#جعلني_انثى 26
الكاتبة: ميشوو محمد
.
.
.
.
.
.
.
.
.
.
.
.
.
يوسف خش قعد يدور علها بس ملقهاش لعند شاف نساوين ملمومين علها ويمسحو ف المياه ع وجها
يوسف قرب: ماما
قعدو يمسحو ف المياه ع وجها لعند بدو يسمعو ف صوت الاسعاف
رجاء سيبت اختها وطلعت
دخلو الاسعاف وفتحو الباب
السواق: مغسلينه ماحد يلمسه
قعدو تواني
ورجاء وعمتها بس شافو مصطفى
السواق خش صكر الباب
خش هشام وراجل رجاء
هشام: استنى مزال مرته مشفتاش
راجل رجاء: وين محمد ويوسف
هشام شاف محمد الصغيرون ولد رجاء: تعالى يامحمد اسمع برا خش لـ جداك قوللها تطلع هي وخالتك
محمد خش
تواني ورجع
محمد: ياعمي قتلك جديده خالتي اينور مفاقتش
هشام: كيف؟ برا قوللها تشربها امياه ادير حل المهم تطلع
محمد خش
يوسف طلع: يابابا هلباا نساوين يضربو ف وجه امي ويبلو فها
هشام تعصب: برا قول لجداك بنخش ناخدها للمستشفى امشي
يوسف خش: حنينه قالك بابا بنخش ناخدها للمستشفى
صبرين ناضت طلعت للاسعاف وقالت للباقي يطلعو
صبرين طلعت: ارفعها ع قد مادرت مبتش تفيق
رجاء خشت لحقها هشام وطلعوها هشام ورجاء لسيارة
ومشي هشام واينور ويوسف للمستشفى علقولها تغديه
طلعت الدكتوره لـ هشام: هي كويسه وفاقت علقنالها التغديه بس ربي يعوضكم الجنين طاح.. ومشت
هشام وقف يستوعب: جنين !!
رن هاتفه
هشام: ايواا
ضياء راجل رجاء: الاسعاف بتمشي تقدر تلحق علها
هشام: مزال وقت الظهر خليه انا جاي.. وصكر الخط
هشام خش لـ اينور: اينور
اينور شافتله
هشام سكت
اينور غمضت عيونها
هشام: الاسعاف بيمشي تقدري اتنوضي تشوفي بوك
اينور بصوت واطي: مانبيش
هشام قرب لشباك قعد واقف جنبه
اينور بعدت التغديه من ايدها وهي تبكي ووقفت شاده ف السرير: نبي بوي
#بعد_مرور_تلاته_ساعات
ف خيمة الرجاله
ضياء قرب لـ هشام: جي خالهم بياخد صبرين
هشام: كيف بياخدها مش بتقعد ف حوش راجلها
ضياء: ياراجل الحوش فاضي ميخلوهاش بروحها قالي خالهم انه اليوم بيرفعها عشان تربط ف حوشه
هشام: يعني خسرو امهم وبوهم ف نفس اليوم
يوسف قرب لبوه: بابا قتلك عميمه رجاء شن قالولك لم رفعت امي للمستشفى
هشام سحب يوسف برا الخيمه: برا قول لـ رجاء اينور كانت حامل و اجهضت
يوسف: باه
يوسف خش مشي لـ رجاء: امي كانت حامل واجهضت
رجاء نصدمت خشت لـ اينور: امي بنتك اجهضت لم داخت
صبرين سكتت
رجاء خشت لـ اينور ف الدار كانت راقده
هشام رجع للحوش خدي ملابس لـ اينور وخدي امه واخته عشان يعزو
#اذن_المغرب
صبرين خشت لدارها لقت اينور فايقه وف حضنها يوسف
صبرين قعمزت: ياكبيدتي ربي يعوضك خير يارب
اينور دموعها ينزلو. وساكته
صبرين: نوضي غيري ملابسك هشام جابلك حوايج
اينور ضمت يوسف لها: بعدين ياامي مانبيش توا
