#جعلني_انثى 28
الكاتبة: مشوو محمد
.
.
.
.
.
.
.
.
.
.
.
حسن صكر ع هدى الخط
هشام وصل للمركز
زياد خايف ع وراقه لـ عند حسن رجع اتصل بـ كمال لكن كمال من خوفه صكر هاتفه
وهني زاد التوتر
حسن قعمز ف سيارته يشوف ف المسدس: لدرجه هادي الكل يشوف فيا مصلحه ف الماضي كنت سيد زياد وتوا نبدا شريكه شي يشبه الكذب من قال انه حسن المتوحد لـ بلكتير يكلم ف اقل من عشره اشخاص فقط (ضحك) واااك ههههه شي يشبه الكذب
من شخص مريض نفسي لـ تاجر مخدرات اسمه يرعب فيهم لـ شخص سجين لـ شخص مريض نفسي لـ شخص عاش ف مصح عقلي لـ شخص يحب بنت لا يعرفها لا تعرفها اغلى من كل اعضائه لـ شخص نادم ولـ شخص خاطب بنت قلبه لـ شخص مدمر لـ شخص مطعون من اعز اصحابه انه انا ننطعن من زياد لـ شخص يتعامل مع الشرطه لـ شخص ميفوتش فرض ف صلاته وتوا لـ شخص باقيله تواني ويختفي
يرن رقمه بـرقم هدى بس يصكر لانه مايبش يضعف بصوتها ويخرب الخطه
.
.
هشام وقف: كيف؟ قصدك متفقين معاه انه هكي يتصرف؟
عادل: هدا مجنون احني قلناله انه بنمشوو للاستراحه ولازم يبعد علها
دقايق يفهمو ف هشام انهم خطاطو انه حسن يبعد عن الاستراحه لانه ف شرطه بيقبضو ع زياد وجمعته وعشان مايعرفوش انه حسن تعامل مع الشرطه
هشام: لكن هو تصرف بـ طريقه اذكىء خصوصا انه مش رح يشكو فيه هكي بكل
.
.
كمال خاف ع روح وقرر يهرب ولع السيارة وروح بس شاف الشرطه ف الاستراحه رجع لحوش خدي بعضه وهرب
.
.
حسن ضحك: مكنتش نعرف انه الشرطي هشام بيخاف علي
#بعد_مرور_اربعه_ساعات
لعند الساعه 6 الصبح
كانو زياد وجمعته ف السجن لانه قبضو عليهم امبارح بكل الاتباثاث والمشروب وكل شي
حسن قعد يدور ف الغابه: مش حبآ ف البنت او انه مافيش غيرها ع الارض القصه انه انا نظامي ماحد ياخد مني الحاجه لـ نبيها الا اذا لوحتها انا فما بالك تكون بنيت قلبي ♥
حسن قعمز ع صخره: هدي انت مخنتش صاحبك ولا غدرت بيه بلعكس انت حمية بنات كانو رح يمشو ف طريقه وكل شاب يقرا ف كليا يوصلوله ف بضعه وكل شخص تعرض لتهديد واخيرا بندفن الماضي
... فتح هاتفه
وعطول رن برقم هدى
حسن طلعت منه ابتسامه عفوية رد وساكت
هدى كانت وقفه ع شباك غرفتها بخوف تستنى ف كلمة تكسر خاطرها 💔 وهي تبكي: الوو
حسن: باهي لو انا بجد متت ولـ رد هو خوك كيف بيصير فيك
هدى تنهدت لم سمعت صوته بدون مبالاه رجلها ارتخو وقعمزت حدفت الهاتف ع السرير وزاد بكاها ♥
حسن يسمع ف شهقاتها البعيده سكتت
.
.
اينور فاقت ملقتش هشام جنبها ناضت دارت دوره ف الحوش ملقاتاش خشت ع يوسف لقاته راقد طلعت ادور ع هاتفها بس ملقتاش
.
.
ف المركز
زياد متعصب: مش رح نتكلم ولا حرف افهم
هشام خش: نور المركز
زياد شافله بكره وسكت
هشام شاف عادل: يازياد المره لفاتت انا كنت متسهل معاك وبحكم انه عادل كان المسؤول الاول عليك بس تو ليا اربعه ساعات نتكلم وناقش عشان انا نستلمك وانا لنكون المسؤول عليك
زياد: ع الحالتين مش رح نتكلم بدون محامي
هشام قعمز مقابله: ده كان زمان بس توا شدينا المشروب والبضاعه عندك ومعاكم بنوتة ف الاستراحه لشديناه معاك المره هادي مش مستاهل انك تتكلم ولا حرف
زياد: بس نقدر ندفع ع... قاطعه
هشام: لو كانت الاستراحه مش بـ اسمك وقتها كنا حققنا معاك بس كل شي ثابث المره هادي لسانك مش رح ينفعك بشي غير بـ الاستغفار وبطلب السماح من لخلقك
زياد بتكلم قاطعه
هشام: وبنسبه لـ حسن وكمال حبايب قلبك معاش عندهم فرصه عشان يتوبو
زياد يكابر: فوته ع حد تاني
هشام: ف غابة..... لقينا سيارتك وسيارة كمال وبنسبه لـ حسن هدا طار وبنسبه لـ كمال هارب
زياد سكت
.
