عيلتنا

الحلقه(5)

تمو ايام العرس وجي يوم الحفله ولكن وليد مش موجود نهائي وهذا خلا رغد تشك وتخاف وماحستش بالعرس بسبب تفكيير والخوف مسيطر عليها ولكن لبنات دارو الجو ونسوا يلي صار........
السااعه2:30
طبعاً الكل مشغول ويوتي في روحهه لي في مزين ولي يوتي في بدلته وطبعاً ضيوف اكتريتهم بايتين وانتم تعرفو العادات ليبيه وكيف الجو في اعراس......
عند روان
روان : تجري في الممر وكانت لابسه سروال اسود لاصق وسوريه علي ابيض وطبعاً شعرها كان مفتوح
روان متعفلقه : وووه تي وينه الباور
محمد خش مصدوم : شن ديري اهني
روان عيطت : اطلععع
محمد : تي الولد بيخش بري خير ما نطيح فيك كفوف توا
روان : ياااي خفت يمامي
محمد يدف فيها : بري وانتي رايحه زي تونسيه
روان : تعفلقت ومشيت تجري قربعت الباب
محمد ضحك : واااك هبلتني الفرخه
___________________________
عند ميرال
ميرال : في مطبخ واقفه وتتكلم بتلفون
ميرال ضحكت : هههههه ستاحشتك
جود ضحكت : حتى اني وربي
ميرال ضحكت : به امتى بنتلاقو
(فجاءه بحركه سريعه ايد خدت تلفون وحدفاته علي الحيط)
ميرال منصدمه : شششن درت
سند متعفلق : في من تكلميي
ميرال : ششن درت انت كيف تحدف تلفوني
سند مسك ايدها وقرب : في من كنتي تكلمي
ميرال منصدمه : نكلم في صحبتي خيرك هكيي انت
سند ضحك : علي من تضحكي انتي متفوتيشي علياا كنت نسمع فيك شن تقولي
(فجاءه خشت روان متعفلقه)
روان انصدمت : سند شن ديير اهني
سند : بعد وطلع بدون ميرد علي روان
ميرال : انهارت وبدت تبكي بشهقه
روان : قربت وانصدمت بتلفون مكسر
روان : شنن هادا شن صااار فهميني
ميرال : خوك مشعارفه خيره خش وخدا تلفون مني وحدفه وقعد يلوح في الكلام...
روان : وعلاش كيف ياخده منك هكيي
ميرال : كنت نكلم في جود ويحسابني نكلم في ولد خش متعفلق
روان استغربت : اكييد فيه حد قاله كلام مستحيلا خوي يخش هكي متعفلق ويتصرف تصرف هادا
ميرال وقفت مسحت دموعها : خلاص انسي
روان : كيف بتتكلم قاطعتها قمر......
قمر : يا بايرات هاربين للمطبخ واحني نحسابوكم مشيتو حجزتو في مزين
ميرال : مزين شنو
قمر : امس شن كنا نخرفو ترا
روان شهقت : هيييي نسييت نطلع قفطان
مرام : برو انتي وياها محمد يراجي فيكم برا
روان تعفلقت : منيش ماشيه
ميرال استغربت : علاش
روان : فكني منه خوك كنا نحصل عليه نطيح فيه كفوف
مرام ضحكت : بيصير العكس
عمتهم(امال) : يابنات بسرعه خفو روحكم
روان : طلعت متعفلقه وبدلت وكانت فستان طويل كم ووشاح وسبيدرو عالي
ميرال : كانت لابسه سوريه وسروال لكن سوريه قصيره شويه ف لبست عبايه علي اسود ومطرزه شويه ووشاح لونه عنابي
ميرال ركبت في كرسي القدام : شنجو
محمد : ماشيه
روان : ركبت في كرسي الخلفي وسكرت الباب بقوه😂
محمد : مناخدش فيه من البحر اني راهو
روان بأستفزاز : عادي زي ماخداته تاخد غيره
محمد : كيف جاي بيتكلم.........
ميرال : ههههه حمودي عادي خف روحك الان مزال ورانا هلبا مواضيع بنديروها
محمد تنهد بقله صبر : تمام
روان : تلفتت لروشن وكانت متعفلقه ولكن عكس محمد كان شويه يقيم عينه علي مرايه ويشوفلها
________________________________
عند ابرار
ابرار : طلعت لجنان وكانت متجهها لشقتهم والان الشقق دروج متعها البرا.......
زين : ابراار
ابرار خافت وبدون متتلفت : اءءءء
زين : اركبيي فيسع الرجاله بيخشو
ابرار : به وكيف بتركب........
زين : حس ب حد خاش ف مسك ايد ابرار وركب يجري
