#جعلني_انثى30
الكاتبة: ميشوو محمد
القصة كانت متوقفه من السنه لفاتت
.
.
.
.
.
.
الملخص لصار:
اب اينور توفى وتصكر حوش الاب وصبرين رجعت لـ حوش اهلها بحكم معندهاش صغار
.
حسن تعامل مع هشام عشان يشد كل اصحابه لغدرو بيه لـ كانو سبب ف سجنه وطعنوه ودخلوه مصح عقلي.... الخ
.
هدى خشت لتحقيق بسبب زياد افتراء عليها بس مجرد ماشفها حسن خش لزنزانه وهدد زياد بـ بنته صاحبة الشفشوفه الصفراء
.
.
.
في التحقيق
بعد ما طلع حسن زياد رفض يتكلم حرف الا لم يكون حسن معاه خايف ع بنته من حسن
هشام تعلق وطلب من عادل ينادي طلع عادل
حسن رجع خش فنص ف زياد: محور الكون عندي الف هم ع راسي غيرك للعلم
هشام متعصب ومقعمز: كمل معروفك وانبلط اسمعه لانه رفض يتكلم لم انت طلعت
حسن جبد الكرسي بعصبيه وقعمز: حركات مفرخ اي نقعمزله شن وراي ماهو ولي امره انا(شافله ومتعفلق) عيل ادوي
.
مرتت اكثر نص ساعه وكملو
نزلو زياد وجماعته
هشام شاف حسن: معاش نشوف وجهك ليوم المحكه
حسن شافله وطلع
هشام طلع وراه عشان يروح بـ هدى
____________
فاق يوسف
يوسف يشوف نور تنظف وريحة الحوش منظافات: نبي فطور
اينور تلفتت: برا فرشي اسنانك واغسل وجهك
يوسف خش الحمام (اكرمكم الله)
هشام خش ومكنطي من كل شي صار
وكانت ريحة الحوش نظافة ومعطرات تشرح النفس
يوسف طلع من الحمام متعصب وخش المطبخ عيط ع اينور: هيااااااااا فطووورررري
اينور نخلعت شافتله: ليش لعياط نجهزلك ف فطور
هشام خش وقربع الباب ز المتوحس شد يوسف بقبضه: ع من تعيط؟ شن التصرفات الشوارعيه هادي
يوسف مخلوع ويشوفله
اينور: بسم الله منين طلعت انت... قربتله وبعداته ع يوسف
اينور: جيعان الولد تو كيف فاق
هشام متعصب ويشوفله: هلمنظر.. وخش يشرب
اينور تكنطت شافت يوسف
يوسف خش للغرفة وسرفق الباب
هشام سمع صوت الباب كان ماشيه بس اينور وقفت قدامه
اينور ضيقت عيونها بضيق: عيل هدا تقوله هلمنظر عشان يتعقد ومايبداش واتق من نفسه
هشام بهدؤ: اينور ماتدخليش بيني وبين ولدي
اينور تنهدت بضيق: علاش كل مايصير موقف تبدا تقول ولدي ولدي؟
كيف يعني لندير فيه انا لمني؟ ولدك حاسس فيني اكثر منك ويناديلي ياماما
هشام: لـ نبي نوصله ان ماتدخليش بسس
اينور تجاهلاته ولحقت يوسف
يوسف كان مقعز ف داره اينور خشتله شافلها
يوسف بصوت واطي عشان خايف من بوه: اطلعي
اينور بهدؤ خشت وطلعت الباب: انا شن درت باهي تلز فيا
يوسف سكت
هشام فتح باب الدار ويشوفلهم: ادلع اي جايب بنت انا هكي ديما دير جو زعلان وتجشلك تبوسك وتراضيك... قطعاته اينور
اينور كشخت بوجه هشام ووقفت: خلااااص
هشام نصدم ان اول مره تعلي صوتها عليه لسبب تافه وبنبرة ونظره هادي
اينور بضيق: انا مروحه من وفات بوي وتعابنه ومجهضه عيل لو تحس فينيي؟
(تشوفله عيونها دمعو) انا مش روبوت نقعد نجري وراى اي شخص يزعل
لم انت تخش ع ولدي ركززز ف كلمة ولدي يوسف حتى انا نضايق ومانبيش حد يقيم صوته ع ولدي ز اي ام ف الدنيا ومنرضاش اي شخص يحطم شخصيته او تقته ف نفسه حتى لو مكانش ولد بطني
هشام سكت يشوف لعيونها كيف ف تواني تعبو دموع بس شدتهم وحس ان شاده عبرتها
يوسف يشوف لـ اينور
اينور قامت صبعه: ف يوم واحد بس حسسني انه ولدي حسسني انه ولدك ولدي حسسني اني امه
لم يدير شي غلط قولي تمام!!