صبرين فتحت دولابها طلعت شنطتها وحطت فها شوية ملابس
اينور تشوفلها
صبرين قربت ع عبايتها
اينور فهمت ناضت سحبت منها العباية: مش توا خليك معاي مش توا
صبرين بدت تبكي: خالك برا عيب
اينور حضنتها وتبكي
صبرين: غظوا من الصبح نجي نجيكم ونروح المغرب
اينور طلعت تنادي ع رجاء بصوت عالي
جت رجاء ونصدمت: بتمشي؟
صبرين تبكي: خالكم برا غضوا بنرجع
اينور تبكي: انا نكلمه... وطلعت تمشي وهي شاده ف الحيط
اينور شافت محمد ولد رجاء: برا نادي خالي محمد
محمد مفهمش مشي للخيمه البرانيه شاف هشام: خالتي تبيك
هشام ناض مشي مع محمد خش لجنان
اينور تعصبت من محمد: قتلك خالي هدا راجلي ياغبي
محمد: مهناش
هشام: خيرك قوليلي انا
اينور تبكي: هشام خالي بياخد امي
هشام: اي وقال غضوا بيرجعها
اينور سكتت
هشام: القصة ومافيها انها بترقد ف حوش خوها وتجي الصبح بس لانها معاش تقدر ترقد هني
يوسف طلع: معاش تبكي
اينور تبكي
صبرين طلعت قربت حضنتها
اينور تبكي حضنتها: انتي خسرتي شخص واحد قد الدنيا لكن انا خسرت تلاته ياامي تلاته بوي وامي وولدي 💔
صبرين طلعت بسرعه وهي تبكي متحملتش منظر اينور
اينور شافت رجاء بصوت مبحوح من البكي: كان اصحاب الحوش مشو حني ليش قاعدين
رجاء تمسح ف دموعها: ف ناس بتعزينا
اينور شافت هشام بصوت مبحوح: خلي امك معاي اليله
هدى قربت: هشام قتلك امي بايت ف حوش عمي عبدالهادي لانه ماما بتقعد مع اينور الليله
اينور خشت للحوش وسيبت الخيمه خشت دارها
لحقتها عفاف خش الدار
اينور تسطحت ع سريرها
عفاف قعمزت ع حافة السرير: ربي يعوضك خير ف العيل
اينور بصوت مبحوح: حتى بوه مكانش يعلم بيه مكانش يعرف انه بيجينا.... وبدت دموعها تنزل
يوسف فتح الباب وخش قربلها: امتى بنروحو
يوسف شاف عفاف: ليش امي من الصبح تبكي
يوسف: بابا قالي انه بو اينور مشي للجنة
اينور بعدت: تعالى ارقد جنبي
يوسف تسطح جنبها: معاش تبكي
اينور: انا قتلك انه بيجك اخ
يوسف سكت
اينور: خوك مشي للجنة
يوسف سكتت
عفاف: حنينه قوللها ربي يعوضنا بلخير
يوسف ضحك: ربي يعوضنا بلخير ياامي
رن هاتف لـ عند يوسف ولـ هو هاتف اينور
يوسف رد: الوو يابابا
عفاف طلعت
يوسف: جنبي هي بترقد
يوسف حط السماعه ع وذن اينور
هشام: اينور
اينور: هاا
هشام: بوك كان شيخ وينصح ف الناس بصبر صح
اينور: وانا صابره 💔
هشام: انتي مش صابره انتي كاتمه وفي فرق اينور متشغلينيش عليك
اينور: نحس ف روحي مقعمزه مع كمشة منافقين صدقني
