عطوه صلح💔🔞

البارت السادس💗

اسلوبه وياي جان قاسي يحجي وياي بنتر وعياط وابد ميسمعلي كلمه ولايحترم رأيي يعني اني والماكو سوة ..

صح حنين وياي بالفراش بس شنو الفايده ماحبني .. الي جان يسويه وياي واجب وذنب وجان بس يريد يخلص ضميرة من ذمتي واني هم صرت اشوفه تعويد وواجب حتلو اتحضر له مو من گلبي ولا حبا بي ومرات مالي خلگ لو ضايجه ميلح رأسا يعوفني ويطلع من الغرفه ..

جنت كلما اختلي بنفسي لوحدي بالغرفه واصلا اكثر اوقاتي هيج لان اخلص شغلي وادخل غرفتي ولا احد بعد يسأل عني اكلت شربت نمت متت محد اله دخل بيه حالي حال المزهريه ..
مااكللكم جنت اصلي وادعي وكذا لا بس الصلوات المفروضه اسويهه وهايهيه وباقي الوقت لو اقرة جرايد قديمه لو انام لو اباوع تلفزيون واكثر شي انام ..
شكد مر وقت وشكد اعمار ولده وبناته من عمري وقريبين عليه وشكد جنت اسمع سوالفهم وضحكهم وسهرهم سوة .. الولد حنان ع خواتهم والبنات همين شكد حبيت يقربوني منهم بس ابد مصار هالشي يعاملوني وكأني غريبه عنهم منبوذة .. جنت احس بروحي عار لان ميطلعوني اسلم ع خطارهم ولا يسمحولي اختلط بأقاربهم وحته بمناسباتهم ممنوع اتواجد بيهه .. ظليت وحيده وهالشعور موت كل مشاعر بداخلي .. برود وجفاف وصحراء .. جنت احس حياتي فارغه ومابيهه طعم ولا الهه معنى ولا عندي هدف ..

شكد تندمت لان سنوات زواجي مرت واني مسويت طفل يونسني ويملي عليه حياتي احسن من هالفراغ هذا ..

مرت 8 سنوات ع زواجي اقتنعت بعد ماكو رجعه لاهلي وقررت اتقبل حياتي .. حته صورة محمود الي جنت اشوفهه من اكون وحدي واحن لايام خطوبتي وياه شككتهه ماعاد يعنيلي شي ..

قررت اترك حبوب منع الحمل بدون مااكول لام عمار .. اريدلي طفل وتركت الحبوب ..

يمكن 7 اشهر مرت وصار عندي حمل .. مجنت اعرف رغم الشهريه هواي متأخرة بس عاجي تعلمت لان من جنت اخذ حبوب اشهر تتخربط واشهر تنتظم فماكان ع بالي انو اكون حامل ..
بحيث من حللت جنت مخلصه 3اشهر من حملي واني مااعرف ..
من رجعت للبيت وبشرتهم كولهم فرحولي بهذا الخبر .. ماتوقعت هالفرحه تملي عليهم البيت وتغير من النفسيات والجو الكئيب رغم اني وياهم 8 سنوات وحصلت رزاله معدله من ام عمار وابد ماتوطدت العلاقه بيني وبين ولد عباس او بناته ..

بعدين عرفت انو موقفهم هذا كان احتراما لمشاعر امهم واني اعذرهم لان صح مقامي بالبيت اني والماكو سوة وصحيح هي المرة ام عمار جانت زينه وياي بس ابقه ضرة الهه والضرة مرة ..
كل هذا فهمته من كبرت ووعيت .. عمري صار 21 سنه ..

نسيت اگوللكم انو ياسر تزوج قبل عمار وطلع عزل رأسا اجر مشتمل لوحده وبعده بفترة اتزوج عمار وسكن ويانه وزوجته حبابه بس هم اخذت طبعهم وعزلتني ومريم ورؤى هم تزوجن ..

من صرت حامل تدهورت صحه عباس حيل ..
وديناه لكوومه اطباء وكل واحد يحجي شكل يصير زين فترة ويرجع ينتكس ..

مرت اشهر واحنه ع هذا الحال .. وصلت لحملي لنهايه شهر السابع وحالته الصحته حيل تدهورت بحيث نقلوه لبغداد لمدينه الطب طلع عنده التهاب كبد فايروسي بس بمرحله متقدمه كولش يعني واصل للتشمع ..

بقه 12 يوم بمدينه الطب ويوميه يبدلوله دمه .. ورة ال 12 يوم سلم امانته لرب العالمين ..
توفى عباس .. رغم مازرع حب بداخلي تجاهه ورغم عاشرني 9 سنوات بس حيل انكسرت من توفى .. رغم مساوئه بس يبقى هواي احسن من اهلي .. جنت احسه اليه سند وظهر وراحن من مات ..

كملت العزة وجنت بالشهر الثامن ورجعت لاهلي لزمت عده وهماتين علمود اولد ..

كملت ال 9 اشهر وجبت ولد مثل فلعه الگمر ماخذ ملامح ابوه الحلوة وبياض اخوانه والرموش الطويله والعيون السود الواسعه مني ..
سميته محمد رضا .. محمد رضا عباس .. ورة ولادتي اجوي عيالي اخوان المرحوم وولده .. يريدون الطفل مني .. ماقبلت انطيه الهم .. گتلهم اذاتاخذوه اروح وياكم .. ماصرفلهم هذا الحجي بين قوسين ميريدوني مرة ثانيه بينهم .. عافوني وراحوا .. ورة فترة رجعوا بنفس الطلب وجوابي الهم نفسه .. ماانطي ابني .. ابني يتيم اب ليش ايتمه من الام همين واني بالوجود وراسي يشم الهوا حجيت ويه عمار يساعدني وهو قنعهم انو الطفل يبقى يمي اني اربيه بس شرطوا عليه اذا قررت اتزوج انطيهم ابنهم لان من يقبل بزرة يربيه احد غريب ..

صاروا كل شهر لو عمار لو ياسر يجون يشوفون اخوهم وينطوه راتب حقه من ابوه الله يرحمه ابد ماقصروا ع الطفل ..
ومن كبر حمودي شويه صار عمار ياخذه ويا