#جعلني_انثى27
الكاتبة: ميشوو محمد
.
.
.
.
.
.
.
.
.
.
.
.
.
.
هشام مع ضياء رن هاتفك رقم غريب ورد: ايووا
نسرين: الوو هشام
هشام بعد عن ضياء: تفضلي من معاي
نسرين: الولد غايب يومين استاد هشام انا مش مسؤوله عن وفات اب مرتك لكن ولد اختي مايغيبش
هشام: انتي قعده تشوفي فيه ف المدرسة يعني
نسرين: بالك ممنوع
هشام صكر لخط علها
وصلاته رساله ( صدقني لو مانشوفه غضوا ف مدرسته رح تشوف ياهشام)
هشام قفل الهاتف
مرر يوم ومبعتش يوسف للمدرسة لانه قاعد مع اينور
بس ف اليوم لبعده بعته مع عفاف ووصاهم يبعتوه للمدرسة لانه غاب هلباا
#فاتو_ايام_زياده ومعاش جي حد يعزي
تصكر حوش مصطفى نهائي
ورجعت رجاء لحوشها
ورجعت اينور مع هشام
هشام يسوق: يعني عماتك معاش جو
اينور: يجو يخشوو للخيمه يهدرزو ويروحو وتكنه معندهمش بنات اخ
هشام يسوق وسكت
اينور: ليش درت عركه اول يوم مع حاتم
هشام: عيل
قعدو ساكتين لعند وصلو
وطبعا عن يوسف روح مع عفاف وهدى مع عمه محمود
هشام: قال محمود بنته حرارة ومرته مقدرتش تسيب بنته ف المستشفى
اينور: اي اتصلت بيا
وصلو ونزلو
اينور فتحت باب الجنان وخشت نفسيتها مدمره شافت نسرين ف الجنان مع عفاف وهدى
اينور تجاهلتهم وكانت بتركب
هشام نزل من سيارته بيخش بس شاف سيارة نسرين وعرفها داخل خش
نسرين صدت اينور قربتلها عشان متركبش: لحظه
اينور شافتلها
نسرين: بوك توفا فهمناها الله يرحمه قضاء وقدر ماعندي مانقول بس ياحبيبتي العزي تلاته ايام فقط وبعدين ترجعي وتهتمي بقراية الولد لـ قلتي انه ولدك وبتقريه وبتربيه وبتاحملي مسؤوليته كانك معاش تقدري هاتيه راه ولد اختي مش مفرطين فيه
اينور معندهاش خلوق تتناقش فاتت من جنبها
نسرين رحعت صدتها وقفت قدامها
هشام تعصب
هدى تعصبت جت شدت مرفق نسرين: وين كرامتك انتي
نسرين: لم يكون ف الموضوع ولد اختي مفيهاش كرامه
عفاف قعمزت: هادي دارت غلينا طريق ره زود انهي الموضوع معاها ولا دبر
هشام: انتي شن بتستفادي لو تكلمتي معاهم هو الولد ولدي وانا لنقرر الولد وين بيعيش لكن انتي مش جايه عشان الولد ز ماتحكي
اينور كانت بتحاول تركب لحوشها من جديد بس رجعت صدتها
اينور تنهدت بعصبيه: انتي جايه عشاني الباين شن تبي
نسرين: ترفضي انك تهتمي بولد اختي
اينور: لو رفضت انتي بتهتمي بيه؟
نسرين: اكيد
اينور: انتي لـ رح تقرية واطولي بالك معاه عشان يكتب يبي ساعتين باش يكتب بطريقه صح ويبي قراية ومن خلال لقراية هادي رح تتحملي عياطه لانه مايبيش يقرا ولانه يبي يلعب وف اوقات يقطعك ف قرايته ويقولك جعان بتقدري تغسليه ملابسة لـ مبقعه بـ الالوان وبـ عصاير وشكلايط بالك تحسابي روحك ف مسلسل تحسبها شراب اميه
نسرين: اهاا انتي تاعبه منه يعني