قولي ولدك دار هكي وعلميه وبكل شراحه صدر ع نوسع بالي ونعلمه ونوريه لكن رد بالك هادي اول مره واخر مره تهينه وتقوله هلمنظر
اينور قربت شدت ايد يوسف ودخلاته دار نومها ومسحت الدموع لحاصلات ف عيونها وسيطرت ع صوتها
اينور صكرت الباب وقعمزاته ف حضنها وخدت منشفه ومسحت وجها لانه كان طالع من الحمام وغاسل وجها ومشطت شعره
اينور مقعمزاته ف حضنها: وسيفا
يوسف شافلها
اينور: حبيبي عيب هلبا انك تعلي صوتك ع ماما وبابا وع شخص كبير
يوسف يشوفلها وساكت
اينور: انت درت شي عيب هدا السبب بوك عيط عليك
يوسف يشوفلها: كنت جيعان
اينور بساته وطلعت وسيباته ع السرير شافت هشام قاعد واقف ف مكانه
اينور خشت المطبخ هشام لحقها
هشام تعصب: شوفيلي واسمعيني كويس
(اينور تجهز السندوتش وخدت سنتوب وجت بتطلع شد مرفقها) سكتتلك ع تعلايت صوتك لاني مانبيش نعارك معاك قدامه
اينور جبدت ايدها بعنف: هشام مش حاسس انك زودتها؟
هشام تعصب لف وجها خدي نفس: اينور انا مروح من خدمتي والف خليقه متصبح فها غادي وانا حر كيف نتعامل مع يوسف ماتجيش انتي توريني
اينور نزلت عيونها حطت فطور يوسف ع الطاولة تنهدت بضيق وشافتله: هشام ولدك زيك بزبط يشوف فيك ويقلد فيك (شافتله بترجي) بطل تعامله كأنه عسكري عندك
اينور قامت السفره بس رجع شد مرفقه وكان بيتكلم قاطعاته: خليني نفطره ونحكو
هشام سيبها
اينور خشت حطتله فطوره قدامه
يوسف قعد يشوفله وساكت
اينور: وسيفا مش جعان قلت افطر ياقلبي
يوسف بصوت واطي: مانبيش سندوتش نبي كيكه
اينور: مافيش كيكه وسيفا
يوسف قعد يشوفلها
اينور حساته اضايق وخش بعضه شدت ايده: تعالا نديرو كيكه ف الحوش مع بعض
شدت ايده وخشو للمطبخ ويوسف متجاهل نايبيش يشوف وجه بوه خايف يقول انه طلب كيكه
هشام مقعمز ع طاولة المطبخ
اينور رجعت فطور يوسف ع الطاولة
هشام: مباش يفطر
يوسف سكتت بخووف
اينور تصلح ف الوضع: انت كول السندوتش لجهزته ليوسف ورفض ياكله
هشام ناض وخش دار النوم وسيبهم
دقايق وطلع مغير ملابس لابس كت من فوق وسروال توته رصاصي طلع لقاهم يطيبو
هشام وقف ع باب الكوجينه يشوفلهم
اينور ضحكتله شافت يوسف: افتح الدرج لغادي تلقى ظرف بودري جيبه
يوسف جابه: هدا شنو
اينور: فنيليا هدا
هشام لـ اول مره يراضي ف يوسف: بديرو كيكه؟
يوسف نسي كل شي صار قبل شوية وضحك: كاب كيك
هشام ابتسم وقعد يشوفلهم من الباب
صبو الكيك ف الاكواب ودخلوها الكوشه
اينور فتحت التلاجه: غزال الحلو قاعد من غير فطور
طلعت حليب صبت طاسة حليب ومدتها لـ يوسف
يوسف سحب كرسي وقعمز يشرب فها
هشام: برا اشربها ف الصالة اوينه حطيت ايبادك ف الشحن كان فاضي
يوسف مشي لصالة
هشام خش وصكر باب المطبخ وقرب لـ اينور ف زاوية الرخامه حاصرها بـ يديه ويشوفلها: اسف ع دموعك وع لصار قبل شوية.. ونزل عطاها بوسه ع رقبتها
اينور بلعت الحروف ❌
هشام ضحك حس وجها احمر: انتي تعرفي ان انا خلوقي ف راس خشمي ونحبك صح؟
ومسيب خدمتي والحوسه والدوشه والف شي وراي لاني من بعد مكالمتك استاحشتك وروحت
اينور ضحكت بهدؤ: مشاءالله عليك مولي عاطفي
هشام يشوفلها بجديه: اول حد يفهمني وقتنعت ان بجد يوسف يقلد ف تصرفاتي
اينور ساكته
هشام ضحك: علاااش لم نقرررب الضي يهرب عليك وينه لسانك لمحد سلك منه
اينور: هشام الكيكه بتنحرق
هشام ابتسم وحس بوجها احمرر: الكيكه قعده محستش بدفي داخل انا لبننحرق ياهمي لحرف انتي... وبعد علها خدي السندويتش لخلاه يوسف وطلع لـ الصالة ياكل فيه
اينور جهزت الشانتي عشان تزين وكل شوي تضحك بسبب لصار ❤
هشام قعمز ف الصالة ويتأمل ف ولده وهو يلعب بـ الايباد وجنب طاسه الحليب
تواني وقعد يفكر ف حسن وهدى لفرقهم وخايف انه يكون سبب تعاسة اخته او ادير ف روحها شي بعد لصار كله فيها
.
