عطوه صلح💔🔞

البارت السابع والاخير ♥️

وياه للعمارة يبقى ويه اخوانه اسبوع حته يكوم يعرفهم وميستغربهم ويرجعلي ..

عشت يم اهلي ودخلت دورة خياطه وتعلمت اخيط .. جدت شغلتي وصرت اخيط للجوارين وانعرفت .. صح اهله مامقصرين بس اني هم اريد ادلله واصرف عليه من تعبي ولا احب اهلي يصرفون عليه لو يعيروني بأهتمامهم بي ..

اختي تزوجت محمود .. اي .. محمود من بعد مافصخ عقدي اتزوج وطلگ ورجع اتزوج اختي .. اختي نسخه مني تشبهني كولش نفس العيون الوسيعه بس هو اسمن واطول مني بعد .. حياتهم حلوة بس ناقصهم الاطفال .. صارلهم هواي يتعالجون ومدا يصير عدهم طفل .. محمود من اشوفه كدامي يصير عادي .. ماعدت احمله بداخلي مشاعر ماعاد يحرك بداخلي شي .. موذيج تبارك الي كتلت نفسهه بيوم علمود محمود ..

عمري صار 25 سنه وابني صار عمره 4سنوات .. كولش وكح ومدلل .. اني طعجته من كثرة الدلال كولشي يشوفه يريده واني ابد مارفضله طلب لان يتيم واخاف خاف يكبر واذا ارفضله طلب يروح لاهله وهمه يريدوه ..
هسه مدخلته روضه اهليه بس كولش وكح وشالع كلبي ..
هواي ناس اجت تتخطبني .. بكل مرة يجوني خطابه ادخل حرب نفسيه ويه اهلي .. رافضه رفض تام انو اتزوج بس اهلي ديضغطون عليه يريدوني انطي الولد لاهله واشوف حياتي واني ماريد ابني يصير يتيم الاب والام واني عايشه ماكدر بدونه ابني قطعه مني طلعت من هاي الدنيا بي شلون يريدون يحرموني منه ..
لذلك اني من الصبح لليل اخيط ومااهتم بصحتي بس علمود اوفر لابني ولنفسي كل الاحتياجات وماحتاج لمنيه احد والي يوصل لابني من اخوانه كل شهر اضمه ذخر وضمان مستقبل ابني ..
بعد فترة من سكني ببيت اهلي سمعت من اختي كلام انو عمي الي ابنه قتل ابن اخو زوجي الله يرحمه كتب لابويه قطعه ارض باسمه .. يحس بالذنب لان بسبب ابنه ابويه انطاني .. مو القاتل الي تأذى ولا عمي ولا ابويه .. اني الي تأذيت ونكسرت .. كلما اسند نفسي بحايط يوكع هذا الحايط .. مرة الاهل ومرة الناس ومرة حب طفولتي ومرة الزوج ..
بالاخير افتهمت وبالطريقه الصعبه انو اني سند نفسي محد راح يسندني غير نفسي وصحتي والماده ..

عباس الله يرحمه من يوم الي توفى لحد هذا اليوم واني احس وجع بکلبي .. احس اني قصرت وياه بس ارجع واكول لا هو خربلي حياتي ..
ابد ماگالي احبج حته بأحلا اوقات المعاشرة الزوجيه بيناتنه ولا اني عمري سألته ان كان يحبني او لا ..

لهنا وخلصت القصه اتمنى تاخذون عبر منه وشكرا♥️