عيلتنا

الحلقه(12)

عند ميرال
ميرال مرتبكه : سنددد بعددد
سند دخل راسه في حضنها : اششش
ميرال : قريب داخت
سند : قام راسه وهوا سارح ويتفرج عليها
سند بصوت يدوب : نحبك
ميرال : انصدمت ومعرفتش شن بدير
سند باسها علي خدها : نعشقك❤
ميرال تضرب فيه علي صدره وبصوت هادي : بعددد سندد معاش نقدر نوقف
سند يتلمس في شعرها : نقيمك
ميرال : سندددددد
سند : ضحك وكانت ضحكته تجننن لين خلت ميرال سارحه
سند : تتزوجيني
ميرال ضحكت : برا لحبيبتك قوللها م...وقبل ما تكمل كلامها قاطعها سند ب......💋❤🔥
سند : بعد شويه ولكن ميرال فقدت توازن وطاحت
سند انصدم وقرب : خيرك
ميرال بصوت هادي :  معاش نقدر نوقف
سند ضحك : ياروحي بلا دلع
ميرال : نزلت راسها وكانت شببه دايخه
سند : بحركه سريعه مسك ايدها ونوضها وقعمزها علي كرسي قريب
سند قرب : شن تحسي توا
ميرال : نبيك تبعد من عليا بس
سند : ضحك وطلع ينادي وحده من البنات امى ميرال حطت راسها علي طاوله وسارحه الان مكانتش تتخيل الموقف كيفف او كيف يتجراء سند يكلمها بطريقه هادي صح كانت تحبه بمعنى الكلمه لكن مكانتش تتخيل موقف معاه بشكل هادا...❤
__________________________________
عند روان
روان بأصرار : افتح الباب
محمد ببرود : لا
روان : افتححح الباب خلااااص معاش نبي نكلم حدددد الهم افهم
محمد : وين تلفونك
روان : وعلاش
محمد قرب : اعطيني تلفون خير ماندير تصرف ميعجبكش
روان تنهدت وعطاته تلفون : افتح الباب
محمد تنهد وفتح الباب : تفضلي هي
روان : نزلت تجري وماسكه دموعها بسيف
__________________________________
عند قمر
قمر : اسمع ترا بعد
محمود : وين بنمشي وانتي مقعمزه
قمر متعفلقه : شغل دماغك الهم ونوض
محمود بعد ووقف : هي شن تبي ياهانم
قمر قامت ايديها : نوضني
محمود ضحك بخبث : اعطيني بوسه الاول
قمر  : نعطيك السم
محمود : يعني بنمشي ونخليك
قمر بصوت عالي : تي هيااااا
محمود : تنهد و وقفها
قمر قربت وماسكه ايده بقوه : ارفعني  للبنات
محمود انصدم : بجديات
قمر  : هياااا رجلي الهمم
محمود : ضحك وضغط علي ايدها ورفعها
اصيل : ماشي ويغني في جنان فجاءه.....
محمود :  نقص صوتك طالع لبرا
اصيل فاتح فمه بصدمه :  هادا شنو
قمر : سكفمك رجلي التوت من جراري الشحن لي خديته ومعاش رديته
اصيل : شحن شنو متعك وانتيي ديما حاجتك عندي الهم
قمر : انت لي تمشط في حاجاتي حتى من اكسسواراتي عندك والحديده الكحله وينهااا
اصيل : هديكه متع ولاد شن حديده كحله وعليها راس زي راس محمد وتبيها
محمود : يا اهبل الولاد ميلبسوش حديده
اصيل : تي كحله هيا مش متع بنات وتبيها  تي تطلع الا متع سند
قمر : يا كداب متعيييي اني انت شن دخلك
اصيل : بالله ارفعها زي بالعه راديو هيا
محمود ضحك : هي خشي بلا تلعليع
_____________________________
عند رغد
وليد : تتزوجيني
رغد انصدمت : اءءءءءء شششنو
وليد مسك ايدها : نبيك تكوني حبيبتي ومرتي وام صغاري
رغد : لكن انت تعرف
وليد : واني نبيك
رغد دموع في عيونها : منعرفش ياوليد
وليد : قرب وقام ايده يمسح في دموعها
وليد : معاش تبكي
رغد : انهارت وحضنت وليد بقوه وبدت تبكي بشهقه
وليد : ابتسم وبادلها الحضن وحضنها بحنيه
رغد تبكي : تعبت ياوليد وربييي
وليد بهدوء : قصه صهيب انهيها وطلعيها من راسك الان ميستاهلش ولا حاجه واني معاك وعد مني مش ح نخلي دمعتك تنزل ولا الحزن يرجعلك وح تكوني اميرتي لنخاف عليها وبنتي الحلوه
رغد : كلام وليد كأن كان هديه من ربي ليها وكانت احلا هديه واحلى كلام تسمعهه وكانت تتمنا حد يقوللها الكلام هادا ويكون فارسها ويخاف عليها وحست براحه في حضن وليد وكلامه❤
__________________________________
عند البنات
في الغرفه ونصهم يهدرزو ويقرمو في ناس ونصهم فاتحين بليستيشن
سنابل مقعمزه : يا بنااات جعانهه
مروه : وبرييي كولي من شادك
سنابل بصوت دلع : نخاف ناكل بروحي
سلسبيل : حتى اني جعت
اماني تلعب : احسبوني
ابرار : وانييي
