سعاده لمدة ثلاث شهور!

٤

.
.
مستحيل  لازم اروح لها لازم اتطمن عليها
لازم أشوفها
وانا جالس وأفكر هي الي جت لي وانصدمت!
نجلاء:سلام
عبدالملك :اا هلا وعليكم السلااام
ت تفضلي
——
قلت لازم اروح اشوفه احس نواف ماقصر معه بالكلام وبروح اعتذر له وأشوف حاله
ودلتني ممرضه اسمها "شهد "عليه بس كانت نظراتها وحركاتها توتر
اول ماشفته كان جالس يكتب
نجلاء :كيفك؟
عبدالملك :انتي الي كيفك بعد امس عسى ماتعورتي
نجلاء : صارت عاده بالنسبه لي.
عبدالملك :الى متى بتسكتين عن حقك
انا حتى راح اجيب لك صديقي المحامي بس تأخذين حقك منه
نجلاء:تصدق ودي ادخل القانون وأخذ حقي من نفسي
عبدالملك:والي مع نواف مين؟
-وهنا سردت له كل شي وطلعت كل الي بقلبي ل هل الإنسان
حسيت انه كان المفتاح لكل الي بقلبي
"ارتحت له"

تصدقون انها فتحت قلبها لي قالت لي كل شي
فضفضت لي
"وارتحت لها "

في صباح اليوم الثاني طلعت ورجعت ومعي ورد لها
وكتبت
(صباحُ الخيرِ يا خيرًا أصاب القلبَ , وأكثَر )

ابتسمت وابتسامتها داوت جروح
لكن ماراح اشوف هاالابتسامه كل مابغيت
يشهد علي ربي انها بسمة غاليه

ورجعت لشغلي

ومن جهة ثانيه
——>
"اماني"
وحده جميله وكل الشباب معجبين فيها
فيها لكن هي تتعالج عند دكتور نفسي بسبب المعجبين الكثر وتعاني من مشاكل كبيره
طلعت مره من عند الدكتور    عماد
وانا شوي سعيده من كلامه لي ..
لكن المفاجئه كان سلطان يراقبني وانصدمت لما قال
سلطان:اماني شلونك
اماني :انت من وين طلعت لي
سلطان:وجدان قالت لي انك هنا تتعالجين وقلت خليني اتطمن عليك
اماني:سلطان من انت عشان تتطمن علي انت ناسي ان العلاقه بينا انتهت !!!
سلطان :انا مو راضي أنساك ي اماني.
اماني: سلطان انا قاعده أتعالج بسببك وسبب امثالك اتركوني بحالي ياسلطان خلاااااص
صحت من كثر التعب نسيت كلام الدكتور بثانيه وأغمى علي.
.
.
كنت أراقبها من بعيد وكل مكان تروح له كنت معها وين ماتروح اروح وراها اشوف وش تسوي وش تأكل وكيفها حتى اني قررت أقابلها اليوم بعد طلاقنا بـ٤شهور وكلمتها وصارخت وطاحت واغمى عليها

سلطان :اماني بسم الله عليك
ومسكتها بسرعه ودخلت ع المستشفى
الدكتور:المريضه الحمدالله كويسه وكمان الجنين تمام
سلطان:انا مانصدمت لاني كنت عارف انها حامل بس هي ماخبرتني ولا قالت شي
طبعاً أقول لكم اني كنت أراقبها كل شوي وعشان كذا انا عارف
لكن انا منصدم ليش ماقالت لي
طول ال٤شهور!!
ورجعت لها
سلطان :الحمدالله ع السلامه ماتشوفين شر
اماني :الله يسلمك ....سلطان
سلطان:عيونه
عم الصمت في المكان
سلطان:ها اسمعك وش كنتي بتقولين ؟!
اماني : اااا انا ا.... كنت بقولك شي من زمان بس ضميري ماسمح لي اسكت اكثر من كذا
انا صابتني نفسيه وماقدرت أقول لك
سلطان انا حامل ولي اربع شهور.
سلطان :يعني كان واضح عليك الإرهاق وشدة التعب حتى بطنك وانا مدرك الوضع من زمان وعشان كذا حبيت نتقابل مره ثانيه حبيت نعطي أنفسنا فرصه حبيت نعطي طفلنا فرصه
اماني:شلون يعني انت عارف اني حامل؟!
سلطان :ايوه وأبغى ارجعك على ذمتي يااماني
لحظه صمت،
"سالم"
اخو نجلاء
الي اصغر منها بسنتين واحد مشكلجي ويحب العناد
هو وأمه راحو يجيبون نجلاء من عند المستشفى
بعد مارجعو,
ابوعبدالله: سالم يلي ماتستحي على وجهك ويجلد سالم
.
.
ومستحيل مايجي يوم الا وعمي لازم يضرب سالم حتى نواف مايخليه بحاله امي  تصيح تصيح بس لا احد يسمع صار روتين يعني..
قبل اسبوعين كلمت نواف وقلت اني بدخل الجامعه
؟؟؟؟؟؟؟
نواف : وليش تدرسين أصلاً؟!
نجلاء: شفيك باقي كم شهر واتخرج من الثانوي المفروض تساعدني وتبارك لي وانت تقول ليش؟!!!
نواف:ازعجتينا بتخرج بتخرج كاِن مايتخرج غير انتي! وانتِ عارفه ان كلامي واحد مايتغير
نجلاء:ماراح اسكت لك ي نواف

نواف كان واحد يحطمني أصلاً مالقيت احد يعزز لي
...
تعرفت على صديقه إلكترونيه كانت معي قلباً وقالباً وكانت أكبر مني 
وكلمتني وقالت يقابلك وكلمت سالم وطلعنا
قابلت صديقتي "بشاير"
وكنت سعيده بشوفتها وتبادلنا الهموم .
***

بنت عمرها ٢٢سنه ومتزوجة افضل رجل في العالم بالنسبه لها  وحياتها مقاربه لحياتي
إنسانه طيبه جداً وعلى نياتها
ابوها متوفي لما كان عمرها سنتين
وتشكي لي لانها كانت تعيش مع خالها وزوجته وامها بالنسبه لها  ولا شي وعايشه حياة حلوه مع "سعود" واهم شي ان زواجها كان عن حب
التفاصيل...

لما تخرجت بشاير من الثانوي كانت تبي تدخل الجامعه بكل حماس بس ماكان في احد يدلها أو يساعدها لكن شالت نفسها بنفسها زي كل مره
كان هذا اول يوم بالجامعة كان بالنسبه لها اصعب يوم بحياتها راحت الجامعه وهي ماتعرف اي احد هناك ولا تدري وش راح يصير  معها
كل الي سوته توكلت على الله ومشت راحت تسال وتتمشى في الجامعه. تشوف شباب وبنات    لانها جامعه لها مختلطه  في مبنى خاص بالشباب ومبنى خاص للبنات ولكن مقابلين بعض  وكانت سعيده وخايفه بنفس الوقت ومع مرور تعرفت على
سعود "الدكتور"
—
ماعمري حبيت طالبه أو بنت هالكثر صارت تهمني صرت اهتم فيها  طول هالسنين وانا احبها واتواصل معها كثير
وأحب اذكرها بكل شي وجاء اليوم الي اعترفت بحبي لها وقلت ابيك بالحلال وقالت لي عن أهلها وان مافي احد يهتم.
ولكن قررت اخطبها من خالها
سعود :وان مالك أهل انا هلك وصدقيني يهمني تكونين معي  وانا احبك وشاريك
"وجودك يجعل كل شي بخير حتى انا"
.
.