سعاده لمدة ثلاث شهور!

٥

بشاير:يعني يانجلاء سعود انسان ماراح ألاقي مثله مثل ماتعرفين انا بدون أهل صار لي كل شي حتى الماء الي اشربه معيشني احسن عيشه وأحبه اكثر ممايحبني
نجلاء:الله يسعدكم ويخليكم لبعض
بشاير:وانتي يانجلاء صدقيني راح تعيشين حياة سعيده وأتمنى تفتكين من نواف وتدرسين وتحقيقن أحلامك وانا عندي يقين 
نجلاء:ان شاء الله. يارب اسمع منك
...
وعند عبداللمك
الي كان يفكر بـ اسماء  وكيف يقنع امه وان مايبي يتزوجها وأنه عافها الخاطر بعد شوفة "نجلاء"
-تمام خليني ارسل لها وأتطمن عليها
وجاء صديقه "عزام"
عبدالملك :انا راح اتصل وأشوف أحوالها
عزام:انت صاحي؟ بالله عليك البنت مرتبطه وانت مرتبط شلون تكلمها وانت ولاشي بالنسبه لها!؟
عبدالملك:عادي انا دكتورها واتطمن عليها
عزام: فكر بعقلانيه وأعقل وأثقل واستح على وجهك هاذي البنت على ذمة رجال احشم نفسك
وكان بالنسبه لعبدالملك كلام  عزام حقيقه وواقع ومافي عنه مهرب .
...
عند نواف الي جالس مع الشباب ويسولفون ويطقطقون دق جواله وشاف طلع اخوه عبدالله ورد..
عبدالله:نواف وينك؟
نواف:عند الشباب شصاير؟
عبدالله :المصايب صايره وانت عند الشباب تعال بسرعه للمستشفى .....
نواف :تمام شوي وانا عندكم
ولكن الصدمه لما وصل نواف وشاف خواته  العنود وصبا وفجر يبكون ونايف اخوه الصغير بحضن عبدالله ويصيح انصدم نواف يوم شاف حال اخوانه!
نواف: العنود شصاير!؟ صبا شفيك فجر ليش تبكين  عبدالله وش بلاكم؟!
ومازلو يبكون ومحد رد
سالم وينه نجلاء يانجلاء وينك ؟
عبدالله:سالم ونجلاء بقيم الطوارى
نواف :شصاير؟
خالتي ام نجلاء عطتك عمرها
وقف شعر رجلي بذهول وناظرت اخواني غير سعيد على حالهم
:وسالم ونجلاء؟
عبدالله:سالم كان معها بالسياره بس الحمدالله هو بخير ونجلاء معنا بس أغمى عليها وهي داخل تأخذ مغذي 
نواف:حادث!؟
عبدالله :  اي حادث صدقني سالم بخير
نواف :لاحول ولاقوة الا بالله
—
اول ماسمعت بالخبر ماصدقت امي تركتني بعد طحت واغمى علي من كثر الصدمه
تلاشت أحلامي صحيت بعد ساعتين وانا مرهقه ودموعي ماوقفت
:بسم الله عليك
ناظرت وشفت عبدالملك اول ماشفته انهرت وبكيت زياده
نجلاء:لا مستحيل بعد امي راحت وخلتني مستحيل انا شسوي الحين ماكان باقي في الحياه الا هي
عبدالملك :تعوذي من ابليس يانجلاء
-
كانت تشكي لي عن حالها وأنها تقول مالها احد وتبكي وانا واقف على جنب وجاء زوجها وأخوه وطلعت بدون مشاكل وأدري ان نجلاء بخاطرها كلام بس مشيت لاجلها
نواف:نجلاء ارتاحي لا تعيين نفسك
نجلاء:وين نايف وفجر؟
عبدالله : فجر نامت بس نايف صاحي
نجلاء :ابي نايف
نواف:مسحي دموعك عشان مايشوفك
جاء عبدالله ومعه نايف
ونايف جاء يركض لحضن نجلاء ويضمها
وعلاقه نجلاء ونايف علاقه ام وولدها لانها كانت تعامل نايف بكل حنيه.
....مرة شهور على وفاة امهم وخلصت الاجازه وابتدت سنه جديده
وقرر نواف يسمح لـ نجلاء تدرس
وكلهم يسكنون مع ام عبدالله
وأم عبدالله ماتتركهم بحالهم كل شوي وهي مهاوشه احد منهم حتى نايف وفجر!
بس بعد وفاة امهم صارت قلوبهم على بعض وكلهم يدافعون على بعض
نجلاء صارت المسوؤله عنهم
والعنود صارت تهتم اكثر من قبل ومعاد تتهاوش معهم
وصبا تحب تعتني بكل التفاصيل عشان مايحسون انهم ناقصين عن احد
وسالم تغير وعقل وترك الطيش وحركات المراهقين وصار الدرع لهم عن ام عبدالله
وفجر ونايف عارفين ومدركين للوضع وعدم رجعة امهم ضايقهم كثير