عيلتنا

الحلقه(19)

عند اروى
اروى : شن هيا الخطه
هبه ضحكت بخبث :...................
اروى شهقت : حييييي
هبه : اسكتيي
اروى : قويه الخطه
هبه : لكن تبي تنفيد وتركيز ومتخليش حد يشك
اروى : لكنن صاعبه يعنيي
هبه : لي تبي تنتقمي من روان
اروى : اي
هبه : خلاص يعني
اروى ضحكت : قويه لكن
_________________________________
عند روان
محمد : بعد ولكن قاعد قريب
روان دموع في عيونها : علااش هكي
محمد : ابتسم وقام ايده يتلمس في خدها
محمد : عقاب ليك علي كلامك لي قلتيه
روان : اصلن في الاخير معنديش غير بنوافق
محمد قام حاجبه : نعممم
روان ببرود : عادي
محمد : شوره مزال تبي عقاب تاني
روان وقفت : احلم (وطلعت)
محمد ضحك : توا تشوفي من يحلم ياروان
__________________________________
تسريييع الاحدااث
عند العيله
الساعه9:30
الكل مقعمزين البرا والولاد يتسهوكو ويعبو في الحوض امى رجاله مقعمزين مع بعض وويهدرزو ويدكرو في ايام زمان والنساوين مقعمزين ومدايرين كراسي وبساط وجلسه برا والبنات يهدرزو ويتسهوكو علي الولاد والجوو حلووو.......فجأءه خش هيتم
هيتم : شنجووو
محمد : تلفت لروان واشرلها انها تخش
روان : بأستفزاز قلبت عيونها ومعدلتش
قمر بهدوء : روان نوضيي محمد من امبكري يشوفلك وعيونه ناار
سنابل ضحكت بهدوء : حي عليك
روان ببرود : مدخليش فيه
ميرال بهدوء :نوضي وبلا عاار
روان : وقفت وخشت وكان وراها محمد
مروه ضحكت : حي عليها لما يوريها
سنابل : اسكتي وخلينا نتفرجو
قمر : تلفتت ولقت محمود يضحك مع اصيل
قمر بملل : خزي
مروه : علي منو
قمر : مشعارفه
______________________________
عند روان
روان : خاشه ومش ملاحضه ان محمد كان وراها
روان خشت للمبطخ : هوا هادا نبدا غير نسمع في كلام فرخ
محمد : قايم حاجه ومتكي علي باب
محمد : والفرخ هادا يقدر يدير هلبا حجات
روان انصدمت ووقفت في مكانها : اءء ممم
محمد قرب ومسكها من خصرها : تكلمي
روان : ببببعد
محمد : مش ح نبعد
روان ضحكت بتوتر : مممحمد انييي
محمد قرب : فرخ صار
روان ارتبكت : لالا اني فرخه
محمد زاد قرب : امممممم
روان : بساته علي فمه بوسه خفيفه😂❤
روان بدلع : هادا كأعتدار علي كلمه فرخ
محمد ضحك بصدمه : وكلام تاني شنو
روان : امممم فات ليه هلبا
محمد : وبه هل تعرفي انك تجريتي وتبوسيني بدون ادن
روان : عادي
محمد قام حاجبه : بنعاقبك عليها
روان : احلم
محمد : بوسيني
روان : نعم نعم
محمد ضحك : زي ماسمعتي
روان : لا
محمد : وعلاش
روان : مستحيلا اصلن
محمد : امالا منوو لي باستني قبل شويه
روان : انت شورك تحلم
محمد : بوسيني ولا انتي تعرفي شن ندير
روان بخبث : به سكر عيونك
محمد : سكر عيونه وفجاءه.....بوووم
روان : ضرباته علي بطنه بقوه ومشت تجري
محمد فاتح فمه من صدمه ويتوجع : حيييي عليكك يا روااان منييي
روان : طلعت لسانها بتسهويك ومشت تجري
