هلو هلو بسامير گلبي شلونكم...
لاتنسون التصويت+ التعليق + متابعه الحساب
گـمـر الـ مـحـمـد
أسـد يـگـول:
انــتِ مـن ممتلكاتي وانا جداً اناني 🤍.
ملاك: بلش يطلع ضوة النهار واني بعدني مانايمه
اجا هليوم الي منتظرته من ٦ سنين راح اشيل هذا الجبل من عل متوني وارتاح
انتبهت الكل نايم كمت من فراشي غسلت وجهي
فهد: بوووو
ملاك: لا ياحقير شوكت تعقل
فهد: ههههه شفتج صافنه كلت اصحيج
ملاك: وهيج تصحيني
فهد: ههههه يلا زين ماذبيت عليج مي بارد
ملاك: حته اذبحك
فهد: يلا امشي نتريك حته نروح نجيب اسد
ملاك: تمام
رحت اني ويا للمطبخ جانت الساعه ب٧ الحجية وسيدرا كاعدين
ملاك: صباح الخير
-: صباح النور
ملاك: اساعدج بشي
سيدرا: لا حبيبي روحي ارتاحي اسويلج ريوك
ملاك: بس جاي
فهد: يوم الي اشوف شاهيتني بينكم
حجية فهميه: امين حبيبي مابقى شي
تقدمت وكعدت بلكاع يم الحجية
حجية فهميه: اليوم اسد اكيد يطلع بنيتي
ملاك: اي حجية هسه اشرب الجاي ونروح نجيبة
حجية فهميه: الله يوفقج يمة شلون انسى وكفاتج
ملاك: حجية راح تبقين تحبيني
حجية فهميه: ياا ولج يمگموعه شهل حجي غير اموتن بيج انه
ملاك:الله يحفظج الي
شربت الجاي وفهد كاعد يتريك ويشاقة ويا سيدرا والحجية حته يطلعهم من جو التوتر
اجاني اتصال من محمد
ملاك: نعم
محمد: ست ملاك اني بلبصرة يم اسد وراح نطلعه وكالولي اتصل بيج
ملاك: شوكت جيت ومنو كالك
محمد: من البارحه اتصلو بية طالبين محامي
واجيت الصبح قبل نص ساعه وصلت
ملاك: تمام جايين
يلا فهد دانروح
فهد: منو جاي
ملاك: محمد
فهد: ها اي طلبو محامي خابرني مروان البارحه
ملاك : وليش ماكتلي
أنت تقرأ
المتمردة {باللهجة العراقية}
Lãng mạnبين الحاظر والماضي !! هل ستتمكن ملاك من تجاوز الصعاب وياترى هل هي ملاك ام شيطان متنكر!؟ وما الاسرار التي ستكشف!!
