انتِ بجانبي

اجمد حاجه تنزل ف الكتاب دا

_  عُمر انا اتجوزت عليك.
= نعم !!
_ والله هو ال ضحك عليا وحببنى فيه.
= انتى عبيطه؟ اتجوزتى ع جوزك ؟!
_ اعمل ايه يعنى دلوقت الله.
= انا لحد دلوقت ماسك اعصابى عنك ومش عايز اخوفك منى ، فاخلصى.
________________.
_ مش هتجوزه، دا ودانه قد بيتنا.
: ما أنتِ هتخلفى قرود من التنمر دا.
_ ماما ، انا قولت انا مش متنيله دلوقت ، انا هكمل تعليمى.
: تعليمك ؟! انتِ بقالك خمس سنين فسنه تالته.
_ بس أسمى بتعلم !
: ابوكِ اتفق معاه ، وجاي بُكره بعد صلاه الجمعه.
_ هما مش كانو بيجو بليل ؟.
: هيصلى الجمعه فالمسجد مع ابوكِ ويرجعو سوا.
_ محمد العجلااااتى !! حرام والله.

سابتنى بتكلم مع نفسى ودخلت المطبخ ، هى طول عمرها اصلا بتكرهنى اهه والله .. اصلا دى مش أمى دى لقيانى ع باب جامع والله !
وبعدين انا مبعترضش ع خلقه ربنا ، لكن انا عاوزه شخص مُثقف ، مُنفتح ع العالم ، بيحب الخروج والسفر ، مش محمد العجلاتى يناس !
دخلت أوضتى فضلت اعيط ع السرير ، هى ليه الحياه ظالمه كدا ؟! هو عشان بسقط يعنى بقالى خمس سنين تعملو فيا كدا ؟!

سمعت صوت خبط ع الشباك  ، اتخضيت وبصيت فالساعه جمبى كانت الساعه واحده وشويه بعد نص اليلل !
قربت بخطوات هاديه وانا حاطه إيدى ع قلبى من الخوف !!
فتحت الشباك ، وبصيت تحت مكانش فيه حد! ايوه حرامى وطالع ع المواسير يعنى وخبط بالغلط ؟!
سيبته مفتوح عشان الجو كان حر والتكيف بايظ ورجعت انام تانى ..
لقيت حد بيشدنى لورا وفجاه رفعنى فوق ، وبيحاول يدخلني فشئ اشبه بصندوق!!

ضرخت بخوف _ فيه ايه ؟ انت مين طيب.
قرب منى حط قماشه سودا ع عينى فكملت _ ولا ولا  انت عبيط ولا ايه انا بخاف من الضلمه.
مردش فكملت _ طيب والله فوكنى ومش هصوت، سيبنى استمتع انا اصلا بحب المغامره.
_ طيب انت موت ولا ايه ؟.
_ انت مين طيب ؟.
_ خاطفنى ؟طلع ليا أعداء وكدا ؟!
_ يعم حرام عليك هو انا ناقصاك يعنى؟!.

تقريباً نص ساعه عدت وانا بترجاه يسيبني فحالى ، فالاخر شال القماشه من ع عينى ، وفتح باب الصندوق وبيقولى انزلى !

_ صَبح يعم الحج  ، هو انت مسطبح ولا ايه.
بصلى : اخرجى دلوقت.
_ هو انا ال شيفاه دا حقيقى ؟!.
: بقولك اخرجى .
_ اخرج فين ؟ أمشى ع الهوا.
: الملك مستنيكِ ومش هينفع نتأخر عليه.
_ مَلك مين  يبنى ؟ انا لو مشيت ع الهوا دا هروح لمَلك المُلك والله.
زقنى مره واحده لبره ، فغمضت عينى وصرخت بصوت عالى،  وسكتت فجاه لما لقتنى موقعتش ، وانى قادره أمشى عادى!!
بصيلته بنبهار _ اييييييه دا ؟!
: احنا ع بُعد 3 خطوات من القمر.
_ من ال ايه ياخويا ؟.
: أمشى ورايا .
مشيت وراه ،وانا مش مصدقه نفسى يارب اكون بحلم ! انا اصلا اكيد بحلم يعنى.
خبطت ع كتفه _ عمو؟.
لفلى : نعم ؟
_ انا فين .
: ع سطح القمر.
_ ههه ، حلوه وبعدين ؟!.
وقف قدام صخره كبيره،  وبصلى : مَلك القمر مستنيكِ جوه ادخليله.
اتكلمت بنبره باكيه _ انا مش ناقصه عبط والله .
: قربى وهيفتح،  دا قصر المَلك.
_ هو دا برنامح رامز جلال ؟.
الصخره دى فتحت ، وابن العبيطه دا زقنى تانى ، دخلت والباب قفل تانى !!
ايوه كل العظمه دى جوه صخره ازاى ؟!.