__________________________________
عند البنات
قمر : يابنات جبتو الدربوكه
مروه : حييي اي داخل حطيناها
مرام : به جيبوها خلي ندربكو
ميرال : صح نبو شوط قوي
روان قعمزت : صح يابنات كساد راهو
ابرار بخبث : شن درتو وشن مدرتوش
روان ضربتها : تحشمي يابقره
رغد ضحكت : اسرااار عاد
روان غمزلتها : منحكيلكش
اماني جايه تجري : يابنات اهيا دربوكه
قمر خدتها : مرام صوري صور حلوات نبي نزل في انستا
ابرار : صح هي
روان عدلت قعميزتها : هي استعدو
ميرال : شن بنغنو
روان : اي حاجه هي
قمر : في كل مكان غرسنه ورده
ميرال : احني نمشو وصنه ترقا💃🏻👏🏻
مروه : لو نعز زي ابلاتي ومناخد من عيلة باتي
ابرار : الحوش لي قدامه تل فيه ولاد تقول عسل
اماني : يا ابله منك فكيني الغالي في الساحه يبيني😂😂
ميرال : يا ابلة كانا تحبيني خليه نص حصة يجيني
رغد : جيلنا مش جيل قرايا
مروه : جيلنا حب وهدايا
سنابل : ماشي جاي علي المربوعه
سلسبيل : مش قادر يفتح موضوعه
روان : ان شاء الله طول عام قرايه
ميرال : في مرواح نشوف غلايا
رغد : جوهره وجوهر غالي
مرام : منعطوها للي والي
مروه : ماشي جاي علي سليطه
قمر : عجبتني فتحة سوريته😂😂😂
رغد : وحتى كان قصير طوله
ابرار : يرقص في رقصة معدوله
اماني : شنطه مافيهاش كتب
مرام : شنطة فيها رسايل حب
قمر : ماشي جاي ع الحمام
مروه : ع خاطر فرشه اسنان😂
مرام : إنشاء الله نركب من قدام
مروه : ويقولو هادي المدام 💃🏻💃🏻👏🏻👏🏻
سلسبيل : بادن الله نكون مراتة
روان ضحكت : نقهر كل وحدة حباتة
قمر سايخه من ضحك : وااااااك
حلومه جايه تصفق : درتوه عرس مشاء الله
روان ضحكت : باش تعرفي بسس
العارف جاء : مشاء الله ربي يحفضكم نورتو
اصيل جاي يجري : فاتنييي الجوو وربيي
محمود وراه يضحك : اسكت ياعيل
اصيل قعمز : هي ابدووو اني نعرف ندير شتاوي
مروه ضحكت : حسستني ان بنسمعو كلامك
اصيل : كله من محمد الحمار لي معرفش يولع نار
محمد : مصح وجهك
اصيل : ياغبي هادا شتاوي
محمود يضحك : وااااك
محمد : حدف عليه شبشب ولكن جاء علي زين
زين وقف : توا اني شن دخلي في الخط
اصيل ضحك : نيتي ديما تحمي فيا
سند ضحك : واضح من الحوته لجبتها
العارف ضحك : ربي يحفضكم لبعضكم كلكم ونشوفكم عرسان
اصيل : اكييد بتشوفني عريس اني اولهم
العارف : تحشم يافرخ
سند : اني ياجدي واتي غير موافقتك بس
العارف : انت اخر واحد نزوجك
اصيل : وعلاااش ياجدي خلي يمشي اريح
العارف : لين يعقلل
سند : اني عاقل ياجدي حرام عليك
حلومه ضحكت : توا بنزوجو روان الاول
(الكل شاف لروان بأستغراب)
روان : تغيرت ملامح وجهها
اصيل : طيح سعدي روان تتزوج قبلي
سند يضحك : انت طيح في سعدك وتبي تتزوج
اصيل : معاش خليتو فيا عقل
محمد تلفتت للعارف : واني ياجدي
العارف : انت قولي من هيا بس وحاضر
محمد : نبي روان ياجدي......وهكي كانت الصدمه الكل في الكل........