.
عفاف تعيط علها: فهميني شن صاار
هدى حاسه روحها مرخيه وفاشله: كل شي صار ف حياتي ان حسن طلبني باهي يام وولدك هشام لزه عشان شي دايره ف ماضيه قبل عاميين باهي ولزه وفسخت
وهشام قرر من راسه يخطبني صاحبه لؤي وسكتتت حرف مانطقتش وسكتت وصار شي وبرضو لز لؤي
وسكتت وضميت فمي بس بعد هكي بديت بسبب سوء تفاهم ولدك لـ لاعب ف اعدادات حياتي بسببه بسبببه هو بروحه يام هو السبب ااول ف خشتي لتحقيق ليوم سامعه.. وخشت لدار وصكرت ع روحها
عفاف بدت تاكل ف روحها
ع خشت سهام(مرت اخ هشام مرت محمود) وبنته الصغيره ف غمرها: عمتي شن في؟
عفاف قعمزت: حسني بنطربق
.
.
#بعد_مرور_17يوم
ف نفس اليوم ال17هدا كانت محكمة زياد وجمعته
هشام وحسن هو لجاب كل شي اتباث وصور وكل شي مع انه شدوهم بتابث
وتمت المحكمه وتحاكمو 8 سنين لـ زياد
.
.
هشام وعادل كانو برا
حسن طلع وكان متاجهل هشام
هشام شافله: وين؟
حسن وقف تنهدت بملل: اسمع انا راني فاااد من عمري خلاص وخلصت حدها اخطاني.. وكان بيمشي
هشام: استنى
حسن تلفت متعفلق: شنو هي نعممم تفضل؟
هشام يشوفله بيتكلم قرب معاد صاحب حسن
معاد: خيرك واقف هيا
حسن يشوف لـ هشام قبل مايتكلم: اعرف ان انا مش مسامحك ع كل شي درت ف البنت لـ انا شاريها... ومشي
هشام بسبب الكلمه هادي نسي حتى شن كان حايقوله
#بعد_مرور_3سنوات
في ال3سنين هادم هشام دعم اينور لخلها تكون افضل محاميه واسمها ضارب ف المحاكم ❤
كان هو سبب ركازتها والهدوءها بعد الزواج
حوله من بنت طايشه ولسانها طويل ز قبل لـ زوجه ليه وتقه من نفسها وتتكلم بركازه افضل من قبل ❤
خلها تسوق وعطاها حريتها وتقته فها وهو واتق انها مستحيل تكون ز مرته رتاج الاولى
وكان سند وضهر ليها ف اي قضيه عويصه ❤
تحولت بـ اختصار من بنت قرية طايشه لبنت عندها هدف ولنحرمت منه ف منطقتها هو عوضها وداره وكان السبب الرئيسي لخلا بوها يوافق ان بنته تكمل وتتخرج محامى❤
.
بس محالفهمش الحظ انها تحمل 💔
بعد التلاته سنين هادم حملت وكانت الدنيا مش سايعتها ولا سيعتها واكثر شخص متحمس للبيبي الجديد كان وسيفا ❤
حملت اينور ونجبر خاطرها ❤
.
من يوم اخر مره ركبت هدى مع هشام ومشو للمركز وهي معاد ركبت معاه وصح بينهم سلام خوت وعيد وكذا بس داخلها مش مسمحاته وهو حاس بـ انه السبب ف رفضها لزواج ومعاش تواصلت بـ حسن بكل
ومعاش تركب لحوش هشام الا لم يكون هو برا الحوش
.
