في فترة العصر أتت هناء الى منزل جنة استقبلتها رضوى بأبتسامة كالعادة و بعد إلقاء التحية المعتادة ذهبت الى غرفة صديقتها بأقتحام كالعادة، نظرت لها جنة بملل لتغلق الباب خلفها نازعة حذائها و حقيبتها ثم أنقضت عليها بشكل غريب للأطوار، احتضنتها جنة بأبتسامة مردفة:
جنة: خلصتي شغلك؟!
هناء بعبوس: هو الشغل بيخلص اصلا؟!
جنة: عندك حق عمره ما يخلص
هناء: طيب هاه بقى قوليلي ايه اللي حصل معاكي و اتجوزتي ازاي؟؟
جنة: هقولك بس الكلام ده بيني و بينك فاهمة
هناء: عيب عليكي الكلام ده ي جنة هتعلميني اقول ايه و مقولش ايه في العمر ده؟!
جنة: ايوة هعلمك عشان عارفة انه لسانك طويل
هناء بضحك: خلاص ماشي مش هقول بس يلا
جنة: لما جيت قفلت معاكي ..........
اخبرتها بما حدث معها كما اخبر آدم والدها، حدقت فيها هناء بصدمة بينما جلست القرفصاء على السرير و عقدت ذراعيها اسفل صدرها:
هناء: عرفتي انه امك و ابوكي معاهم حق من الاول؟!
جنة: عرفت و انا معترفة بغلطي
هناء: بس انتي بردتي نار قلبي بعد ما كسرتي التلفون و الخط
جنة: خليه يشبع بيه مع اني مخليتش فيه حتة سليمة اصلا
هناء: طيب و انتي على كدة خلاص هتتجوزي رسمي نظمي
جنة: اااه هتجوز من غير خبوطة اااه يانا يمااا
هناء: خلاص هو نصيبك ده تقبليه بقى
جنة: متقبلاااه يختي متقبلاااه
اسندت ظهرها على السرير لتذهب هناء نحو خزانتها لتبدأ باخراج بعض الملابس الجميلة:
هناء: ايه رأيك في ده؟!
جنة: لبسته و مش عايزة البسه لما ييجوا اهله
هناء: انتي بمعنى اصح مش عايزة تلبسي اي لبس قابلتي بيه الموكوس صح؟
جنة: ايوة
هناء: بس انتي ملبستيش ده صح
نظرت الى الفستان بين يديها لتقول بأستغراب:
جنة: تصدقي صح خلاص هلبسه و متحاوليش هلبسه على كوتشي
هناء: براحتك انتي ادرى بردو
جنة: ايوة عارفة بس ي بت انا حاسة اني شفت آدم في مكان قبل كدة
اعتدلت تحاول ان تتذكر اين، اخرجت هناء هاتفها و مدته لها:
هناء: مبحثتيش في النت بما انه مساعد وريث عيلة الكيلاني بحالها؟!
جنة: انتي ناسية اصلا انه الوريث ده محدش يعرف عنه حاجة و مختفي اختفاء غير طبيعي!!
هناء: مش ناسية بس هو مش حاجة غريبة انك تقابلي الراجل اللي شغال معاه؟!
جنة: انا مش هفكر كتير ي هناء كفاية الرعب اللي كنت فيه لما اتوفى جده و مكنتش اعرف انه يبقى ابو عامر
هناء: طيب المفروض انه المستشفى تكون عرفته من البطاقة
جنة: معرفش عشان انا وقتها كنت لسا جديدة في العناية المركزة
هناء: ربنا يرحمه
جنة: امين ي رب، هقوم اشوف حاجة اكلها عشان جعانة
هناء بصدمة: انا لما كلمتك قولتي انك اتغديتي هتاكلي تاني؟!
جنة: يعني ماكلش عشان حضراتهم جايين؟!
هناء: لا كلي براحتك بس اهم حاجة متصدريش الوش الخشب للراجل هااه خليكي حنينة شوية
أنت تقرأ
|| جنة آدم ||™ 2022✔️
General Fictionشيء غريب و موقف أغرب• شخص غريب و شخصيتها أغرب• لكن شاء القدر أن يلعب لعبته ضدها هي و لصالحه هو• موقفهما أغرب من الخيال• أحداث الموقف يُستحيل تصديقها بسهولة• بطبعها و طبعه أصبحا شخص واحد رغم أختلاف وجهات النظر و الشخصية• قصة فريدة من نوعها على وشك أن...
