمج

ملاك: اسمي ملاك وانتي

-: اني اسمي شمس
انتي ملاك من فوك

ضحكت عل سؤالها الطفولي

ملاك: لا حبيبتي بس اسمي ملاك  وهسه يلا روحي للبيت ركض

-: شكرا خالة اني رايحه

ملاك: راحت واني رجعت السيارتي

البلد الوحيد الي بي الاطفال يطلعون بلشوارع يبيعون بدال مايرحون يدرسون حته يفيدون المجتمع البلد الوحيد الي بي الطفل مضطهد البلد الوحيد الي محد مرتاح بي .....

وصلت للشركة واني مامرتاحه احسس اكو شي راح يصير ...

دخلت للمصعد وصعدت كبل المكتبي مابية حيل اشوف احمد كدامي....