حُبنا لا ينتهيّ وكم من فراق مَرنا ولم نفِترق♥️✨
هلاو هلاو بسامير گلبي
شلونكم ان شاء الله بخير
مشتاقتلكم🥺☹️💜
.
.
.
.
الكاتبة گـمـر الـ مـحـمـد
-:صاحب الرقم عمل حادث وحاليا هو بـ مستشفى الـ...
اسد: سمعت اخر كلماته والتلفون وكع من ايدي حسيت اكو جبل وكع على صدري...
كل الي صار الها بسببي
ضليت فاقد عن كلشي يصير يمي
لحد مااستوعبت وطلعت لصالة الطوارئ واني ادعي....
يارب احفظها الي اوعدك احجيلها كل الحقيقية بس لاتحرمني منها اخذ كلشي مني ونطينياها...
جنت بحالة انهيار بين الي مصدك وبين ال يكول مستحيل ملاكي ماتعوفني ...
الحمدلله جانو جايبيها للمستشفى الي اداوم بيها..
وصلت لصالة الطوارئ..
دخلت للصالة وجانو هواي مرضى ..
اسد: حسام وين الحالة الي مسوية حادث وجابوها
حسام: دكتور بصالة العمليات حالتها خطرة
اسد: شنو الي صاير بيها ومنو دايسوي العملية
حسام: صاير عدها ضربة براسها ودكتور امير دايسويلها العملية
اسد: سمعت كلامه ومشيت متجه الصالة العمليات
اجتني هواي افكار وكلها سوداوية....
وكل الي جنت اسوي ادعي وبس...
وصلت الصالة العمليات ودخلت بصفتي دكتور اعصاب ولازم اتواجد بلعملية ....
دخلت لبست الملابس الخاصة للعملية ...
اول مادخلت شفتها مددة عل سدية ودكتور امير يسوي العملية...
بوقتها ذكرياتي الحلوة والمرة رجعتلي ....
حسيت بااحساس اول مرا من سويتلها العملية انعاد علية...
د.امير: تفضل دكتور اسد ليش دخلت للصالة ....
د.اسد: الي بيدك بنيتي ياامير
د.امير : لاتخاف عليها باامانتي ارتاح انت
سكتت وضليت اباوع من بعيد
د.امير دكتور شاطر وعملياته كلها ناجحه واني اوثق بي راح يكوم ملاكي بلسلامه ....
ضليت اباوع عليه وهو يشتغل بلعملية ....
تذكرت شعرها معقولة كصووو..لا مستحيل
اردفت بتساؤل بصوت ناصي يبين شدة ضعفي بهذيج الحظه
شعرها زينتو!!!
د.امير: لا مايحتاج الضربة اجت من يم كصتها ومو كلش خطيرة
د.اسد: امير حياتي واكفة بين اديك
أنت تقرأ
المتمردة {باللهجة العراقية}
Romanceبين الحاظر والماضي !! هل ستتمكن ملاك من تجاوز الصعاب وياترى هل هي ملاك ام شيطان متنكر!؟ وما الاسرار التي ستكشف!!
