سعاده لمدة ثلاث شهور!

٢

=========================
بعد مارجعو البنات
جت صبا توري نجلاء أغراضها
صبا:ومانسينا جميلتنا وشرينا لها هالطقم وهالفستان الأحمر .
لبسو البنات وتجهزو  وفي العاده بدون ماتتكشخ كثير كانت فارقه بين خواتها بجمالها قرت إذكارها وحصنت نفسها وحصنت خواتها معها
وجاء سالم يطقطق عليهن وهن يلحقنه!
وصلت ام نجلاء وبناتهاالحفله وكانت نجلاء في قمة الاناقة والأنظار كانت عليها من جمالها لفتت الأنظار .
سلمو على الكل بدون نقصان
نجلاء:صبا شرايك نروح داخل نشوف أشكالنا ؟
ام نجلاء :لاتتاخرون
العنود :انا معكم بعد
دخلو البنات يشوفون اشكالهم داخل وقالت نجلاء انها تبغى دورة المياه وطلعو خواتها وهي راحت للدورة المياه فوق.
بعد ماطلعت سمعت صوت رجال!
ورجعت دخلت بدورة المياه وهذا شوي وبعدين طلعت يوم اختفى الصوت
ومن جهة ثانيه————>
.
.
.
اليوم ملكتي ماكنت مرا سعيـد لان ألعروس مختاره من قبل الوالدة وماكنت ابي اكسر كلمة امي وتزوجت ولانني وحيدها قالت انها تبي تزوجني  بنت خالتي  اسماء
وماكنت راضي مره عليها بس سمعت كلام امي وقررت أتزوجها .
دخلت انا وولد عمي   طلال لغرفتي فوق واخذنا أغراض اول ماجينا بنطلع
شفنا !
هاذيك البنت الي زينها ينطف شفتها وعجزت ابلع ريقي ضاعت علومي! طلال:اولهه
ناظرت وشفت  طلال. نفس الحاله الي انا فيها حسيت شي بداخلي
قلت طلال غض البصر!
وسكرت الباب بقوه.
.
.
قلت اختفى الصوت خليني اطلع بس ماكان معي شي لا طرحه ولا عبايه! وطلعت سريع
اول مانزلت من الدرج سمعت باب صكر بقوه ولفيت بسرعه من الخوف وطحت !
من على الدرج !
ام نجلاء :ي بنات وين اختكم؟
العنود:قالت لنا انها تبي دورة المياه وللحين ماجت!
.
.
طلال:تمام خلاص انا بروح وانت جيب الأغراض
عبدالملك:طيب
رجعت ودخلت شفت البنت مره ثانيه !
بس هالمره كانت طايحه بالارض ناديت امي وجات تركض
عبدالملك:يمه هاذي منهي؟
ام عبدالملك: يويلي هاذي نجلاء شبلاها  ياحبيبي خلينا نوديها المستشفى
انتظرني اجيب عباتي .
.
ركبنا السيارة وعلطول ع المستشفى
وكويس ان امي خذت عبايتين وحده لها وحده على البنت اخذتها من السيارة ورحنا ع قسم الطوارى
اتصلت امي بأمها وفي غضون دقايق الا هي واصله .
——-ام نجلاء——
اول ماتصلت فيني
ام عبدالملك وانا في في بيتها قلت انها تحتاج شي ورديت وقالت لي  عن نجلاء واتصلت على ابو عبدالله وارسلي نواف ورحنا للمستشفى والحمد الله كان قريب
ام نجلاء :يمه وين بنتي!
نواف :هدي من روعك ياعمه
طبعاً كان عبدالملك مايعرفهم بس كان يسمع عن ام نجلاء صديقه امه بس مايعرف ابو عبدالله وعياله!
بعدين جات الممرضه فز عبدالملك وراح لها
وبعدين  جات ام نجلاء ونواف
الممرضة:الحمدالله البنت بخير بس اثر السقوط كان على رأسها وعشان كذا عمى عليها  وكمان طاحت على كفها وانكسر كفها بس الحمدالله بسيطه
ام نجلاء :الحمدالله
نواف :طيب يعني عادي أمها تدخل تشوفها؟
الممرضة :ايوه احنا كتبنا لها خروج
ام عبدالملك:الحمدالله وخطابكم السوء يام نجلاء
نواف:جزاكم الله خير الا ماقلتو لي كيف طاحت نجلاء؟
عبدالملك:انا جيت ولقيتها عند الدرج مغمى عليها وناديت الوالدة وقالت نوديها المستشفى
نواف:اها
جاء ابو عبدالله وبناته
ابوعبدالله:انت الي كنت مع نجلاء
عبدالملك :ايه انا الي جبتها هنا
نواف:ماقصرت .
——-نواف——-
جو البنات العنود وصبا ومعهم عبايه
لنجلاء دخلو عليها
جيت مسرع ولا لقيت لا صبا ولا العنود!
في الغرفة ماكان فيه الا نجلاء والصدمة انها كانت تبكي ويدها ملفوفه!
نواف:نجلاء شبلاك وراك
نجلاء :مافي شي
ومسحت دموعها بسرعه
وكلنا نعرف نجلاء انها ماتحب احد يشوفها وهي تبكي!
نواف:طيب طيب خلصي البسي عباتك
.
.
لبست عباتي وتحجبت وطلعت
كان الي برا امي وعمي وخواتي ونواف
وام عبد الملك وولدها
نواف:لما طلعت كانت متحجبة وحاطه كمام ش الفايده؟
قربت من عندها وقلت غطي عيونك وصكي عباتك
نجلاء:لا
وبكل بساطه قالت لا!
ناظرت فيها بنظره حاده عشان تتغطى بس مانفع معها شي عنيده!