လရောင်ဖြာမှ...အေးသောကြောင့်(လေရာင္ျဖာမွ...ေအးေသာေၾကာင့္)

အပိုင်း (၁၆)

'' ဘယ်လို ကိုကိုကျော် ကိုမိုးမောင်ရဲ့သား
သစ်ဦးဟာ မေမြို့ရဲ့ မြို့အုပ်မင်း ဟုတ်သလား ''

ရန်ကုန်မြို့ရှိ ရတနာကျော်စံအိမ်ကြီးအတွင်းမှ သူဌေးကတော် ဒေါ်မာရင်မြင့် ၏ အသံသည် ဧည့်ခန်းတစ်ခုလုံး ဟိန်းထွက်နေလေသည်။

'' ဟုတ်တယ် မြင့် ကိုကိုကျော် လည်း သိသိချင်း သိပ်ကို အံ့သြသွားတာ ။ တော်သေးသပေါ့ သမီးမော်လီကို မလွှတ်မိတာ ''

'' အို တကယ်သာ ဆို လွှတ်လိုက်ရမှာ ''

'' ဘာတဲ့ မြင့် ။ ဘယ်လို ''

'' လွှတ်လိုက်ရမှာ ကိုကိုကျော်ရဲ့ တကယ်သာဆို မြင့်တို့ကသမီးမော်လီကို လွှတ်လိုက်ရမှာ။ သမီး မော်လီဟာ ထက်မြတ်တယ်။ လှတယ်။ သမီးမော်လီကိုသာ လွှတ်လိုက်ရင် သေချာပေါက် သဘောကျမှာပဲ။ အဲ့အချိန်ဆို မြင့်တို့လည်း သမီးမျက်နှာနဲ့အလုပ်လုပ်ရတာ အဆင်ပြေမယ်။ သူက သီပေါက စော်ဘွားတွေအထိပါ မိတ်တွေရှိတော့ မြင့်တို့အတွက် သာလို့တောင်ကောင်းသွားသပေါ့။ မဟုတ်ဘူးလား။ ဘာလို့များအစောကြီးကတည်းက မြို့အုပ်မင်းမှန်းမသိရတာလဲ။ ဒါဟာ ကိုကိုကျော် လိုတာ။ အစကတည်းက သေသေချာချာ စုံစမ်းရမယ်မဟုတ်ဘူးလား။ ခုတော့ ဟို ဘာမှ သုံးစားမရ၊ နုံနုံအအ လရောင်ခင်ကို လွှတ်လိုက်တော့ ဒီလိုတွေဖြစ်ပြီပေါ့။ ''

'' နို့ မြင့်ပဲ လွှတ်ချင်ခဲ့တာမဟုတ်လား။ ''

'' အို ဒါကတော့ ဒါပေါ့ ခုတော့ မြင့်တို့ ဘယ်နှယ်လုပ်ကြမတုန်း။ ပြန်ခေါ်မလား အဲ့ကောင်လေးကို''

'' ပြန်လွှတ်မယ်မထင်ဘူး။''

'' အို ကိုယ့်အိမ်ကလူ ကိုယ်ပြန်ခေါ်တာပဲ ဘာခက်တာမှတ်လို့။ ''

'' နေပါအုံး မြင့်ရယ် ကိုကိုကျော် ကြံပါဖန်ပါအုံးမယ်''

ဧည့်ခန်းထဲမှ သခင်ကြီးနှင့် သခင်မကြီး၏ စကားများကို ခင်ထွေး အမှတ်တမဲ့ကြားကာ မျက်ခုံးတွန့်မိလေတော့သည်။ ဘာတွေများ လုပ်ကြအုံးမလို့ပါလိမ့်။

>>>>>>>>
<<<<<<<<

'' 🎼🎼ချစ်တာကိုလေပြောပြစမ်းချင်တယ်..ခင်ယုံကွယ် ကျိန်စာမောင်ပြုပါမယ်...
ကြိုက်တာကိုလေ ပြောပြစမ်းချင်တယ် ...ခင်ယုံကွယ် ကျိန်စာမောင်ပြုပါ့မယ်..ချစ်လို့ရယ် သက်ဆုံးပေါင်းဖို့ရွယ် မောင့်ရဲ့ အသည်းနှလုံးကို ခွဲပြချင်တယ်...လှသူဇာနွယ်ချောလည်း ချောပေတယ်...ချစ်ခြင်ဖွယ် ကိုကိုရှောင်ရှားမရတယ်...🎼🎼🎼🎼''