عيلتنا

الحلقه(1)

روان : واااك تعبت
ميرال :اسمعي اني بنمشي نشوف شن يبو وانتي بري البسي الان عمتي جايين امالي راجلها
روان :قصدك دراه هديكه جايه
ميرال : اكييد توا خلي نوض نوتي روحي وانتي بري افطري وبعدها تعالي البسي باش نضمو دار فرخات مشو مع محمود بياخدو بيكملو شن يبو من حوايج
روان : به اسمعي شن رايك نلبس قفطان سماوي
ميرال : البسي حتى توته المهم بدلي لبستك اهيا رايحه زي عبسي ولد جرانه
روان : مصحك
أم روان (سعاد) : هيا خفي روحك انتي وياها متعيوش من هدرزه عمتكم امال من امبكري تنادي
ميرال+وران : هي هييي

"طبعاً اليوم فاتحه عمهم عصام ف كلهم بايتين في حوش جدهم لوطه في مناسبات ديما بنات ولاد يجتمعو لوطه في حوش جدهم"
__________________________
عند روان
روان : ماشيه عين مسكره وعين مفتوحه متندريش علي شي وفجاءه بوومم
روان : خير بلاك شن احول متشوفش🤬
محمد : نعم نعم🤨
روان : حييي ااااااه اسفه اسفه منندريش عليك
محمد : من جديد اعرفي شن تقولي راك بنت
روان : توا زي سبيتك متلاً ولا ضربتك كفوف😒
محمد : احترمي نفسك يا فرخه
روان : فرخ الا انت حاسب روحك واااو ويااي ومشت تجريي
محمد : وربي لما نوريك يا كلبه اقسم بالله لما ندفنك🤬🤬
اصيل : خيرك يا راجل شن جاك في نص ممر تعيط زي وحدا طلقت من راجلها😂😂
محمد : واااك واني ناقص مجانين
اصيل : بشويه عليك بشويه توا يردلك راجلك حبي معاش تعيطي
محمد : برا درق وجهك يا مريض
اصيل : به متبيش ماسك اعشاب يا حلو راهو مفيييد هلبا
محمد : نقتلك راااه
اصيل : نحبك اني
محمد : ارفعوه من عليا ارفعوووه
عمي ( عصام) : خيركم يا مهبله يوم فاتحتي وهكي مدايرين
اصيل : ماهو نحبوك يا حلو
محمد : ارفعه من عليا اهوا خير ما نقتله
عصام: بعد ما ناخد كبيده اقتله
اصيل : ياخييي ياخييي كبيده صاار
محمد : ياربييي صبررر🤬🤬
_______________________________

