المتمردة {باللهجة العراقية}

البارت السابع عشر (17)

هلو هلو بسامير گلبي

لاتنسون التصويت+التعليق على كل فقرة+ متابعة الحساب

الكاتبة گـمـر الـ مـحـمـد..

‏لم نكن على خلاف حاد، لكنَّنا جعلنا للنهاية طريقًا يعبر بيننا، لم نكن نكره بعضنا، بل من فرط الحُب، ذهب كل منَّا في جهة.✨
.
.
.
.
ملاك: جنت اقرا الاوراق واني مصدمه شلون اوراق مهمه وخاصة للشركة توصل الايدة

تيم: اني اجيت حته انبهج اكو جاسوس بلشركة وممكن يكون بيناتنه وراح يخرب كل شغلج

كمت من مكاني واني ابتسم متجهة اله

وكفت فوك راسة وذبيت الاوراق علية

اردفت بهدوء عكس النار الي بداخلي...

نگعهم واشرب ميهم انت والي دزك علية خاف ماتعرفني زين بعدك

تيم:واضح مافهمتيني

ملاك: فهمتك زين بس واضح الي دزك علية عبالة ملاك بعدها مثل قبل

تيم: بس اني مادزني احد شنو تقصدين

ملاك: دنكت يم اذنه واني اهمس اله

اهلا وسهلا بيك ياااا.......

ضل مصدوم ويباوعلي وبين علية التوتر

حجيت بصوت كلة قوة

يلا حبيبي لم زلمك وهذيج الباب تطلع منها وبعد ماتشوفني وجهك يلاااا

أيمن: ملاك شنو الموضوع خلي نتفاهم

ملاك: انت هم اطلع وياهم من واحد للعشرة اذا ماطلعتو من الشركة كلها تعرفون شيصير

جنت حاطة سلاحي بخصري واشرت علية

أيمن:هذا تهديد يعني مامتفقين هيج ست ملاك

ملاك:لحد هسه اني ممهددة تدري بية اني اشغل ايدي مو سلاحي بس ماريد اوصخ ايدي بيكم

تندلون الباب مو استاذ تيم

جنت اباوع اله وهو بعده مصدوم

كام من مكانه وتقرب الي

وهمس بصوت ناصي

راح يجي يوم وتحتاجيني

ملاك: اي ان شاء الله من ادفن اخوك

ابتسمت بااستفزاز الة

طلع و ورا جماعته

تنهدت براحة منين يطلعولي هذولة

ولازم اعرف الجاسوس الي بلشركة

انتبهت الريهام ومحمد واكفين وساكتين

ملاك: اي استاذ محمد جان جيت ورا الغده خاف صارت زحمه عليك عيووووننننييي

محمد: جان ازدحام الطريق

ملاك: ليش طريقك غير طريقي مو وصلت قبلك
لو ماخذتك النومة