اينور لابسة توته شتوية بينك قطنيه وبطنها قدامها ❤
يوسف ركب وهو مروح من صف تالت: ماما
اينور تجهز ف لغدي: واتي يايوسف واتي الغدي عرفاتك بتقولي جيعان
يوسف ضحك: لا اسكتي بابا شاري شي لـ البيبي معرفتش شنو
اينور ضحكت: اكيده بوك قالك ماتقولش
يوسف شخ المطبخ: اي باش تكوني تعرفي
هشام ركب وخش: شوفي
كان بوكس فيه قعماز
اينور: ياحليلي محلاه صغيرونين
يوسف: قالي بابا انا بنكون الكبير اكبر من خوتي التؤام بـ 8سنين
اينور: اي مشاءالله
.
.
مرت الايام جري
وجي يوم ولادة اينور لـ قعدت يوم وهي تتوجع وجابت تاني يوم بس شن لصار
وجابت بـ العملية
وجابت زوز تؤام بنوتة ووليد 🩵🩷
وسموهم وتين وياسين ❤
روحت اينور ودارو استقبال للمواليد ولمه فخمه
وهشام كات خاطفه قلبه البنوته 🩷
هشام روح من الخدم عطول يفيقها ومايشبعش من ريحتها
مرتتت الشهور وصكر التؤام 4شهور
هشام قايم يقين كلعاده: ناضت السمحه
وتين كانت ضعيفه بعكس ياسين
وف التلاته شهور هادم بدت تضعف وتمرض ولم مشو عاينوها رقدوها ف المشفى
مر علها شهر راقده تاعبه صوت مافيهاش لعند ماتوفت وهشام فرحته ولهفته والشوق ليها كله مات معاها بنته كانت غيرر ع ياسين كان اب لـ ياسين بـ وتين غير
توفت يقين
واينور خشت ف حالة اكتئاب انه بعد سنينن حملت
.
مرر لعزي ونوم اينور والصغار كان عند عفاف
والحوش فوق حوسة هشامم لـ كان متعود اول مايخش يمشي لدار الصغار ومقدرش ينزل نهائي لعند ماجي يوم ونزل
لقي اينور وجها دابل قايمه ياسين تهز بيه عشان يرقد ويوسف جنبها يشوف ف ياسين
هشام خش: السلام عليكم
كان جته بدون روح
اينور مقامتش فيه عيونها خدت ياسين وخشت بيه دار هدى بتحطه
عفاف بصوت واطي: خش شوفها راهو ترضع ولا تاكل لا تشرب دابت
هشام خش لـ دار هدى وشاف هدى قدامه تغطي ف ياسين
هدى طلعت
اينور مقامتش عيونها ف هشام قعدت جنب ياسين تمسح ع شعره
هشام: امتى بتروحي
اينور شافتله: علاش؟ عشان نركب نتفرج ع الغرفة المليانه العب ودببه ورديات؟(خنقتها عبرتها) انا نركب دقايق عشان ملابس صغاري ونحس ف روحي بنسمع صوت وتين تبكيلي ف سريرها
وتين لجبتها بعد سنين نحلم بيها 💔
هشام: بلعكس طول السبوع وفاتها مانرقدش الا ووبطانيتها جنبي ز مالـ ماتت بنتك برضو بنتي 💔
اينور قربتله: ف شي ناقصص
هشام طلع وهو مش متحمل حرف لقي قدامه محمود جي واحد برا بيعزيك
هشام طلع وزادت خنقته لم شاف حسن
حسن نزل من السيارة: عظم الله اجركم ان شاءﷲتكون دخر... قاطعه
هشام تفكر كلمته يوم المحكمه: متشمت فيا؟
حسن عقد حواجبه: علاش بنتشمت فيك امس روحت من الحقول وجيتك وتقولي متشمت فيا؟ انت حتى ف حزنك هكي؟
هشام سكت
محمود طلع: خش حسن المربوعه
حسن شاف هشام: لا مانبيش ننلز بعد 5سنين تاني
هشام خش وهو بينفجررر خش حوش بوه ينادي ع هدى
هدى: نعم
هشام بغصه: كسرتلك خاطرك؟ تدعي عليا؟ نكسر ضهري ف بنتي؟ ههادم دعواتك وخيتي؟
هدى بصدمه: انا بندعي ع بنت خوي؟ اتقي الله ف نفسك هشام البنت ز كانت ف حضنك كانت ف حضني
اينور دموعها نزلو قربتله: صح علاش لا ممكن هدا حسابك لانك كسرت بخاطرها وخاطر خطيبها ربي كسر بخاطرك وحرمك من فرحتك
بس ف كسرت خاطرك انا شن ذنبي ننحرم من بنتي؟
.
موتت وتين عضاء وقدر
بس كسر الخاطر برضو مش هين عند الله 💔
