ᵉˡ' ᴅɪᴀʙʟᴏ ᶜᵒᵐᵖˡᵉᵗᵉᵈ ʸⁱᶻʰᵃⁿ ᶠᵃⁿᶠⁱᶜ

𝙴𝚙𝚒𝚕𝚘𝚞𝚐𝚎

𝚎𝚕' 𝙳𝙸𝙰𝙱𝙻𝙾

꙳

𝙴𝚙𝚒𝚕𝚘𝚞𝚐𝚎

꙳

' The Devil is not a red man with
horns and tail.. He can be beautiful,
Because he's a Fallen Angel"

ශ්වේත වර්ණයෙන් දිලෙන වන්ග් මන්දිරය... සීන් ඒ දෙස බලා සිටියේය. සුපුරුදු ලෙසින්ම දොර විවර කරගත් සීන් පඩිපෙල දිගේ ඉහළ මාලයට පිය නැගුවේය. වෙනදා හැරෙන වම් පසට දිවෙන පැසේජය වෙනුවට දකුණු පසට හැරුණු ඔහු එහි කෙළවරක වූ දොරටුව විවර කරගෙන ඇතුලට ගියේය. බිම සිට වහලය තෙක් උස් ප්‍රංශ ජනේල සුපුරුදු ලෙසින්ම සුදු පැහැ තිරවලින් වැසී ගොස් තිබියදී ඒ අසලට ගිය ඔහු ඒවා පසෙකට කර පහල ඇති උද්‍යානය දෙස බැලුවේය. වසර ගණනාවක් ඔහු රැඳී සිටි වන්ග් මන්දිරය හැරදා යන්නට ඔහුට සිදුවන බව සීන් දැන සිටියේය. ඔහු වසර අටක් පුරාවට සැලසුම් කල පලි ගැනීම දැන් අවසන්ය.. ඉතින් තවත් අරමුණක් ඔහුට ඉතිරි වී නැත. එහෙත් ඔහු යළිත් මියෙන්නටද නොහැකි ආත්මයකි. ආත්මයකටද වඩා ඔහු යක්ෂයෙකි. සීන් දීර්ඝ සුසුමක් සමඟින් යළිත් පිටව යන්නට හැරුණද ඔහු එතැනම නැවතුනේ ඔහු දෙස බලා සිටින යීබෝගේ රුව නිසාවෙනි.

වසර අටකට පෙර ඔහුව මුලින්ම දුටු දිනයේ ලෙසින්ම යීබෝ ඔහු සිටින කාමරයේ දොරට හේත්තු වී සීන් දෙස බලා සිටියේය. පෙරදී ඔහුගේ දෑස් කියවන්නට අසීරු වුවද සීන් දැන් එය මනා ලෙසින් දැන් සිටියේය. එහෙත් එහි දැන් වූයේ කිසිදාක නොදුටු හැඟීම් රාශියකි..

"Your Majesty..."

පෙර කෙසේ වුවද දැන් ඔහු යක්ෂයෙකි. ඔහු ඉදිරියේ සිටින්නෙ යක්ෂාධිපතියාය. සීන් ඔහු ඉදිරියේ දණ නැමුවේය.

"My little feisty monster... එහෙම කියන්න ඕන නෑ..  "

සීන්ව නැගිටුවාගත් යීබෝ ඔහුව තම සිරුරට තද කරගත්තේය. යීබෝගේ දුඹුරු පැහැ දෑස් තුන් සීන් අතරමං වෙද්දි යීබෝ මෘදුව ඔහුගේ නිරුවත් උඩුකයෙහි පසුපස වූ කැලැල් අතගාන්නට වූයේය. එක්වරම මුදා හැරුණු සීන්ගේ දීප්තිමත් කළු පැහැ පියාපත් දෙස බලා සිටි යීබෝ නැවතත් ඒවා සීන්ගේ සිරුර තුළ සැඟවූයේය.