ابرار : منصدمه ومعرفتش شن بدير
زين قرب بهدوء : بري خشي ومعاش تطلعي لين نقولك
ابرار : ببههه
زين مسك شعرها بهدوء : ومن جديد اطلعي بوشاح مره اهيا بنسكتلك تمام
ابرار : بحركه سريعه بعدت وخشت لشقتهم وسكرت الباب
زين قام ايده : مشعارف كل ما نقرب منها ننسا روحي الهم(ونزل)
ابرار : انفاسها متلخبطه ومشعارفه شن بدير وكل ماتتدكر الموقف تزيد تتوتر
_________________________________
عند البنات
في الغرفه يوتو في روحهم
مروه تسشور في شعر قمر : تي اقعدييي
قمر متعفلقه : حرقتيهولي شعريي يابقره
مروه متعفلقه : انتي متبيش تقعديي
مرام بعدت تلفون شويه : اسكتوو شويه
قمر : بري كلميه في غرفه تانيه ترا
مرام بعدت : ايوا حبيبي
معاذ ضحك : شكله دوشه هلبا بحداك
مرام : اي ماهو بعدين الحفله
معاذ : الله يعني بتولعيها انتي
مرام ضحكت : اكيد ياروحي ملا شنو
معاذ : نبي نشوفك
مرام : تبصر ولا
معاذ : في ليل توا نجيك من ورا سور بنشوفك مدخليش
مرام : باش ولاد عمي يقتلوني صح
معاذ : دبري نبي نشوفك وربي مرايفلك هلبا
مرام ضحكت : ياروحي توا نحاول ونكلمك
معاذ : تم نراجي فيك
مرام : تشاو(وصكرت)
سنابل : حي عليك كنا سمعاتك عمتي لما تقتلك
مرام : اسكتيي يبي يشوفني الفرخ
سلسبيل : مصح وجهك انتي وياه
قمر عيطت : لاااااع يابقره شعرييييي
مروه تنرفزت : بالله اقلبي خليقتك من عليا
قمر : حرقتيهوليييي قبل مانمشي لمزين
اماني : يابنات شن رايك فيه قفطان نلبسه ولا نلبس تاني
قمر : تعاليييي ديريلي شعري تربحي
اماني : مش فاضيتلك مزال موتيتش اني
قمر : خزييي عليكم(وطلعت)
مروه : بالله واحد يجي ويقولي ديري شعري نقتله قبل مايمشي مزين مره اهيا
سنابل ضحكت : متوحشه
_________________________________
عند قمر
قمر : طالعه متعفلقه وتسب وتعاود😂
محمود من ورا باب : قمررر
قمر : شن تبي فيا انت تاني
محمود : انصدم في شكلها وكيف شعرها هايج لين فجاءه
محمود تفجر من ضحك : وااااااك
قمر عيطت : اقلب وجهك
محمود يضحك : من دارلك شعرك
قمر : اختك مروه البقره متتحشمش
محمود : واااك قويه هلبا
قمر : تعفلقت وكيف بتمشي
محمود : غير تعالي شويه
قمر : شنو
محمود : فضيلي طريق نبي المطبخ جعان لين خلاص
قمر : مصح وجهك قصدك بتخش
محمود : تي جعان وربي بنموت وفلوس نسيتهم في حوشنا ومعنديش نيه نركب و...
قمر عيطت : ت باهي وانت فتحتلي دسكه
محمود ضحك : به هي فضيلي
قمر : تمام اصلن مافيش حد في مطبخ
محمود : تم
___________________________
عند رغد
رغد : نازله من دروج وكانت لابسه قفطان طويل كم لونه سماوي و وشاح ابيض وميكب خفيف ولكن كانت سارحه نص الوقت ومحضرتش العرس هلبا
رغد : كيف بتفتح الباب فجاءه....حست بحد مسك ايدها
رغد تلفتت وانصدمت : ووولييد
وليد قرب بهدوء : اششش
رغد : معرفتش شن بدير غير انها تبعد
رغد بدون متشوفله : ترا بعد بنفتح الباب
وليد : مسك ايدها بقوه ورفعها لجنان خلفي
رغد مصدومه : وليد بعد قبل مايشوفنا حد
وليد بهدوء : قتلك اسكتي اني ولا
رغد متعفلقه : برا مش ناقصه
وليد : شن رايك توا نرفعك قدامهم لسياره
رغد : سكتت وماسكه دموعها بسيف
وليد : فهم قصدها ف سكت
رغد : وليد لوسمحت انت ولد عمي ولتوا درته غلط وكنا حد.....قاطعها
وليد بأستهزاء : ولي درتيه مع صهيب مش غلط؟؟
رغد : سكتت
وليد زاد قرب : جاوبيني
رغد :................يتبعععع❤🔥

آلگآتبهہ‏‏ :بنت آلآمـيـر👑❤