Unicode
'' ဒေါက် ဒေါက် ဒေါက် !''
လရောင် မိုးမောင် ဆိုသော ထိုလူနှင့် စကားပြောပြီး အိပ်ရန် ကိုယ့်အခန်း ကိုယ်ပြန်လိုက်ပေမယ့် နေရာ သစ်ကြောင့် အိပ်မပျော်ဘဲ လမ်းလေးသာ ထလျှောက် နေလိုက်သည်။ လရောင် ခင်ထွေးတို့ကိုလည်း ကြေးနန်းပို့ရဦး မည် မဟုတ်ပါလား ...။ လရောင် အတန်းပညာတွေမတတ်ပေမဲ့ ခင်ထွေး သင်ပေးခဲ့တဲ့တာကြောင့် စာလုံးပေါင်းသတ်ပုံ လုံးစုံ ပတ်စိ မမှန်ပေမဲ့ အနည်းငယ်တော့ ဖတ်တတ်ပါသေးသည်။
လရောင် မနက်ဖြန် ကြေးနန်းရုံး သွားရန်စဥ်းစားလိုက်ပြီး အတွေးများစွာ နှင့်သာ လမ်းလျှောက်နေလေသည်။ နေရာစိမ်း ဖြစ်တာကြောင့် အသားမကျမှုရော နောက်ဖေးက ထင်းရှုးတောတွေကြောင့်ပါ ကြောက်စိတ် ဝင်လာပြီး တစ်ကိုယ်တည်းမနေရဲတော့ဘဲ မေမေကြီး အခန်း တံခါးအား ခေါက်လိုက်လေတော့သည်။
'' မေမေကြီး ...''
လရောင် မေမေကြီး အခန်းတံခါးလေးကို အသာဖွင့်ပြီး ဝင်လိုက်ကာ ယခုချိန်ထိ မအိပ်သေးဘဲ မျက်နှာကျက်ကို တွေတွေလေးငေးနေသည့် မေမေကြီးကြောင့် လရောင် တိုးတိုးလေးသာခေါ်လိုက်သည်။
'' ဟိုလေ မေမေကြီး ... လရောင် ဒီတစ်ညတော့
ဖြင့် မေမေကြီးနဲ့ အိပ်ပါရစေနော် ''
ကုတင်ပေါ်တွင် ခွေခွေလေး လဲကာ မအိပ်သေးဘဲ တစ်ခုခုကို တွေးတောနေသည့် မေမေကြီးအား လရောင် ထိုသို့ပြောလိုက်ပြီးမေမေကြီး ကုတင်အောက်ခြေရင်းတွင် သင်ဖျူးဖျာလေးအား အသာခင်းလိုက်ပြီး လရောင်ထွေးပိုက်လာသော ခေါင်းအုံးလေးပါ အသေအချာ နေရာချလိုက်သည်။
''အေး......တယ် ''
လရောင် ခေါင်းဦးလေး နေရာချပြီး အိပ်ရန်ပြင်လိုက်တော့ မေမေကြီးဆီမှ ရုတ်တရက်ထွက်ပေါ်လာသောအသံကြောင့် ကြောင်သွားလေသည်။
''အေး......အေး..တယ် ''
ပီပီပြင်ပြင် ထွက်ပေါ်လာသော ဒုတိယ အသံတွင်တော့ လရောင် မျက်လုံးကလေးပြူးကာ
'' မေမေကြီး အေးလို့လားဟင် ''
လရောင် ရုတ်တရက် ထလိုက်ပြီး မေမေကြီး အပါးကပ်ကာ စောင်လေးအားဆွဲခြုံပေးလိုက်ပြီးမေးလိုက်လေသည်။
BINABASA MO ANG
လရောင်ဖြာမှ...အေးသောကြောင့်(လေရာင္ျဖာမွ...ေအးေသာေၾကာင့္)
RomanceUnicode '' ကံကြမ္မာဆိုတဲ့ အရာတောင် အသက်အတွက်ဆို ပြောင်းပြန်လှန်ပစ်မှာ မို့ မောင့်လက်ကိုသာရဲရဲတွဲထားပါ အသက်ရယ်'' Zawgyi '' ကံၾကမၼာဆိုတဲ့အရာေတာင္ အသက္အတြက္ဆို ေျပာင္းျပန္လွန္ပစ္မွာ မို႔ ေမာင့္လက္ကိုသာရဲရဲတြဲထားပါ အသက္ရယ္''
