سعاده لمدة ثلاث شهور!

٩

:::::
واسماء الي مازالت تبكي وتفكر وهي تقراء خواطر وكلام عبدالملك وماحست انه مو لها غير الحين!
-‏على بابك عزفت الشوق بغيابك
‏على الموعد حزن غنيت ولاحنيت
وتصيح كل ما قرت شي وتعرف ان عبدالملك
شاعر وكتابته ترد الروح
وكاتب نهاية الكتاب كلمات ضاقت صدرها زياده
-عرفتك صدفه وصارت اغلى ماعندي .
-العـــمــر مــ يســــوا بدونــــك دقيقه
"اشغلوك الناس عني ياملاك
وانت قبل اليوم م تقوى البعد
جيت اجرب بعدك اشغلني غلاك
واثر قلبي يحسب الوقت بعدك
وش حصلك وش جرا لك وش بلاك
وش تعذر وش تقول ووش بعد
قلبي اللي باع غيرك واشتراك
وعن هوى غيرك تنحد وابتعد "
عبدالملك لما كتب هذا الكلام كان كاتبه من قلب
وكان حبه لنجلاء كبير وصدق
ان حب الصدفه حب لانهائي
()
بعد ماعرف الكل بسالفة الأستاذ بدر
الي غير اسمه من صالح الى بدر بسبب الظروف
ولكن نجلاء أخذت شنطتها ومشت بدون اس ردة فعل غير انها دموعها نزلت
ابو نجلاء تنهد تنهيده قويه وكاِن انزاحت همومه
ابونجلاء:يا عبدالملك رح وراها لا تتركها
عبدالملك وقف بصدمه :ابشر
—
اسماء وهي تقراء الكتابات تزيد حقد لنجلاء
وقررت انها تروح بيتها وتوقفها عند حدها
اسماء :منيف ممكن اطلب منك طلب؟؟
منيف:طبعاً
اسماء :الصراحه ودي اروح لنجلاء
ومنيف صار يعرف كل شي عن نجلاء لكن كان وده يعرف أشياء أكثر واسماء تعرف ان منيف معجب لنجلاء وقال :تمام
عــنـد نجلاء الي طلعت مع السائق وعبدالملك وراها بالسيارة ..وصلت البيت ونزلت بسرعه وعقلها مليان افكار مشوشه دخلت لقت العنود لحالها وكانت الساعه٢:٥٠في الظهر
العنود:بسم الله عليك وش فيك؟؟
نجلاء بكت لما شافت العنودحاولت تمنع دموعها لكن ماتحملت المواقف الي صارت معها وصدمتها لما عرفت ان مدير الشركه هو ابوها!!
جلست نجلاء تحكي للعنود بكل شي من الألف الى الياء
والعنود كانت منصدمه!
العنود:يعني صدق عمي حي!؟
نجلاء:العنود انا ماكنت اعرفه من يوم وانا صغيره ولا مره شفته لا صورة ولاشي وهاذي كانت صدمتي انا بنيت نفسي بنفسي وجراحي انا عالجتها ومحد ساعدني
فجاة يطلع واحد ويقول انا ابوك!
العنود:انا لو منك تفاهمت الوضع وانتي قلتي ان كان له ظروف وهو بعد بنا نفسه بنفسه وهو بعد صار له مواقف محد يعرفها غيره انا أقول سامحيه وعيشي الي ماعشتيه بطفولتك معه راح يعوضك عن كل شي
كلام العنود لامس قلب نجلاء '
نجلاء:الموضوع يبي له تفكير
العنود:والله لا يبي له تفكير ولاشي  بعدين...
طق الباب بقوه والجرس يرن كذا مره
نجلاء:بسم الله!
العنود:اكيد سالم خليني افتح
فتحت الباب العنود وكانت على الباب اسماء!!
اسماء: ناظرت في العنود وقالت وينها نجلاء ؟
العنود:من انتي؟
اسماء :أقول وين نجلاء الي مسويه حالها فاتنه وتغري رجالنا اذلفي ي البزر وناديها
العنود:خير انتي اقطعي لقطع لسانك
ودقتها اسماء ودخلت
اسماء بصوت عالي:يانجلاء اطلعي طلعت روحك
ونجلاء طلعت وعرفت اسماء وقالت ببرود