.
حسن صكر الخط وهو يسمع ف بكاها: فاقت معزة الكل حتى صوت بكها ارتسخ ف عقلي ♥
رن الهاتف برقم هشام
حسن رد: اهاا
هشام: الله يرحمك من اليوم
حسن: طمني زعلو عليا ولا فرحو
هشام: نتلجو كلهم ساكتين
حسن: خلاص اهو جاي للمركز
هشام: تم.. وصكر لخط
.
.
اينور ادور ف الحوش لقت هاتفها اتصلت بـ هشام
هشام رد: عيوني
اينور: صباح الخير
هشام: صباح النور
اينور: وينك راقد برا؟
هشام: ف المركز بنروح ف اليل موخر
اينور: اهاا مشغول ربي يعاونك
هشام: اممم لو مالين خودي السيارة اطلعو معاش ف شي يخوف
اينور: لا مش هكي اتصلت فكرت صاير شي بس
هشام: لا مش صاير شي هي انا بنصكر سلام
اينور تمام سلامات.. وصكرت الخط
حسن ركب سيارته واتجه للمركز وهو يفكر ويخطط وقف السيارة قدام محل ملابس نزل خدي تب اسود فيه برنوص وكبوس سوداء شمسيه ونظرات شمسيه وكمامه لبسهم ف السيارة ومشي للمركز ووقف سيارته لانه متع زياد بعيده عن المركز بشارعين وكمل ع رجليه
خش للمركز ومافيش ولا لمحه من وجها باينه خش ع طول لـ مكتب هشام
هشام يشتغل ع الوراق متع زياد شاف لشخص لخش: عفوا ف باب كنت تقدر اطق وانا نسمحلك تخش او لا
حسن: سامحنا حظرت الضابط بس انا مانحبش الحركات الراقيه... وصكر الباب قعمز حول النظارات والكبوس والكمامه
هشام: هدا انت
حسن: للعلم اي شرطي عندك يقدرو يشروه بفلوسهم ف جيت مخي
هشام ابتسم: عندنا الحق لم كنت متع عصابه وحشيش انه مقدروش يشدوك بسهوله
حسن تعكر من الكلام ع ماضيه
هشام حسه مايحبش يرد الماضي: انزعجت؟
حسن: الماضي ماضي متعي مش مزعج بس انا مانحبش الذكريات ونتمنى تمشي ز مامشو ايامها
هشام: علاش نحس من كلامك كله حكم واقتباسات؟
حسن: محسوبك قارىء كتب المهم خلينا ف الوراق
هشام صكر الملف: قبل الوراق عندي شي اهم من كل لـ ف زنزانه واهم حتى منك
حسن سكت
هشام: بس خليه ف النهاية نحكو فيه
حسن: كأني عرفت المقصد
هشام شافله: خلينا ف الوراق ف كل ورقه فيه اسمك
حسن: اي وانا نسجنت ونحكمت... قاطعه
هشام: برغم من انه زياد وجمعته مفكرينك ميت بس حط ف بالك يوم المحكمه بتجي وبتتكلم ع الوراق ورقه ورقه
حسن حط بين عيونه بتشويش: لحظه نفهم انك مش مصدق الوراق ولا مصدقني؟
هشام سكت
حسن تعصب وقف وقرب للمكتب يظم ف الوراق بعصبيه: هات امهم مدامه هكي مش رح نشرح شي يوم المحكمه انا نجي ونجيبهم
هشام تعصب ضرب الطاولة بيده: لو انا صدقت غيري مش رح يصدق
حسن بعصبيه: انا ممكن نكون مريض عقليا وممكن نكون مجرم وتاجر بس حط ف راسك منحبش حد يخون تقتي واكبر متال عندك لوطى مجرد ماخانوني هكي صار فيهم
هشام تعصب: ف كل ورقه فها توقيع ليك فسرلي كيف نتصرف ادووي لـ انا نقول فيه انت سببه ماتنساش روحك شن داير
حسن بيتكلم قاطعه
هشام شد حسن من رقبت سوريته: ولـ قتلك عليه انه اهم منك ومنهم هو انه اسم اختي مكتوب ف المحظر ياكلب والاسم نكتب وانت لـ رح تمحيه والا انا لـ رح نمحيك عشان اثر اختي ينمحى
حسن دفه: شن دخل اختك ف المحظر
