سعاده لمدة ثلاث شهور!

١٠

نجلاء:مستحيل ي عبدالله عمي صار كذا !!
عبدالله:انتي صارت معك كل هاذي الأحداث ولا قلتي لي  شلون عمي حي!!
والعنود بينهم تبكي..
على حالة ابوها
—
كلم ابو نجلاء فواز وقاله ان وده يروح لهم ويتطمن على حالهم
اول ماوصل طق الباب
وكانو مجتمعين كلهم نجلاءوالعنود وسالم وعبدالله وصبا وفجر ونايف وزوجة عبدالله وعيالها
سالم :نايف شوف من عند الباب
العنود:لايكون خلف!
عبدالله:الحين صار خلف فوبيا
وكلهم يضحكون من العنود.
نايف فتح الباب وأول مافتح كان بوجهه ابو نجلاء
ابو نجلاء:وين بابا؟
وطبعاً ماكان يعرف ان نايف اخو نجلاء
ولكن صالح ابونجلاء اعتقد انه من عيال عبدالله
نايف :يناظر فيه وهو ساكت بابا راح
ابونجلاء:ي أهل البيت
وفز عبدالله اول ماسمع صوت الرجال
عبدالله:هلا تفضل وش بغيت؟
ابونجلاء عرف انه عبدالله وابتسم له انت عبدالله ؟
عبدالله :وصلت اي خدمه؟
ابونجلاء :لا حبيبي ماتقصر والله تغيرت وكبرت صرت رجال وانا عمك
عبدالله :ناظر فيه انت عمي صالح؟
ابونجلاء:وصلت اي خدمه
تقدم له عبدالله وضمه ضمت اشتياق
عبدالله:والله ان الشوق جابك
قام سالم وشاف عبدالله يضم واحد
سالم:وش فيه
ابتسم له ابونجلاء:مشاء الله هذا ولدك
ضحك عبدالله وسالم مع بعض
سالم:لا يالخوي انا اخوه
عبدالله:هذا اخوي وأخو نجلاء
ابونجلاء:أسالك بالله
عبدالله :اي والله ي سالم سلم على عمك وأبو اختك
سالم توسعت عيونه من الصدمه وقال بصوت عالي :احلف؟
وانتبهو على صراخه البنات وجو يركضون صبا والعنود ونجلاء وفجر راحت معاهم وهي ماتدري ايش السالفه؟!!
ناظرت فيه صبا بفرح وقالت تو ما نور البيت ياعمو وجات ركضت له وسلمت على رأسه وضمته
سالم :ياخبله لاتمونين ماتعرفين عمك انتي!
صبا :ايش دخلك ؟!
العنود بهمس:شوفي انا عن نفسي بروح اسلم عليه وترا هو جاي علشانك ف سامحيه عشان خاطري
ابونجلاء:مشاء الله انا لازم أتعرف على العائله بشكل كامل
صبا :الله يعينك من كثرنا
وضحك الكل من تعليقات صبا
وجات العنود وسلمت على عمها
ومن بعدها جاء هو لنجلاء:شلونك يبه
نجلاء:تمام بخير
وسلم على رأسها وقال الله يخليك لي
وهنا كانت هاذي اللحظه مليئه بالمشاعر😩✨.
وفي اليوم الثاني ابونجلاء بنفسه وصل اخوان نجلاء لمدارسهم
اول ماوصلت العنود للمدرسه كانو البنات يناظرونها ويتهامسون
لما وصلت وجلست مكانها
:اما عاد ي العنود عرسك بعد3ايام وجايه؟!!
العنود:مب شغلك
:تمام ي قاصره لاتزعلين
والعنود فهمت نظرات البنات بلعتها وسكتت وفي اخر الدوام طلعت منفسه وحزينه على وضعها
لكن شافت خلف قدامها واقف بعرضه وطوله شافت وحده من المعلمات الكريهات  مرتزه عنده!وهو واقف مع ورد
لما شاف العنود معصبه منه استغرب
خلف :وش فيك خذا وانا جايك ومتعني وجايب ورد ولاحتى تبتسمين بوجهي !
العنود:خلف خلاص يكفيني البنات الي بالمدرسة يطقطقون علي من صباح الله خير ياقاصره ياقاصره ورجالك كبر ابوك ومدري ايش وصلني البيت بس
خلف:طيب انتي معليك منهم وانا أقول ياخذك ونروح نتغدا بطعم ونتونس
العنود:خلف وصلني البيت
وهي تبكي وتمسح دموعها عجزت أتحمل دموعها صح كانت كاتمتها لكن لما جت عندي انفجرت
وصلنا ألبيت قلت طمنيني عليك ونزلت بدون اي كلمه وتركت الورد مكانه!