اينور رمشت عيونها: نتعب كل يوم لانه شي طبيعي انا انسانه بس ف فرق لم تكوني راغبه تربية وف فرق انك تربيه بلغصب
هدى طلعت منها ابتسامه عفويه شافت لـ عفاف
نسرين: ف النهاية يعني ماتبونيش ناخده
هشام: ولد اختك ز ماتشوفي فيه ف المدرسة كنت تقدري تاخديه فا مديريليش دسكه مخبشه هني وتبدي تلعلعي
يوسف نزل من حوش عمه وجي لـ اينور: بتولي تاني غادي
اينور مسحت ع شعره: لا خلاص تعالى نركبو... شدت ايده وركبت
نسرين ركبت وراها سحبت يوسف من ايدها
هشام لوطى شاف امه: هادي طالعينها ع حل شعرها
هدى: غير امتى بتزوج بالك تنسانا
تواني ونزلت نسرين
وواضح انه الدمعه ف عينها
اينور نزلت وراها: ليش تراجعتي تعالي خوديه
نسرين طلعت وقربعت الباب
هدى ضحكت
عفاف ضحكت بهدؤ
هشام شاف اينور وابتسم
اينور: كيف حال البنوتة (تقصد بنت محمود)
عفاف: روحو بها من المستشفى كانت برده بسيطه
اينور شافت: بنركب نشوف بنيه شوية ونروح
هشام: تمام
يوسف: نجي معاك
هشام شد يوسف: لالا اقعد بتمشي هي شوية وبتجي
اينور ركب لـ سهام
هدى: يوسف ليش نسرين نزلت قريب تبكي
يوسف: شدتني بتاخدني امي قالتلها كلام بعدين طبكبت ع وجها بعدين نسرين نزلت
هدى شافت عفاف: كلام شنو
عفاف: وين نعلم
سهام: قلت تو تحرجي لانه جيت دقايق وروحت
اينور ابتسمت باسة البنوتة وحطتها ف سريرها: لالا معذوره بنتك مريضة يلا ع كل حال حمد الله اهي كويس وتضحك
سهام ابتسمت: اي الحمدلله
اينور تشوف ف البنوتة الصغيرونه: هي مش وقتها لكن نصيحه كان يقول بابا لـ اختي لم دارت مربيه تساعدها ف صغارها زيك قاللها وقتها تقدري تحطي فلوسك ومجوهراتك عند المربية؟ قالت لا قاللها كيف تخلي ف روح وقطعه من كبدك بين ايدين وحده متعرفيهاش
سهام: خلاص حتى محمود قالي معاش يبي الصغار معاها
اينور لمسة شعر البنوته: ماتشوف شر هي نستأذن انا ليل
طق الباب
سهام فتحت
يوسف: قتلك حنينه انزلو تعشو بنتعشو ف الجنان
اينور: خلاص مالا انزلي
سهام: لالا بنتي مزال مريضه مره تانيه تعشو صحتين
اينور: تمام سلامات... ونزلت
.
.
اينور نزلو وهما شادين يدين بعض
هدى ضحكت: محلاهم الصغيرونين ليحبو بعض
اينور ضحكت بهدؤ: شفتها وسيف تضحك علينا ع اساس حني صغار وهي كبيره
.
.
نسرين تبكي تسوق: الحيوانه هادي شن تحساب روحها
.
.
حسن كان كلعاده برا الاستراحه يكلم ف معاد ووصاه يقعد مع امه ويكدبو علها بـ حجة انه حسن مشي للحقول يخدم
بعدين صكر ويقعد يدخن فتح نت وشاف الصورة لمنزلها
حسن يشوف لصوره: الله ياخدني هدا كله عشان ماضي راجع ونصلح لدايره قبل... ناض ركب ف سيارة زياد ومشي
خش كمال لـ كان يراقب ف حسن من بعيد
كمال: خدي سيارتك ومشي
زياد: كمال خليك وراه
كمال طلع ولحقه
حسن يسوق وقعد فاتح ع صورته مع زياد: ليش مجرد مانتعصب نفكر نرجع نشرب !!