عماتي الزوز كانو مايجوش الا من العيد للعيد وتوا مقعمزين ف الخيمه يهدرزو عادي بنات عماتي لـ كل وحده مقعمزه مع هاتفها ف الخيمه ولـ جايه ملبسه صغارها حوايج العيد، بابا لم كان يمشي لحالة وفاء يعطو فيه ف مايكرفون ويقعد يقرا ف قران ف حالة الوفاء اي شخص يطلب منه انه يقرا ياخد مصحفه ويمشي يقرا ف كل حالة وفاء واليوم ماشفتش ولا شخص غير امي واختي قلبهم محروق بس اصحاب الحوش طلعو انا ليش قاعده عشان نتفرج ع النفاق 💔
هشام: بتوريني فيه بوك عاشرته شهور
اينور: مشو الغوالي لا عتب ع الرخاص ولا فارق معاي يزعلو او يبكو او ينفجرو صدقني بس متوقعتش البرود هكي
هشام: لم يصير شي معاك او تبيني كلميني
اينور: سلامتك
نفتح الباب خشو عفاف وهدى ورجاء
اينور: بنصكر توا وبنسبه لـ يوسف رقد معاي مدوراش
هشام: تمام سلام... وصكرالخط
رجاء: اينور عمتي عفاف قالت بترقد معانا ف الدار
اينور ناضت عدلت نومت يوسف ع سريرها لـ كان واخده النوم
فتحت الدولاب طلعتلهم اغطيه ورجاء جهزتلهم اماكن لنوم
عفاف تسطحت بترقد
هدى تسطحت ووالعه هاتفها
اينور: نجيبلك اميه تاخدي دواك
عفاف: خديته
اينور كان الحوش هادي بدت تسمع ف نغمة لعبة ببجي من الغرفة التانيه
رجاء: تصبحو ع خير انا وصغاري بنرقدو مع عمتي وبناتها.. وطلعت
اينور تعصبت بس محبتش ادير مشكله طفو الضي وتجهز لنوم بس الموسيقى متع الببجي مسموعه
الدار ظلمت وعفاف بياخدها النوم ويوسف راقد
هدى ع الهاتف: يراسل فيا هشام ع النت يوصي فيا ننتبهلك
اينور تعصبت ناضت من سريرها بعصبيه طلعت من الدار لدار لجنبه: البسي سمعاتك والعبي تشوفي ف غيرك بيرقد
بنات عمتها طفو الهواتف
اينور رجعت لدار تبكي بدون صوت دموعها ينزلو: بابا لو سمع موسيقة ببجي كان كسر الهاتف ع روسهم كان ميحبهاش
هدى ناضت قعمزت جنبها: ناس فاضيه
اينور عدل يوسف ورقدت جنبه
هدى طفت الضي وتسطحت دارت روحها راقده بس تفكر ف امكالمه لسمعتها 💔
واينور تسطحت دارت روحها راقده بس هي تتذكر ف بوها 💔
وطول الليلة وهما يمتلو انهم راقدين الزوز مرقدوش 💔
#تاني_يوم
ف الاستراحه
حسن عينه طول الليل ماغمضت يفكر شن تفكر فيه هدى
كمال خش دار حسن: صباح الخير
حسن تلفت وقف شافله: زريبه هي خاشين طالعين
كمال: زياد مجهز المسبح ف عكسه اليوم قالك تلحقه
حسن: اطلع
بعد نص ساعه
طلع حسن للمسبح لابس توتة نص كم سوداء وايديه ف جيوبه: وقته هدا مش المفروض اليوم بنمشو للجنوب
زياد يعوم: بعد غضوا
حسن سحب كرسي وقعمز: مش ع اساس اليوم
زياد: اليوم ف ف حلويات ف الليل نحلو لسانا قبل مانمشو
حسن: مش تخصصي
زياد: البنات زينه الحياة وتقولي مش تخصصي
حسن شافله بنظره حاده: قرفان من كل شي.. وناض
زياد طلع من المسبح ياخد ف صور نزلهم ع الفيس ومشتركات مع حسن
الصور متصور فيهم زياد جنب المسبح والسفرة الفطور المشكلة باينه وباين حسن لـ كان واقف وعيونه ف الهاتف ونزلو الصور
.
.