:شجايبك؟
وكان منيف يراقب من وراء الباب ومايشوف الا العنود وأخته
منيف:اوف حتى أخت نجلاء صاروخ.
اسماء قعدت تهدد نجلاء وتسبها وتشتمها ونجلاء تسمعها ببرود  لكن العنود ماتحملت كلامها وهي واقفه جنبها مسكت شعرها وشدته بقوه واسماء قعدت تصيح اتركيني،فكي شعري
العنود:لا حبيبتي انا مو هينه ترا والي يغلط على نجلاء غالط علي وانا ماسكت عن حقي وإذ نجلاء سكتت مو عشانها ضعيفه عشانها موادها تخرب تربيتها معك لكن انااخربها واقطع شوشتك وإذ رجالك مايبيك هذا من قلة جمالك والرجل عايفك
وأخيراً تركت شعرها
ونجلاء تضحك من الموقف الي صار
العنود:انقلعي لأتشوفك عيني يا***
يوم قال منيف كلامه الا في واحد ماسكه من رقبته
:خير يالحبيب
منيف : انت الي خير؟
:ان شاء الله خير وعطاه كف نساه وش كان يقول 
خلف:انت ماتستحي تصبر على محارمنا !؟
ومنيف وقف بصدمه الى ان طلعت اسماء
وهي مكفخه ورايحه فيها اسماء :والله ماخليكم بس اصبرو علي وشافت ان اخوها مكفخ ومذبوح بعد انهبلت يوم شأفته
اسماء:يويلي منيف ياخوي فيك شي ؟
وركبو السياره ومشو وخلف يضحك على حالهم
دخلت نجلاء وهي مازالت تضحك على كلام العنود
وطق الباب مره ثانيه
العنود :طق الله راسك لا واضح انك تبين تنذبحين مره ثانيه
وفتحت الباب بقوه شافت خلف واقف مبتسم
العنود:بسم الله
خلف:شايفه جني!
ارتاحي صدقيني مابي انذبح زي الي قبل شوي
العنود:وانت تراقبنا؟!!
خلف :والله مو انا الي اراقبكن اخوها داخله عيونه معكن وقمت وفقعتهن وماقصرت معه مثل مانتي ماقصرتي مع اخته يعني طقيته طق وخربت تربيتي !
وبعدين صراحه ماقصرتي معها كفو عليك
والعنود تناظر فيه بدهشه يعني سمع كل كلامها!
والعنود ابتسمت :حياك تقهوى عندنا
خلف :لا لا دام فضلك بس جيت اتطمن عليكم على فكره عبدالله قالي انه راح يجي اليوم
العنود:صدق؟
خلف :اي والله قالي  يالله بروح تبين شي
العنود:لا سلامتك
خلف :الله يسلمك ياعيني
—وكان عبدالملك يتصل على نجلاء وماترد !
—ومن جهة ثانيه سلطان الي كان سعيد ان زوجته ولدت وجابت بنت "رشا"
وصار وده يبشر الكل اتصل على اخته وجدان
سلطان:ابشرك صرتي عمه
وجدان:في ذمتك ..مشاء الف مبروك ياحبيبي تكبر في عزك
سلطان:الله يبارك فيك
وجدان:كيف اماني ؟
سلطان:بخير اللهم لك الحمد
وجدان:ياربي الفرحه مش سيعاني الحمدالله على سلامت أمها
سلطان :الله يسلمك ..ها ماودك ترجعين المملكه اشتقنا لك
وجدان :ان شاء الله قريب

اما وجدان
طبعاً هي أخت سلطان الوحيدة هي في مبتعثه في امريكا وناجحه جداً واهم شي عندها الأعمال ونجاحها شخصيه ايجابيه بشكل مو طبيعي
:::::
بعد المغرب وصل عبدالله وعياله واخوانه وزوجته "تسنيم" سلمو وجلسو يعالجون الشوق
عبدالله علم نجلاء عن موضوع ابوه
ونجلاء علمته عن موضوع ابوها وكانت الصدمه في وجيهم
نجلاء:مستحيل ي عبدالله عمي صار كذا !!
عبدالله:انتي صارت معك كل هاذي الأحداث ولا قلتي لي  شلون عمي حي!!
والعنود بينهم تبكي..
.
.