عند محمود والبنات في سياره
قمر : وااك يا محمود افتح مكيف
محمود : مش سواقك اني
مرام : نوووو
سنابل : به افتح روشن
محمود : باش يبدو يعاكسو فيكم قدامي
سلسبيل : عادي المهم يخش هواء حتى شويه
محمود : عادي في عينك
اماني : حمودي تربح افتح مكيف
محمود : لاا بنزينه نحصل فيها بي تشييط ريق
قمر : ياريت ماطلعت معاك زفت
محمود : نعممم شن قلتي
قمر : سلامتك
_____________________
عند ميرال
ميرال : لبست قفطان طويل بيج بي ورد ودارت شعرها ضفره الان شعرها طويل ودارت ميكب خفيف طلعت طرففف😂
خشت للمطبخ لقت ضي مصكر استغربت
فتحاته وحست بي حد شدها
ميرال : منوووو😱
سند : جداك
ميرال : خلعتني
سند : ياروحي عليك (وكان سند لابس سوريه سماويه وسروال اسود وطالع طرفف)
ميرال : شن دير اهني
سند : نعاكس
ميرال : ههه مبردك
سند : ههههه مشاء الله طالعه طرف
ميرال : صقع عليك
سند : ههههه به وين فرخه روان
ميرال : منعرفش وين تلود
سند : به اسمعي فضيلي طريق بنمشي نوتي روحي وقتت
ميرال : اوك
ميرال : فضت لي سند طريق وطلع لكن كانت في عيون تراقب فيهم و تتحلف وتعاود في ميرال
________________________
عند نساوين
(مقعمزين في صاله في حوش العارف فيه صاله كبيره للمناسبات بس....)
ام روان (سعاد) : اهلين كيف حالك تفضلي قعمزي
مراء : يزيد فضلك شن حالك وحال بنات
ام روان(سعاد) : تمام الحمدالله بخير
مراء : والله ياوخيتي اني عجبتني بنتك روان ونبيها لي ولدي و ولدي مشاء الله فاتح شركه اهني كبيره ويخدم و موتي حتى حوشه و ادب اخلاق وانتي بنتك عجبتني متربيه وبنت ناس
ام روان(سعاد) : والله شن بنقولك يا وخيتي خلي نسأل بوها وهيا ونكلمك
مراء : تمام خودي وقتك
ناضت ام ميرال ( سعاد) : مشت تستقبل في ناس
(ابرار ورغد في جامعه ومروه في مدرسه)
______________________________
عند ابرار
ابرار ماشيه تراجي في بوها باش تروح فجاءه جاء واحد وقعد يناشب فيها
ابرار تعفلقت : شن تبي في امي
ولد : لا نبيك انتي
ابرار : شن تبي
ولد : نبي الرقم يا سمحه
ابرار : واني علي اساس بنعطيهولك ترا برا درق وجهك
ولد : يعني بناخده بي سيف😉
ابرار : كانك راجل تعالى
ولد بدا يقرب و ابرار ميته من خوف لكن مبينه روحها قويه فجاءه جاء زين وشياطين فوق راسه
زين : خير امكك يا!$*&#€
ولد : من انت وشن دخلك
ابرار : زييين😭😭
زين : بري اركبي سياره وحسابك عندي
ابرار : مش ح نركب لين تركب انت
ولد : ورقم شن صار فيه
زين : وقاعد تتكلم زياده تعالى جاي
وصارت عركه و ولد طلع موس لكن زين كان معاه مسدس و ولد هرب
زين متعفلق : اركبييي وربي لما نوريك
ابرار ركبت وتبكي وجها ولا احمر
زين : كيف تقعدي بروحك كنا مجيتش اشبح شن صار فيك
ابرار تشهق وتبكي : هوواا اءءء😭
زين : خلاص زفت اسكتي
ابرار سكتت وخايفه بتموت من زين
زين ولع سياره
ابرار : به بابا بيجيني كيف بيصير
زين : هوا قالي روح بيها
ابرار : به وين ماشي بيااا مش طريق حوش هادي
زين : خلاااص زفت اسكتيييي
ابرار : سكتت وترعش
(وقف زين علي بحر)
زين : انزلي
ابرار : مخاطريش
زين : شن قلت
ابرار : خلاص زين مش بسيف
زين علا صوته : شن قلتتتتتتت
ابرار : سكتت ونزلت ومشو شويه وهدت وتغير جوها وخدو جيلااطي
_______________________________
عند رغد
رغد : مشت وقفت ورا شجره وفرحانه شويه وجاء واحد حضنها من خلف
صهيب : شن جو الحلو
رغد : صهيب نحي حي عليك يجي واحد ويشوفنا
صهيب : مستاحش حبيبتي اني شن مشكله
رغد : به حبيبي نحي ارجوك فكنا من مشاكل
صهيب : به لكن عندي ليك خبر
رغد : نعم حبيبي قول شنو فيه
صهيب : مشيت وطلبتك من جدك
رغد : به شن صااار
صهيب : رفضو قالو مزالت صغيره علي زواج
رغد : ششنوو
صهيب : اسمعي اهربي معاي هادا حل وحيد
رغد : اءءءء ءء كككيف
صهيب : حبي اني وياك لينا هلبا ونكلمو في بعض وانتي تعرفيني نموت فيك
رغد : اي لكنن💔
صهيب : في ليل اكيده بيكونو لاهييين نقزي من سور وتلقيني نراجي فيك حبي
رغد : ببه
صهيب : تمام حبيبتي هي باي بعدين نهدرزو وزي ما قتلك
رغد : تمام حبي باااي
____________________________
عند روان
روان : مشت وهيا راقيتلها فطرت ولبست قفطان طويل زي ميرال لكن روان سماوي وميرال بيج ودارت شعرها بلسترا وخلاته مفتوح الان طويل ودارت ميكب
طلعت وبدت تعاون في ميرال وحكتلها شن صار
ميرال : محلاه خوي😂😂
روان : مصح وجهك والله اني لي فاضيه نحكي معاك🤬
ميرال : هههههه حي عليك حي لما يوريك
روان : طززز فيه😒
بنات خشو وداهشيين و وشاح طايح
ميرال : بسم الله خيركم
روان : شكله كانو يحاربو😂
قمر : خزييي عليه وجه نكد وربي ماني طالعه معاه تاني باهي🤬🤬
اماني : متت اني
مرام : معاش نبي نكلم حد
قمر : بنبكي😭😭
سنابل : مجنون فرخ
سلسبيل : فيه طقه وربي
روان : بشويه عليكم خيركم شن صار
قمر : محمود دراه مخلناش لا نفتحو روشن ولا مكيف وجو نووو مافيش حتى اكسجين
ميرال : قويه😂😂😂
اماني : بالله باي ترا
ومشو بنات لبسو
قمر : لبست سوريه بيضه وسروال سماوي وشعرها خلاته مفتوح ودارت ميكب خفيف
اماني : لبست سوريه بيضه مخططه بي الاكحل و سروال اكحل وقامت شعرها فوق ودارت ميكب خفيف
سلسبيل : سوريه بيج وسروال عنابي ودارت شعرها ضفره ودارت مكيب خفيف
سنابل : سوريه علي بودري ميت وسروال ابيض وشعرها قايماته ومدايره ميكب خفيف
مرام : سوريه بيضه و سورال ازرق فاتحه شعرها ومدايره مكيب خفيف......
___________________

ان شاء الله تكون عجبتكم الحلقه وزي ما قتلكم لازم تعطوني رايكم الان اول مره نكتب روايه وبأدن الله ح تعجبكم وح تكون فيها مواقف وشخصيات جدد ح يطلعو فيها في حلقات قادمه🌌🤍

آلگآتبهہ‏‏ ‏‏:بنت آلآمـيـر👑❤