ضياء وهشام دخلو المياه والخبزه
يوسف ومحمد كانو يلعبو ف الجنان
ضياء شاف رجاء ف المطبخ دخل المياه والخبزة واطمن ع بناته ومرته وطلع
هشام شد يوسف: امتى نضت انت
يوسف: بكري
هشام طبس: يوسف لو درت عركة او مشكلة بنروح بيك راه
يوسف: درت شي
وبدو يسمعو ف دوشه داخل
يوسف ومحمد خشو بخوف
هدى طلعت: هشام مرتك جتها نوبة هلع
(نوبة الهلع هادي اظن انه البعض يعرفها تسرع ف دقات القلب وفجأة الشخص هدا يعرق كله ويبدا عقله يفكر بطريقه سرعيه ومشوشه ويبدا ضغظ ف التنفس ورعب من الموت... نوبة الهلع هادي تجي من الصدمة القوية او من الضغوطات النفسيه او من الكتمان الحاد وتسبب ف الموت ديرو بحث علها وزيدو تعرفو علها اسمها نوبة الهلع)
اينور ايد شاده بها الباب ف الممر وايد ع قلبها تتنفس بطريقه بطيئه ودقات قلبها سريعه وتوشوش ف كلمة وحده بس: مش قادره نتنفس
هشام: هدى انتي تعرفي تتصرفي ماتخلي حد يقربها بري
هدى خشت وهي خايفه: ماحد يلمسها لانه ماتعرفش تتصرف لو لمسها حد ماحد يقربها
بنات عماتها وعمتها يشوفولها وبس
عفاف جابت اميه
هدى قربت من اينور لكانت واقفه ف الممر: اينور عادي نقرب
اينور ايدها ع قلب وايده ع الحيط منزله راسها تلقط ف نفس: مش قادره نتنفس (من النوبة هادي الشخص ميقدرش يتكلم بسبب نقص التنفس ويبدا يتكلم بصعوبه)
اينور شاده ف الحيط قربت للباب طلعت عشان تتنفس
هدى قربت: اينور شوفيلي شوفيلي
اينور قامت راسها لها: مش قادره
هدى قربت شدت ايدها نزلتها من قلبها: اهدي مش رح يصير شي
اينور شدت ايدين هدى بقوة: مش قادره تننف...
هدى بخوف تشوفلها: ف شخص فخور بيك قلتي فكري مني الشخص لـ حكيتيلي عليه انه يبيك تكوني عادله وزيه
اينور وجها احمر وعارقت ضغطت ع ايدين هدى بصوت واطي: بابا
هدى: اينور شوفيلي
اينور قامت عيونها
هدى: خودي شاهيق طويللل كله اجبديه
اينور ضغط اكثر وخدت الشهيق
هدى نفخ: طلعيه كله زفير هي وراى بعض
وبدو يتنفسو مع بعض وهدى تهدرز فها عشان تركز ف الهدرزه
اينور بدت تتنفس طبيعي شوي شوي لعند مبدت طبيعيه
#وفات_اليوم_نكد
لعند اليل هدى فضت فتحت نت ونصدمت بلمنشور لجي قدامها صورة حسن وزياد 💔
عرفت زياد من اسم ايميله
هدى تغسل ف الماعين: مش ع اساس خربلك حياتك وهو سبب تجارتك وهو لدخلك لطريق الحرام كان كله وهم ز ماقالت هشام ف خطوبتي💔
سيب الماعين وطلعت رنت عليه
زياد كان داخل ومعاه بنات لكن حسن كان برا يدخن بروحه والباقي كلهم داخل
حسن رد: ايووا
هدى سكتت
حسن(مايعلمش بـ المنشور): رح نوضحلك ليش قلت عليك هكي وانت اكيد حسيتي انه الكلام مش مني غصب قلت هكي
هدى: حسن تصدق انه ف كل ركعه نركعه رح ندعي ومن كل قلبي انه ربي يحرقلك قلبك ز محرقتلي قلبي ربي يطول بعمرك ويقهرك ف كل ركعه ياحسن
حسن: اسمعيني يابنت انا وهشام.. قطعاته
هدى: نحس ف روحي وحده وسخه لاني حبيت شخص يقرف زيك كرهتني ف اختياري
طلع بنت قربتله: امتى باش نخشو لدار
حسن نخلع تلفت
هدى: ياريتها طلعت عقيمه امك يافاسد وف الاخير تجي وتبدا تنصح فيا يازباله.. وصكرت الخط
هدى طلعت الشفره من الهاتف كسرتها ولعت الغاز ف لكوجينه وحطتها حرقتها
وهي متعصبه بدون ولا دمعه
.
.
هشام مع ضياء رن عليه رقم غريب رد
نسرين:...
تتبع*