هشام بعصبيه وصوت واطي: رقمها كان ف هاتف زياد افندي وانا اختي ماتخشش للمركز ومتقعمزش ف حجرة التحقيق لو يكون المبلغ هو روح زياد
حسن تعصب قعمز: وين المحظر
هشام قرب للمكتب حدف ملف ع الطاولة لقدام حسن
حسن فتح المحظر وبدي يقرا لعند لقي اسمها ورقمها شاف: هشام قرب للمكتب كانت ف كاسة فها اقلام وكركت خدي الكركت وحدف الاسم الرقم
هشام يشوفله: لو كانت القصة بسهوله هادي كنت مسحته بس الاسم ع لسان زياد
حسن شافله بعصبيه: ولسان ينقطع وساهله ز ماحدفت الاسم من الورقه
هشام بيتكلم قاطعه
حسن شافله بنظره نار: ف الجديد ايدك ماتمدهاش متفكرش روحك انك صاحبي
هشام بهزه: صاحبك؟ ياولدي كلها مصلحه بناخدها منك ومن غيرك ولـ زباله زيك ز غيرك وبنسبه لـ اختي حسابها بروحها لاني عرفت بكل شي ع زيارة المستشفى والقصة الغرام لـ لها سنتين يعني من يوم مافسخت خطوبتكم انت مستمر تكلم فها
حسن: الخطوبه انت لفسختها وانا واختك ماحد عطاك موافقه وز مااختك جتني للمستشفى وز مانعرفها سنتين كنت نقدر نجيبها او نخلها تهرب بس مع هدا محترم امها لـ اخترمتني بس
هشام شاف الباب: وجهك معاش ينشاف لعند يوم المحكمه هي هوينا من هني
حسن: خايف
هشام وقف بعصبيه: اختي ف المحظر ياولد الحرام تفاهم شن يعني بنت ف محظر كل الاسماء فيه ناس وسخه
حسن تعصب ضرب الطاولة بقوة بيده: ولد لحرام ممكن يكون ولدك مش انا وبنسبه لـ اختك ز ماانا كنت نبها مرتي رح نخاف ع اسمها وكانها صارت ولـ اول مره نقولها حافظ ع الفاظك وماتستخفش فيني... وقف لبس الكمامه وهو متعصب ولبس النظارة والبرنوص وقرب للباب بيطلع
حسن تلفت: سيارة زياد ملوحه ف شارع.... استلمها وعشان تكون تعرف انا مش رح تقدر توصلي غير يوم المحكمه
هشام شد راسه نزل راسه بعصبيه:اطلع اسال عليا انا ماعمرها تتسمى عليا انه انا نتعامل مع شخص كان مجرم لو ماكنتش عارفك كويس انك نادم مكنتش نتعامل معاك
حسن عاطيه بظهره تلفتت: لو نذكر اسم اختي رح نكون زيك متعصب وممكن نتلفظ بـ الالفاظ ز ماصار معاك وانا نعرف وكلامي لقلته مشي فاضي (تقوى تنهد) فما بالك اسم البنت لنبيه يكون من ظمن اسماء ناس وسخه كون ع يقين انه اختك انزالت ز الشعره من العجين... وطلع وهو طلع من المكتب كلهم يشوفو فيه كيف متلتم بطريقه هادي
قعد يمشي ف الشارع لعند خش لمحل طلب منه هاتفه يتصل
صاحب المحل استغرب من شكله بس خاف عطاه وسكت
حسن كان بيسجل رقم هدى بس ف الاخير تراجع انه يكلمها ردله الهاتف وطلع
.
.
هشام نزل لـ زياد: جنازة حبيب القلب توا
زياد وجها مخرب بدم لانهم محققين معاه: قول لـ اختك تمشي تعزي
جمعته ضحكو
عادل خش: ع شنو تضحكو اسم البنت كان ع الهاتف بس وماعليها شي
زياد: بطل استعباط تربح شن بيدير اسم اخته عندي نحكوه ع الاجر وبر الوالدين مثلا
هشام متعصب هجم عليه ضربله راسه ع الحيط بقوة
عادل شد هشام طلعه معاه شرطه طلعوه
حسن وقف تاكسي ومشي لحوش زياد طقطقطق بس كان فاضي قربع بقوة بس ماحد فتح
حسن يمشي ف الطريق ويفكر داخله: ايه بما انه بنيت قلبي نجبد اسمها نتصرفو
تتبع*لايك ومتابعه لطفا 🥹♥