__________________________________
في مكان بعيييد........
الولد : مقعمز ويقرا في كتاب....فجاءه
خشت مراءه وكان الكبر واضح من عيونها واطراف الشيب لمغطيه شعرها جايبه في ايدها صفره صغيره وفيها خبزه وحليب
مراءه بصوت حنون : درتلك الخبزه لتحبها
الولد ابتسم : شكراً امي الحنونه❤
مراءه ضحكت : العفواً
مراءه : شن صار في البنت مشيتلها
ولد شرب رشفه من حليب : غدوه ح نمشي
مراءه ابتسمت : ان شاء الله علي خير
مراءه : بتعرفك هيا او لا
ولد بهدوء : ممكن تعرفني وممكن لا
مراءه ضحكت : انت خلي معاملتك حلوه
ولد : توا نشوف
__________________________________
العارف : كيف
محمد : نبي روان بنت عمي
حلومه : لكن روان....قاطعها
محمد : روان مزال موافقتش
اصيل : واحد منكم يفهمني
سند : خيرها اختي
روان وقفت متعفلقه : اني مش ح نوافق ومنبيش نتزوج افهمووو
سند : من كيف شنوو
سعاد جت : يابنتي اهدي شويه بس
سند : اميي فهميني من هوا لي بتتزوجه
سعاد : اختك جايينها خطابه وناس كويسين وولدها مشاء الله عنده حوش اهني وشقه في تركيا وبخدمته
سند : حسستيني توا احني مقللين عليها ماهو تاكل في عالي وغالي واكييد بترفض وكنا مرفضتش هيا بنرفض اني
العارف قام حاجبه : والله
سند : اي ياجدي معندناش بنات في عمر هادا يتزوجو واصلن غلط يعني البنت قاعده صغيره
العارف : من تكون باش تتكلم هكي ياولد
سند : خوها نحكم فيها حتى اني
سعاد : سنددد
حلومه : خيرني اني تزوجت وعمري 15سنه ومكملتش قرايتيي
سند : الوقت يختلف ياجداي
سعاد بهدوء : سند اسكت
روان دموع في عيونها : اني والله ماني متزوجاته وكنا بتزوجوني ليه بالغصب بنقتل روحي ولما نكرهه في حاجه اسمها زواج
سند : مش ح تتزوجي توااا والولد اني نمشيله
العارف علا صوته : كيف كيف مسمعتش
اسماعيل جاء : شن فيه
العارف : تعالى شوف ولدك شن يقول
اسماعيل : خير شن فيه
العارف : بنتك جايينها خطابه وولدك رافض وقالت مش موافق عليهم ومافيش
اسماعيل : سند علاش مش موافق
سند : والله بنتك صغيره وقاعده فرخه يعين حتى تطييب متعرفاش وانت اكيد تعرف بنتك شن وكيف ومزال العمر قدامها ولطلبها واضح فرخ من اولها كيف جاي يطلي بنت في عمر هادا
اسماعيل : والله اختك ونصيبها يعني هوا قارارها انت مدخلكش جاي فاتح فمك
روان : واني مش موافقه
اسماعيل : مش لعبه هيا مش موافقه ولا موافقه ياروان
روان : هااا ريتو انتمم تبوني نوافق بسيف عليا يعني اختي وخوي لي اكبر مني متزوجوش نجي اني نتزوج فكرو حتى قدام ناس كيف يكون منضركم يعنيي
اسماعيل : روان الزمي حدودك
روان : اني كلمتي وقلتها كنا بتزوجوني بالغصب بنخليه يطلقني من تاني يوم وبنخليه يكرهه حاجه اسمها زواج حجات اهيا تعرفوني مش صاعبه عليا.....
اسماعيل :..............يتبعع🔥😱❤

آلگآتبهہ‏‏ :  بنت آلآمـيـر👑❤