اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه 17
اسراء:نسمع بس اني مزلت علي قراري نبي نخدم يعني نبي نخدم
فيصل:اسراء من معبيلك في دماغك علي الخدمه اني منقص عليك شئ؟؟؟
اسراء:اي ناقصني ثقه بالنفس قوه ناقصني يكون ليا مكانه بين الناس مش الناس تمشي واني نحس في روحي واقفه في دوامة الزواج والسؤوليه والعيال افهمني ناقصني نحس بكياني بوجودي مش انحس في روحي مش مقدمه شئ في هالدنيا اني شخصيتي ضعيفه من زمان وانت مستغل هالشئ شايفني هبله ومش واخده حقي بلساني بس من اليوم اني اسراء جديده فهمتني🔥
فيصل بصوت قوي كأن ينوض فيها من شئ هيا خاشه فيه:اسراء ....(شدها من يدها )هذا مش كلامك انتي طول عمرك متعرفيش تقولي كلمتين علي بعضهن شن جاك!!!!!!!
وقعدت اسراء تتذكر:يا صمود افهميني منقدرش نعدي معاك بدون اذن فيصل
صمود:وين ماشيين احني ندهوروا ولا نتسكعوا منعدوا للدكتوره متاعي ونجوا
اسراء:لالا لا
صمود شدتها من يدها:امشي امشي والصغار اتشدهم امي هيا (واسراء واقفه ومتبيش تمشي)هيا متوقفيش اني تسحابيني حماره نعرف ان انتي شخصيتك مهزوزه حدا فيصل وهيا هتساعدك صدقيني
وعدت اسراء مع صمود وخشت اسراء للدكتوره
اسراء متردده:اني مش عارفه شن نقولك
الدكتوره:صمود قالتلي كل شئ
وردت اسراء للواقع مع فيصل:وهيا علمتني كيف نوثق في نفسي ونقعد قويه ضد اي شئ حتى يدك
فيصل:وكله من ورايا انتي هبلتي انتي عارفه جنوني وذباحي حد ميسمعش كلامي
اسراء:فيصل فكنا من النقاش العشوائي وخلينا نتحاوروا بالشويه
فيصل:وتحاورنا ودوينا نهايتها بنقول لا
اسراء:لا مش كل ديما هتخسرني
فيصل:هههههههههه ضحكتيني ههههه وين بتعدي يعني اهلك وميطقوكش انتي وصغارك حتى يوم الجمعه يمشوا لعويله يعيطوا ميبوش يمشوا عشان الشئ اللي يديروا فيه اهلك