:لاحول ولاقوة الابالله اكيد أخذت على خاطرها الحين وش يرضيها؟ 'وتنهد بضيق'
اما عند نجلاء كان  دوامها في شركة ابوها شي يطمن  حتى انها جت معه وكان عبدالملك سعيد بعلاقتهم شافت سلطان وباركت له بنته وكان سعيد جداً
سلطان :الله يسلمكم يارب
بعد يومين^^
نجلاء اتصلت على عبدالملك وخبرته انها
تطلقت من نواف وكانت سعيده لكن الأكثر  سعاده منها هو عبد الملك .
وبعد شهرين عبدالملك خطب نجلاء .
وقرر ابو نجلاء يسوي حفله جماعيه في بيته ويعزم كل الأحباب والأقرباء والحبايب
وطبعا كانو سعداء لان نجلاء تحررت وهما بعد تحررو من تعقيد نواف ومشاكله
طبعا وصلو اغلب المعازيم
وصلو بشاير وسعود
وسلطان وأماني وبنتهم معهم
سلطان :ي ابو نجلاء ترا اختي تو رجعت السعوديه وناديتها عندك
ابونجلاء:حياها الله
اما العنود اشتكت لعبدالله  وعمها ابو نجلاء همها وقالو الي تبينه يصير وكلمو خلف ووافق يأجل العرس
في يوم الحفله؛
العنود وهي بالمطبخ تشرب مويه ولا تفكر بشي وكانت لابسه فستان ابيض لتحت الركبة  وظهره مفتوح ورابطه شعرها لفوق وكان شكلها يفتن!
لكن للأسف ان كان في اتفاق بين أشخاص انهم يداهمون بيت ابو نجلاء لانه تاجر وعنده شركات
كانو ثلاث أشخاص طب واحد من الحديقة الخلفية وكان في نور ساطع جاي من المطبخ واشر لهم يجون
لكن لما دخلو كان في وحده واقفه عند الثلاجه
:اسكتو بمسكها
:طيب اخلص
:اوف هاذي وحده من الغنايم
العنود شافت انعكاسهم في الثلاجه تجمدت وماعرف ايش تسوي لكنها شخص ذكي ورمت الكاس الي معها بقوه على الأرض
ابو نجلاء:كان يسولف ومسعى صوت شي انكسر
عبدالله:صبا شوفي من الي داخل
صبا :العنود
خلف :يعني هي بس لحالها
صبا:اي
خلف:اسمحو لي بدخل أشوفها
ابونجلاء:البيت بيتك.
العنود:تماسكت نفسها وجلست تشيل قطع الكاس وتسوي نفسها ماشافتهم وهي ترجف أساساً
رن الجرس ورجعو الثلاث أشخاص لبرا في الحديقة الخلفية وتخبو
دخل خلف على العنود في المطبخ وشافها جالسه تشيل الكاس المكسور
خلف تنحنح
ورفعت العنود نظرها له وهي خايفه وماقدرت تتحمل نفسها اكثر ومسكت يد خلف وطلعت من برا المطبخ
العنود:كنت عارفه ان في احد بيجي
خلف: ليه وش فيك؟
العنود:والله شفتهم بعيني يتخلف ثلاثه ورا في الحديقة الي ورا مدري شيبون
خلف:صادقه؟ فيك شي
العنود:لا لا ماقربوني وهم شافوني كنت معطيتهم ظهري أساساً بس شفتهم من انعكاس الثلاجه وخفت
وخلف وهو يناظر ظاهرها :شافوك؟
العنود :شوف لهم حل اي شافوني !
خلف:طيب
وطلع خلف والعنود لبست عبايتها وطلعت وراه
فتحت صبا الباب وكانت في بنت قالت :هاي انا اا وجدان هذا بيت ابو نجلاء؟
صبا :اي حياك تفضلي
وجدان:ثانكس.
وصبا ابتسمت لها
ودخلت وسلمت على سلطان وأماني والبنات وجلست فجاءه جاء خلف وقال :عبدالله يقولون فيه احد بالحديقة الخلفية اروح نتأكد وقام عبدالملك معاهم
وجاء خلف من عند المطبخ الي يفتح على الحديقة الخلفية  وعبدالملك من الباب الخلفي وعبدالله هجم عليهم وكانو جالسين وفتحو الباب الخلفي لكن في وجههم عبدالملك لما شافهم قال :أهلاً وسهلاً
وعبدالله مسك اثنين وثبت واحد والثاني لحق عليه خلف ومسكه وجلده بغضب وعبدالملك أخذ واحد:انت ماتستحي تدخل بيوت الناس
واتصلو على الشرطه
ولكن خلف جلدهم من كل قلب لان عيونهم شافت العنود وكان معصب ولا تعشا واعتذر وقال انا عنده شغل كثير وكان معصب من الشباب ..