انتِ بجانبي

تقدر تقولي سر

تقدر تقولي سر
1-كانت بتحبني جداً وانا كنت بحبها كل مره كنت بزعلها فيها وكنا بنرجع يمكن عشان كنت ضامن وجودها بس المرادي مرجعتش

2-عرفت انن بابا بيخون ماما وانا مش قادره اتكلم ولا عارفه اعمل اي

3-سري هو اني بعت كليتي عشان الفلوس ودلوقتي صحتي اتبهدلت وبعاني من فشل كلوي انا عارف ان الندم مش هينفع بس نفسي ربنا يسامحني(ادعولوا فضلاً)

4-بتعالج نفسي بقالي سنتين ومش قادر اخف صحبي مات ع ايدي ومقدرش يتشاهد

5-سر مخبيه ان انا جبان جداً ع عكس ما هو ظاهر جبان اني بقالي اكتر من 6سنين بحب واحده وخايف اقولها

6-امي ماتت وهيا مش راضيه عني

7-سري هو اني عملت حاجات غلط كتير ونفسي ربنا يسامحني انا تعبانه اوي ونفسي ابقا مبسوطه وارجع اصلي تاني(ادعولها ربنا يهديها)

8-عندي ورم نادر... والدكتور قالي قدامك 4شهور وتموت بس عدي خمس شهور مش عارف المفروض افرح ولا ازعل ومحدش من اهلي عارف انا مستني عشان انا تعبت (ادعولو ربنا يشفيه)

9-عندي اعاقه فرجلي ولما حد بيسألني بقوله حادثه والحقيقه انا مولود كدا

10-بابا سابنا من زمان انا واخواتي وامي وكنا ساعات بنام منغير عشا وكنت بشوف امي وهيا بتكتم دمعتها عشان منحسش بحاجه ودلوقتي راجع وعايزنا نعامله كأب بس انا مش قادر اقوله كلمه بابا

11-لو في فتره اتمني انها تتمحي من حياتي ف.. هيا حياتي

12-قبل ما ادخل عمليه القلب المفتوح كتبت وصيتي ولما خرجت قطعتها