مرام تلعب : اماني خيرك تقتلي فيا من امبكري
اماني : انتي درهي في كبد تجري ورا الولد
مرام : غير شوفو الولد وربي حلو من خلفيه متعه
ابرار : منين تعرفي باش يطلع حلو مرات  يطلع واحد تونسي منلاخير
مروه ضحكت : ومرات يطلع اجنبي
مرام : عادي
اماني : خليك وراي ومعاش تمشيله ياهمم
مرام تعفلقت : انتي دراه متعرفيش تلعبي
روان خشت متعفلقه : وين ماما
ابرار : امك روحت وقتلك بيجامه تلقيها عند اختك قمر
روان تلفتت يمين ويسار : خواتي وين
مرام : اهدي وانتي قريب تتفجري فينا
سنابل : خيرك وجهك مقلوب رايح وعيونك حمر
سلسبيل ضحكت : رايحه زي سكرانه
روان : هنيلي جمالك انتي وياها...فجاءه
قمر خشت متعفلقه : رجلي الهممم
مروه ناضت تجري  : خيرك
قمر دموع في عيونها : كله من كلب محمود
سند ينادي : روااان مروه سناابل
روان : هادا خيره........ها نعممم خش
سند خش :  تعالي
روان : علي وين
سند : ميرال في مطبخ تبيك
روان : وشن جابك ليها ميرال
سند : توااا بريلها وبلا اسئله عبيطه اهيا
روان : مشت متعفلقه للمطبخ
سند تلفت لقمر : خيرك فكرتيني في عيل  يتعلم المشي
قمر متعفلقه : فوتني ترا
سند تلفت وانصدم : ياكلبااات بليستيشن اهنيي واحني ندورو عليها
سنابل : لااااع وربي ماك واخدها لين نلعب
ابرار : صح ياسر انتم تاخدو فيها ديما
سند : دبرو بنجو نلعبو بيها امالا
سلسبيل : جيبو معاكم مكسرات وجوو مش تجو فاضيين
سند  : حتى انتم تكمو الجوو
اماني ضحكت : فيه حشيش و سكير كان تبي
سند ضحك : فرخه(ومشاء)
__________________________________
عند روان
روان : خشت للمطبخ واستغرب ان مسكر الضي....فتحت الضي ولمحت ميرال مقعمزه ومغطيه راسها
روان قربت : ميرو حبي خيرك
ميرال : قامت راسها ودموع في عيونها فجاءه حضنت روان وتبكي
روان انصدمت : خيرك من زعلك قوليلي
ميرال تبكي : بنموت يا روان
روان : بادلتها الحضن وبدت تبكي معاها الان كانت محتاجه حد يحضنها وتحكيله وتفضفضله
ميرال بشهقه : خلااص تعبت معاش نتحمل وربييي
روان تبكي : واني شن نقول يعني
__________________________________
عند رغد
رغد بعدت شويه : شكراً
وليد تنهد : متأكده انك كويسه
رغد بهدوء  : موافقه علي زواج
وليد انصدم : اءءءء متأكده
رغد ابتسمت : اكيد
وليد ضحك بفرح : تمام الجو صقع بري خشي
رغد قربت وحضناته : تصبح علي خير
وليد ابتسم : اءءء وانتي بخير
رغد : ابتسمت ومشت تجري
رغد : خشت وفجاءه تلاقت مع سند في ممر
سند قام حاجبهه : وين كنتي
رغد : اءءء ككنت برا مقعمزه
سند :  تمام معاش تطلعي صقع برا(وطلع)
رغد  : خشت ولقت البنات مقعمزين في الغرفه
رغد : خيركم وجهكم مقلوب
سنابل  : واخيراً شفنا حد خاش رايق
رغد ضحكت :  علاش شن فيه
مرام : روان وميرال مدايرين عزاء في مطبخ وخايفين ان جدي ولا جداي ينوضو
رغد استغربت : شن فيه
قمر  : اشبح شن صاير معاهم
رغد قربت  : خيرها رجلك
قمر : التوت
رغد  : تمام خليك في مكانك توا نديرلك
سلسبيل : حاجات تلقيهم في مكتب جدي
رغد : تمام(وطلعت)
سنابل : ناضت ونحت بليستيشن
مروه : علاش نحيتيها
سنابل  : بالله نعطوهالهم خير ما يجونا ويزيدو يعكرو الجو واصلن روان وميرال جوهم مش تمام مرات يشكو الولاد وهكي
اماني  : صح اعطيهالهم وخلاص
سنابل  : شويه ونجي (وطلعت)
قمر اتكت :  تعبت
روان : خشت وكانت وراها ميرال
مرام : طيب فيكم
ميرال مشت ورقدت : تصبحو علي خير
روان : تنهدت ورقدت بحداها
البنات : تلفتوو لبعض وسكتو
رغد : جت ودارت رجل قمر
سنابل خشت : خيركم زي متفجره فيكم قديفه
اماني : الكل تفكر نومه ورقد
مرام : ارقدو وخلاص معندنا علاش نايضين
سلسبيل ضحكت : متنسوش تحلمو بعريس  الغفله
مروه : جاي علي معزه بيضه
ابرار ضحكت : ارقدو يا مهبله
(وهكي الكل راح في نومه عميقه وفي لي فرحان وفي لي مضايق امى عند الولاد سهرو علي ببجي لين رقدو وتلفونات في ايديهم وطبعاً من التعب وهياجه في العرس الكل رقد في نوم عمييق❤)

آلگآتبهہ‏‏: بنت آلآمـيـر👑❤