غيبوبة ضمير🤎

حلقه²⁴

لايك+تعليق يبرد عالقلب ونبيه يشمل الروايه كلها ورايكم فيها نعاود نقوللكم هذي اول روايه ليا نكتبها عام 2018 مع شوية تعديلات وحبيت نحطها ونعرف رايكم🥺🤍

الحلقه 24 والاخيره🔥

فراس: ولا شنو؟؟؟؟

هديل: ولا والله نقتل روحي وعندي عادي

فراس بصوت عالي: انتي هبلتي؟؟؟؟

عويشه من الخوف جت مصبيه وبتنوض طاحت من السرير جت تجري

عويشه: خيركم؟؟؟؟

هديل: اي هبلت قتلك مناخده يعني مناخده لا والله نزوجه من وراكم

فراس صرفقها كف وشدها من شعرها

عائشه: فراس لا اختككك!!!

فراس: شوفي مش كانهوا بويا مات الله يرحمه معاش في حد يمسكك اني هنا فهمتي؟؟؟؟؟

هديل وهيا تبكي: ماهو كانهوا بويا عايش ممديتش يدك عليا💔

عويشه فكاتها منه وحولتها هديل وطلعت وهيا تبكي

عويشه: فراس خيرك شن صاير؟؟

طلعت هديل وعدت لي امها وهيا تبكي

سعاد: خيرك من ضاربك خيره هككك وجهك؟؟؟؟

هديل: فراس

سعاد: شن مدايره بيش ضربك؟

هديل: لان بابا توفي قعد يتقوى

وحمقت سعاد ومشت لي فراس: اهلين يامي

فراس: والله ما تتحشم معقوله ضارب اختك ولا شن بوك توفى مولي ذكر علي اختك؟؟

عويشه: اهدي يا خالتي هما بس تعاركوا وقوة بيناتهم شويه

سعاد تجاهلت الكلام : شوف والله ماعاد تكون ولدي ونتبره منك ليوم الدين كان مزلت تضرب اختك

فراس: انشوف اختي بضيع قدامي ونلوحها؟؟
بنتك يلي تحت عينك 24 ساعه تبي دكتورها يلي في الجامعه حب وغراميات وتبي تزوجه وعمره ضعف عمرها وتبيني منضربهاش لما تقولي نزوجه من وراكم؟؟؟