امسكت هاتفها تنتظر مكالمة صديقتها بفارغ الصبر تحركه يميناً و يساراً كل لحظة، مسك آدم كلتا وجنتيها بكفه اليسرى و اليمنى كانت تحملة قطعة تين وضعها داخل فمها همهمت منزعجة من حركته تنظر له بعصبية ليبتسم بسماجة مردفا:
آدم: هتتصل بيكي بس اصبري شوية
جنة: تأخرت طيب والله هوريها، صاحبك ده مشكوك في امره
آدم بضحك: ايوة شكي انتي براحتك بقى هروح اجيب شوية حاجات و اجي مش هتأخر، عايزة حاجة اجيبهالك؟!
جنة: مصاصة بالفروالة
آدم: ماشي يا نوغة
اخرجت لسانها بطفولية له فخرج و تركها بمفردها، نظرت إلى الهاتف مجدداً و كانت على وشك أن تلقيه على الاريكة لكن ظهر اسم هناء و صدحت نغمة الرنين بصوت عالي لتقول:
جنة: عاش من سمع صوتك يختي
هناء بضحك: حقك عليا انا غلطانة والله و استاهل ضرب الجزمة
جنة: كويس انك عارفة كدة
هناء: غصب عني صدقيني
جنة: طبعاً وحدة وقعت من على السلم هيكون غصب عنك ان متقوميش من السرير تلات اربع ايام، انتي سليمة ابت ولا متكسرة؟!
سألتها بغباء لتضحك هناء بصخب جعلها تبتسم تكمل:
جنة: انا قولت كدة بردو وقعتي على دماغك و حصلتلك حاجة كنت متأكدة
هناء بقهقهة: يا بت اهدي عليا مش عارفة اتكلم من كتر الضحك
جنة بسخرية: اديني سكت اهو لحد ما حضرة جنابك تهدي من الضحك و تعرفي تتكلمي
و صمتت على مضض بينما هناء بدأ ضحكها يهدأ رويداً رويداً سمعتها تأخذ انفاسها بعمق لتقول:
جنة: ايوة كدة خدي نفس عميق و غوصي بقى يا معلمة في الكلام
كتمت هناء ضحكها بصعوبة و قالت بإنزعاج مصطنع:
هناء: والله ي جنة لو مبطلتي قلشك الرخيص ده هقفل السكة في وشك
جنة: والله و بقيتي تقولي على قلشي اللي كان عاجبك انه رخيص و هتقفلي السكة في وشي!! بركاتك ي سي حمزة عملت ايه تاني في البت؟! شربك حاجة شمال الواد ده
هناء: تؤ تؤ تؤ لا أبدا محصلش
جنة: اومال ايه اللي حصل؟!
هناء: بعد ما روحنا من فرحك رجعنا البيت فضل يعامس فيا روحنا وقعنا من على السلم
ضربت الطاولة الخشبية بكفها و قالت بحماس مفرط:
جنة: اتزحلقتوا بسبب الحب صح؟!
هناء: حبك برص ي شيخة
جنة: يعني آدم برص؟!
هناء: انتي ادرى
جنة: طيب سيبك ابه اللي حصل تاني؟!
هناء: انا عندي رضوض خفيفة خفيت من معظمها الحمد لله بس هو عنده شعر صغير في ايده الشمال و شوية رضوض بردو خف منها
جنة: طيب الحمد لله انها جات سليمة ي قلبي الحمد لله
هناء: الحمد لله بس ...
و صمتت شعرت جنة بالقلق لتسألها:
جنة: بس ايه؟
هناء: هو شاف ضهري
جنة: طيب و ردة فعله كانت ايه؟!
هناء: بكى عليا
كانت نبرتها مفتاجئة لتهز جنة رأسها و تسأل مستغربة:
جنة: بتقولي ايه؟!
هناء: بقولك بكى عليا
جنة: بتهزري؟!
هناء: لا انا كنت في صدمة حرفياً، طمني و قعد يهدي فيا
جنة: طيب و قولتيله السبب؟!
هناء: لا لسا
جنة: ليييه ي هبلة؟!
هناء: خايفة ي جنة مش عارفة هتكون ردة فعله ايه بعد ما يعرف
جنة: اكيد هتكون ردة فعل حلوة متأكدة بعد ما قولتي انه بكي عليكي
هناء: مش عارفة!!
أنت تقرأ
|| جنة آدم ||™ 2022✔️
General Fictionشيء غريب و موقف أغرب• شخص غريب و شخصيتها أغرب• لكن شاء القدر أن يلعب لعبته ضدها هي و لصالحه هو• موقفهما أغرب من الخيال• أحداث الموقف يُستحيل تصديقها بسهولة• بطبعها و طبعه أصبحا شخص واحد رغم أختلاف وجهات النظر و الشخصية• قصة فريدة من نوعها على وشك أن...