كمال وراه
حسن: لا عشت حياتي ولا خليتها تعيش حياتها
حسن: وجودي بدون فايده ااستهلاك اكسجين بس
فتح الاغاني ونفتحت اغنية (هدا اخر كاس) 💔
وقعدت الاغنيه لعند وصل حسن لـ مكان فاضي مهجور حتى حياش مافيشي يعني منطقه مهجوره
حسن نزل ومعاه مسدسه والاغاني من السيارة وع نفس الاغنيه تتكرر
كمال وقف سيارته ومقدرش يخش للمكان داخل خاف بحكم الدنيا نص ليل وظلام يخوف قعد واقف ف نص الطريق عشان يرجع مع حسن
زياد رن ع كمال
كمال توتر: ايووا
زياد: وينكم شن صار
كمال: هو ف..... خش داخل ف اعماق المنطقه ولم طلع كان معاه مسدسه
زياد: كيف معاه مسدسه هدا هبل ولا شني هدا الحيوان عنده وراقي تخصني لم نحسبت خليتهم عنده مهما صار ماتخليشي يدير ف روحه شي تموت انت يا كمال ف مكان لو صارله شي ... صكر الخط
كمال خاف مقدرش يخش اكثر معرفش يتصرف بكل
زياد قعد يحوم ويدور ف الاستراحه اذكر هدى قام هاتفه رن رن رن بس ماتردش حطاته ف الحظر بعتلها رساله( اتصلي بـ حبيبك فيديو عشان تحظري طريقة انتحاره)
هدى قام الهاتف بتشوف المكالمات من الحظر وصلتها رسالة من الحظر فتحتها وحساته يكدب قعدت مع العيلة بس تتوترة طلعتلهم الشاهي
رن هاتف هشام
هشام شاف الرقم عطول شاف لـ هدى قام الهاتف ونقص ف الصوت: اهااا نسمع فيك
حسن: الوراق والصور وكل شي عندك كلم جمعتك قوللها انا معاش نقدر نكمل
هشام نصدم: انت شن تودر شن صار
حسن تعصب ضرب السيارة برجله ويتكلم بصوت عالي: الوراق عندكم (هشام يقاطع فيه بس حسن يتكلم) المعلومات عندكم تخليكم تحكموه طول عمره شن تبو تاني
هشام طلع بسرعه متعصب: انت وين نجيك نتفاهمو وين انت شن تقول
حسن: متصل نقولك ع اخر معلومه وهي انه زياد ف استراحه.....
هشام تعصب خش بياخد مفتاح للسيارة: حسسن حني مش هكي اتفقنا انت قلت انك تقدر تقعد معاه الووو الووو.... خدي المفتاح وطلع يجري
هدى نصدمت بـ الاسم: شن صاير
عفاف: انا بنخش نرقد هدا اكيد من المركز ولا حد هبل ف عقاب اليل... وخشت غرفتها
اينور قامت يوسف الراقد:هي تصبحي ع خير انا بنروح
هدى: الساعه كم
اينور: 12 ومعاها.. قامت يوسف وطلعت
هدى: باي صكرت الباب وركبت غرفتها
.
.
هشام يحاول يعاود يتصل بيه بس مافيش فايده مايردش بعتله (تعالى لحوشي او ابعتلي مكانك بس ماتهبلش ماتنساش انه لو صارلك شي حني المسؤولين )
هدى تنهدت: انا بنهبل بنجن شن هدا من حسن لطحت فيه لـ كلهم مايبوشي يعيش ولـ كلهم مايبوشي يموت (قربت تسمع ف هشام ف جنان يتكلم ع الهاتف بعصبيه)
هدى فتحت الشباك عشان تسمعه
هشام بعصبيه: الولد عطانا الوراق وكل انا مش مسؤول لو حسن صارله شي انت لبعت وانت لوقعت فاهم
.
هشام: ف شي صاير انتصل بيا قالي انه معاش يقدر يعاشر زياد وقالي انه يهدد فيه مافهمت منه شي
.
هشام: اسمع تم جاي... صكر الخط وركب لحوشه بخطوات سريعه
هدى صكرت الشباك وقام الهاتف واتصلت بـ رقم حسن يرن يرن يرن لعند ف الاخير صكر علها
حسن: لو متت رح يفتحو الهااتف ويقلو رقمها ولو لو حته ف الغابة رح يلقوه اكيد
رن من جديد
حسن رد
هدى: لـ يحب بنت يعيش عشانها لـ يحب من قلبه هكي وانت ليك حرية الاختيار
حسن صكر الخط
.
.
تتبع*
لايك لطفا ♥
