انتِ بجانبي

مُهم❤

كتير من الشباب بيعلق طيب إزاي هختار صاحبة دين
الدين أصلًا شيء باطن و لا يعرف الا بالمعاشرة الطويلة

الإجابة ببساطة
تعالوا نتفق أولًا ان دا هو المعيار الصحيح
و الذي أوصانا به النبي صلى الله عليه وسلم (فاظفر بذات الدين تربت يداك)
يعني و ان لم تفعل التصقت يداك بالتراب كناية عن خسارة كل شيء
خلاص اتفقنا
طيب ازاي نجيبها دي و نضمن منين انها ذات دين

اول حاجة الدعاء فالله وحده من يعلم السرائر فادع الله ان يرزقك الزوجة الصالحة و تدعي ربنا يرزقك الزوج الصالح

ثانيًا اصلاح النفس فان اردتها فاطمة فكن عليًا
و دي نقط هامة جدًا و محتاجة مجهود سنين

ثالثاً
أكيد في علامات واضحة للتدين
مش ممكن تكون متدينة و متبرجة
مش ممكن تكون متدينة مبتصليش
مش ممكن تكون متدينة و بتشتغل شغل حرام مثلًا
و كذلك أهلها
معروفين بحسن السمعة و السلوك و الأخلاق
رابعًا
بعد كدا بتدخل البيت و بتشوف تعاملهم معاك و افكارهم و اختياراتهم
و دي فترة مهمة جدًا
كتير من الناس بيغلط و يخلي فترة الخطوبة للحب و المشاعر و بالتالي عينه تتعمى عن التقييم اللي الخطوبة اتعملت عشانه
خليك و خليكي يقظة جدًا في فترة الخطوبة من كل تصرف و من كل اختيار و من كل كلمة بتتقال

هي دي وسيلة التقييم الحقيقية

خامسًا

طيب بعد دا كله للأسف عرفت تخدعني هي و اهلها الفترة دي كلها و بعد الزواج اكتشفت شيء تاني

نادر جدًا ان دا يحصل لو عملت كل اللي فاتت غالبًا في علامات كتير حصلت  و انت تجاهلتها

لكن هنفترض ان دا حصل فدا ابتلاء من ابتلاءات الدنيا زي المرض و الحوادث اللي ملكش ذنب فيها

فيكون عليك الرضا بقضاء الله و الصبر و محاولة الإصلاح ما استطعت

ان فشلت كل محاولات الاصلاح فهتطلق و تسأل الله من فضل و ان يخلف عليك بخير

و خد بالك الآيات

ومن يتق الله يجعل له مخرجًا و يرزقه من حيث لا يحتسب
ذكرت في سياق الكلام عن الطلاق في سورة الطلاق

د.محمد جوده.